ກອງປະຊຸມກ່ຽວກັບການພັດທະນາທ່າບົກ, ການດຳເນີນທຸລະກິດຂອງລັດວິສາຫະກິດໄຟຟ້າລາວ

- 309974939 533948172068006 6208278011370508818 n - ກອງປະຊຸມກ່ຽວກັບການພັດທະນາທ່າບົກ, ການດຳເນີນທຸລະກິດຂອງລັດວິສາຫະກິດໄຟຟ້າລາວ
- 16583075379783 - ກອງປະຊຸມກ່ຽວກັບການພັດທະນາທ່າບົກ, ການດຳເນີນທຸລະກິດຂອງລັດວິສາຫະກິດໄຟຟ້າລາວ

ວັນທີ 29-30 ກັນຍາ 2022 ທີ່ແຂວງຫຼວງພະບາງ ກຳມາທິການເສດຖະກິດ, ເຕັກໂນໂລຊີ ແລະ ສິ່ງແວດລ້ອມ ສະພາແຫ່ງຊາດ ໄດ້ຈັດກອງປະຊຸມສຳມະນາກ່ຽວກັບການພັດທະນາທ່າບົກ, ການດຳເນີນທຸລະກິດຂອງລັດວິສາຫະກິດໄຟຟ້າລາວ, ທິດທາງການປັບປຸງໂຄງສ້າງລາຄາໄຟຟ້າ ແລະ ການພັດທະນາລະບົບສາຍສົ່ງໄຟຟ້າແຫ່ງຊາດ ໂດຍການເປັນປະທານຮ່ວມຂອງທ່ານ ສົມມາດ ພົລເສນາ ຮອງປະທານສະພາແຫ່ງຊາດ, ຜູ້ຊີ້ນຳວຽກງານເສດຖະກິດ, ແຜນການ ແລະ ການເງິນ ສະພາແຫ່ງຊາດ ແລະ ທ່ານ ວົງສະຫວັນ ເທບພະຈັນ ປະທານສະພາປະຊາຊົນແຂວງຫຼວງພະບາງ; ມີບັນດາທ່ານຮອງເຈົ້າແຂວງ ຜູ້ຊີ້ນຳວຽກງານເສດຖະກິດ, ຫົວໜ້າພະແນກການ ແລະ ພາກສ່ວນທີ່ກ່ຽວຂ້ອງຂອງແຂວງບໍ່ແກ້ວ, ຫຼວງນໍ້າທາ, ຜົ້ງສາລີ, ອຸດົມໄຊ, ໄຊຍະບູລີ ແລະ ແຂວງຫຼວງພະບາງ, ສະມາຊິກສະພາແຫ່ງຊາດ ທີ່ເປັນກຳມະການຂອງກຳມາທິການເສດຖະກິດ, ເຕັກໂນໂລຊີ ແລະ ສິ່ງແວດລ້ອມ ປະຈຳຢູ່ເຂດເລືອກຕັ້ງທີ 2 ແຂວງຜົ້ງສາລີ, ເຂດ 3 ຫຼວງນ້ຳທາ, ເຂດ 4 ອຸດົມໄຊ, ເຂດ 5 ບໍ່ແກ້ວ, ເຂດ 6 ຫຼວງພະບາງ ແລະ ເຂດ 7 ໄຊຍະບູລີ, ກຳມາທິການແຜນການ, ການເງິນ ແລະ ການກວດສອບ, ກົມວິຊາການກ່ຽວຂ້ອງຂອງສະພາແຫ່ງຊາດ ແລະ ກະຊວງເຂົ້າຮ່ວມ.

อาจเป็นรูปภาพของ 13 คน และ สถานที่ในร่ม  - 309921258 533948065401350 8617725686724786778 n - ກອງປະຊຸມກ່ຽວກັບການພັດທະນາທ່າບົກ, ການດຳເນີນທຸລະກິດຂອງລັດວິສາຫະກິດໄຟຟ້າລາວ

ຈຸດປະສົງກອງປະຊຸມສໍາມະນາໃນຄັ້ງນີ້ ເພື່ອຍົກລະດັບຄວາມຮູ້ ແລະ ຄວາມເຂົ້າໃຈ ກ່ຽວກັບວຽກງານການພັດທະນາທ່າບົກ ໃນຂອບເຂດທົ່ວປະເທດ ເປັນຕົ້ນ ການກໍານົດທີ່ຕັ້ງ, ສິດ ແລະ ພາລະບົດບາດ ຂອງແຕ່ລະທ່າບົກ ແລະ ບັນຫາອື່ນໆທີ່ກ່ຽວຂ້ອງ; ຮັບຟັງການລາຍງານ ກ່ຽວກັບສະພາບລວມ, ຂໍ້ສະດວກ ແລະ ຂໍ້ຫຍຸ້ງຍາກ ໃນການຈັດຕັ້ງປະຕິບັດວຽກງານຢູ່ ທ່າບົກ 3 ແຫ່ງ ທີ່ໄດ້ດໍາເນີນທຸລະກິດ ແລະ ເປີດໃຫ້ບໍລິການແລ້ວ ໂດຍສະເພາະບ່ອນອີງທາງດ້ານນິຕິກຳໃນການຈັດຕັ້ງປະຕິບັດວຽກງານທ່າບົກ 3 ແຫ່ງນັ້ນ ຄົບຖ້ວນ, ຈະແຈ້ງ ແລະ ສອດຄ່ອງກັນແລ້ວບໍ ຄວນຈະມີການປັບປຸງຄືແນວໃດ ເພື່ອບໍ່ໃຫ້ເກີດມີຊ່ອງວ່າງ; ລະດົມແນວຄວາມຄິດຕໍ່ທິດທາງການພັດທະນາທ່າບົກ ອີກ 6 ແຫ່ງທີ່ຈະດຳເນີນການໃນຕໍ່ໜ້ານັ້ນ ຄວນຈະມີນິຕິກຳຄຸ້ມຄອງຄືແນວໃດ ເພື່ອໃຫ້ສອດຄ່ອງກັບສະພາບຈຸດພິເສດທີ່ຕັ້ງຂອງແຕ່ລະທ່າບົກ; ລະດົມຄວາມຄິດຄວາມເຫັນ ຕໍ່ທິດທາງການປັບປຸງໂຄງສ້າງລາຄາໄຟຟ້າ ແລະ ການພັດທະນາລະບົບສາຍສົ່ງແຫ່ງຊາດ, ໂຄງສ້າງລາຄາໄຟຟ້າ ໂດຍສະເພາະພາກອຸດສາຫະກຳ, ພາກປະເພດກະສິກຳ ທີ່ນຳໃຊ້ໃນປັດຈຸບັນ ເໝາະສົມແລ້ວຫຼືບໍ່ ແລະ ຄວນຈະປັບປຸງຄືແນວໃດ ເພື່ອບໍ່ໃຫ້ມີຜົນກະທົບຫຼາຍ ຕໍ່ຜູ້ຊົມໃຊ້ ແລະ ຜູ້ສະໜອງ ແລະ ສອດຄ່ອງກັບທ່າອ່ຽງການຂະຫຍາຍຕົວທາງດ້ານເສດຖະກິດ. ການພັດທະນາລະບົບສາຍສົ່ງໄຟຟ້າແຫ່ງຊາດ ຜ່ານມາລັດຖະບານ ກໍໄດ້ສຸມທຶນຮອນເຂົ້າໃສ່ໃນການພັດທະນາບໍ່ໜ້ອຍ ແຕ່ຍັງມີຫາງສຽງໃນສັງຄົມວ່າ ເປັນຫຍັງການລຳລຽງໄຟຟ້າ ຈຶ່ງບໍ່ທົ່ວເຖິງ, ບໍ່ສະຖຽນ, ຄຸນນະພາບບໍ່ສູງ ເຮັດໃຫ້ມີໄຟຟ້າດັບໄຟຟ້າມອບ ເປັນປະຈຳຢູ່ບາງເຂດ. ບາງບ່ອນມີເຂື່ອນ ແຕ່ບໍ່ມີສາຍສົ່ງ ບາງບ່ອນມີສາຍສົ່ງ ແຕ່ບໍ່ມີເຂື່ອນ ບັນຫາເກີດຂຶ້ນຍ້ອນສາເຫດອັນໃດ ແລະ ຄວນຈະມີວິທີການແກ້ໄຂຄືແນວໃດ?; ຮັບຟັງການລາຍງານ ກ່ຽວກັບການດຳເນີນທຸລະກິດ ຂອງລັດວິສາຫະກິດໄຟຟ້າ ເຊິ່ງກອງປະຊຸມສະໄໝສາມັນເທື່ອທີ 3 ຂອງສະພາແຫ່ງຊາດ ຊຸດທີ IX ຜ່ານມາ ໄດ້ຮັບຮອງເອົາທິດທາງແຜນການປັບປຸງລັດວິສາຫະກິດແລ້ວ ໜຶ່ງໃນນັ້ນ ກໍມີລັດວິສາຫະກິດໄຟຟ້າລາວ, ການດຳເນີນທຸລະກິດຂອງລັດວິສາຫະກິດໄຟຟ້າຜ່ານມາ ກໍພົບຫຼາຍບັນຫາບໍ່ໜ້ອຍ, ການດຳເນີນທຸລະກິດຂາດທຶນແກ່ຍາວມາຫຼາຍປີ, ບັນຫາໄຟຟ້າເຫຼືອບໍ່ພໍ ແລະ ອື່ນໆ. ບັນຫາເກີດຂຶ້ນຍ້ອນສາເຫດອັນໃດ ແລະ ຄວນຈະມີວິທີການແກ້ໄຂຄືແນວໃດ?; ທັງໝົດນີ້ ກໍເພື່ອເປັນຂໍ້ມູນພື້ນຖານໃຫ້ແກ່ສະພາແຫ່ງຊາດ ພິຈາລະນາ ແລະ ມີທິດຊີ້ນໍາ ເພື່ອສະເໜີໃຫ້ລັດຖະບານ ປັບປຸງວຽກງານດັ່ງກ່າວ ໃຫ້ມີປະສິດທິພາບ ປະສິດທິຜົນສອດຄ່ອງກັບສະພາບການຂະຫຍາຍຂອງເສດຖະກິດ-ສັງຄົມຂອງປະເທດເຮົາ ໃນແຕ່ລະໄລຍະ ໃນກອງປະຊຸມສຳມະນາຄັ້ງນີ້ ແມ່ນໄດ້ຮັບຟັງການສະເໜີລາຍງານ ຈາກກະຊວງໂຍທາທິການ ແລະ ຂົນສົ່ງ, ກະຊວງພະລັງງານ ແລະ ບໍ່ແຮ່, ກະຊວງການເງິນ ແລະ ກົມຕໍາຫຼວດກວດກາຄົນເຂົ້າ-ອອກເມືອງ ແລະ ການປະກອບຄວາມຄິດເຫັນຂອງກຳມາທິການທີ່ກ່ຽວຂ້ອງ ພາຍໃນສະພາແຫ່ງຊາດ.

อาจเป็นรูปภาพของ 5 คน, ผู้คนกำลังนั่ง, ผู้คนกำลังยืน และ สถานที่ในร่ม  - 309996186 533948158734674 5268682992214826089 n - ກອງປະຊຸມກ່ຽວກັບການພັດທະນາທ່າບົກ, ການດຳເນີນທຸລະກິດຂອງລັດວິສາຫະກິດໄຟຟ້າລາວ

ຂ່າວ: ສະພາແຫ່ງຊາດ

-    AD conten website - ກອງປະຊຸມກ່ຽວກັບການພັດທະນາທ່າບົກ, ການດຳເນີນທຸລະກິດຂອງລັດວິສາຫະກິດໄຟຟ້າລາວ
- lattana banner - ກອງປະຊຸມກ່ຽວກັບການພັດທະນາທ່າບົກ, ການດຳເນີນທຸລະກິດຂອງລັດວິສາຫະກິດໄຟຟ້າລາວ
- lattana banner 1 - ກອງປະຊຸມກ່ຽວກັບການພັດທະນາທ່າບົກ, ການດຳເນີນທຸລະກິດຂອງລັດວິສາຫະກິດໄຟຟ້າລາວ
error: Alert: ເນື້ອຫາຂ່າວມີລິຂະສິດ !!