ການບໍລິໂພກຢູ່ຕາເວັນຕົກ ສ້າງຄວາມສົກກະປົກຢູ່ຕາເວັນອອກ?

ການບໍລິໂພກຢູ່ຕາເວັນຕົກ ສ້າງຄວາມສົກກະປົກຢູ່ຕາເວັນອອກ? - Untitled design - ການບໍລິໂພກຢູ່ຕາເວັນຕົກ ສ້າງຄວາມສົກກະປົກຢູ່ຕາເວັນອອກ?

ໂດຍ :ມຶກບໍ່ແຫ້ງ

 ເປັນເລື່ອງທີ່ໜ້າຕົກໃຈເມື່ອມີບົດຄົ້ນຄວ້າທີ່ໄດ້ເຜີຍແຜ່ໃນວາລະສານ Nature Geoscience ຫວ່າງບໍ່ດົນມານີ້ກ່ຽວກັບຄວາມຕ້ອງການທາງດ້ານເສື້ອຜ້າ, ເຄື່ອງຫຼິ້ນ ແລະໂທລະສັບຂອງຄົນເອີຣົບ ແລະອາເມລິການັ້ນ ໄດ້ສ້າງໃຫ້ມີຜົນກະທົບຫຼາຍຢ່າງຕໍ່ປະເທດທີ່ກຳລັງພັດທະນາ.

ຜູ້ບໍລິໂພກຕາເວັນຕົກ ເຊິ່ງຊື້ເຄື່ອງທີ່ນຳເຂົ້າລາຄາຖືກເຊັ່ນ ເຄື່ອງຫຼິ້ນ, ເຄື່ອງນຸ່ງ ແລະໂທລະສັບ ແມ່ນເປັນການປະກອບສ່ວນກໍ່ໃຫ້ເກີດ ການເສຍຊີວິດຂອງຫຼາຍພັນຄົນຈາກມົນລະພິດໂດຍທາງອ້ອມ ໃນຫຼາຍປະເທດທີ່ກຳລັງພັດທະນາຢູ່ເບື້ອງຕາເວັນອອກ ທີ່ຜະລິດສິນຄ້າເຫຼົ່ານັ້ນ.

ໃນແຕ່ລະປີທົ່ວໂລກມີປະມານ 3,5 ລ້ານຄົນເສຍຊິວິດເນື່ອງຈາກມົນລະພິດ ເຊິ່ງໃນນັ້ນປະມານ 22% ແມ່ນກ່ຽວເນື່ອງກັບການຜະລິດສິນຄ້າ ແລະການບໍລິການ ໃນບັນດາປະເທດທີ່ກຳລັງພັດທະນາ (ຕາເວັນອອກ) ທີ່ມີຜູ້ຊົມໃຊ້ສິນຄ້າເຫຼົ່ານັ້ນຢູ່ເຂດຕາເວັນຕົກ. ຄວາມເປັນຈິງດັ່ງກ່າວນັ້ນ ໄດ້ເຮັດໃຫ້ພວກເຮົາເຫັນວ່າ ຄວາມຕ້ອງການຂອງ ຜູ້ບໍລິໂພກຢູ່ ສະຫະລັດອາ​ເມລິກາ ແລະເອີລົບ ໄດ້ເຮັດໃຫ້ເກີດມົນລະພິດ ທີ່ຮ້າຍແຮງຢູ່ບັນດາປະເທດກຳລັງພັດທະນາ ອັນໄດ້ສົ່ງຜົນກະທົບຕໍ່ສຸຂະພາບຂອງຄົນຢ່າງຫຼວງຫຼາຍ ແລະນັບມື້ເພີ່ມຂຶ້ນ.

ການບໍລິໂພກຢູ່ຕາເວັນຕົກ ສ້າງຄວາມສົກກະປົກຢູ່ຕາເວັນອອກ? - Wave100S AD to Website 2020 0 - ການບໍລິໂພກຢູ່ຕາເວັນຕົກ ສ້າງຄວາມສົກກະປົກຢູ່ຕາເວັນອອກ?

ກຸ່ມນັກຄົ້ນຄວ້າບັນຫາດັ່ງກ່າວນັ້ນໄດ້ເວົ້າວ່າ “ຖ້າເມື່ອສິນຄ້ານຳເຂົ້າຈາກປະເທດທີ່ກຳລັງພັດທະນາ ນັ້ນລາຄາຖືກ ກໍສະແດງວ່າຜູ້ຜະລິດໄດ້ໃຊ້ຕົ້ນທຶນຕໍ່າໃນການຄວບຄຸມມົນລະພິດ ເພາະສະນັ້ນ ເງິນທີ່ຜູ້ບໍລິໂພກສາມາດປະຢັດໄດ້ຍ້ອນສິນຄ້າລາຄາຖືກອາດທົດແທນດ້ວຍການເສຍຊີວິດຂອງປະຊາຊົນ ຈຳນວນຫຼາຍໃນປະເທດກຳລັງພັດທະນາ” ຕົວຢ່າງ ຢູ່ອິນເດຍ ແລະສປຈີນ ເຊິ່ງຖືວ່າເປັນສອງປະເທດ ທີ່ນຳໜ້າໝູ່ໃນໂລກ ດ້ານຜະລິດສິນຄ້າ ແຕ່ມົນລະພິດຢູ່ສອງປະເທດດັ່ງກ່າວນັ້ນ ໄດ້ກາຍເປັນສາເຫດຂອງ ການເສຍຊີວິດຫຼາຍກວ່າເຄິ່ງນຶ່ງຂອງຜູ້ເສຍຊີວິດທັງໝົດໃນໂລກຍ້ອນມົນລະພິດ ເຊິ່ງເປັນສິ່ງຫນຶ່ງທີ່ລັດຖະບານ ຂອງສອງປະເທດດັ່ງກ່າວຕ່າງກໍມີຄວາມກັງວົນ ແລະຮີບຮ້ອນແກ້ໄຂບັນຫາທີ່ໜ້າຢ້ານນີ້ໃນເມື່ອເຫັນຜົນກະທົບ ໜັກໜ່ວງຂຶ້ນເລື້ອຍໆ, ເພາະສະນັ້ນ  ທ່ານຄຽງ ສາງ (Qiang Xhang) ໜຶ່ງໃນຜູ້ຄົ້ນຄວ້າ ບັນຫາດັ່ງກ່າວ ຈາກມະຫາໄລຊິງຮົວ (Tsinghua University) ຂອງ ສປ ຈີນ ກ່າວວ່າ: “ຜູ້ບໍລິໂພກໃນເອີລົບ ແລະອາເມລິກາ ທີ່ຊື້ເຄື່ອງຫຼິ້ນ ແລະເຄື່ອງນຸ່ງລາຄາຖືກນຳເຂົ້ານັ້ນ ກໍຕ້ອງໄດ້ຮັບຜິດຊອບເລື່ອງມົນລະພິດນີ້ນຳກັນ” ໂດຍທ່ານເນັ້ນໜັກວ່າ “ພວກເຮົາຄວນຫຼີກຫລ່ຽງການໃຊ້ຊີວິດ ຈາກເຄື່ອງລາຄາຖືກ ແລະເສຍຄຸນເຫຼົ່ານັ້ນເສຍ” (ເພາະຈະເປັນການປະກອບສ່ວນໃຫ້ມົນລະພິດເພີ່ມຂຶ້ນ).

ເພາະສະນັ້ນ, ຕໍ່ບັນຫານີ້ວົງຄະນາຍາດສາກົນຈຶ່ງມີຄວາມພະຍາຍາມແກ້ໄຂຢູ່ໃນລະດັບນຶ່ງ ຍົກຕົວຢ່າງວ່າ ຂໍຕົກລົງສັນປາຣີ (Paris Agreemrnt) ເຊິ່ງ ສປປລາວເຮົາກໍເປັນປະເທດໜຶ່ງທີ່ລິເລີ່ມ ໃຫ້ສັດຕະຍາບັນລະດັບຕົ້ນໆຂອງອາຊຽນນັ້ນ ບາງປະເທດມະຫາອຳນາດໄດ້ເບະສົບໃສ່ວ່າມັນເປັນຄວາມຝັນ ທີ່ລອຍລົມຊື່ໆ ແຕ່ໃນຄວາມເປັນຈິງຢ່າງໜ້ອຍ ມັນກໍໄດ້ກາຍເປັນພື້ນຖານມີ່ຈະພັກດັນໃຫ້ບັນດາປະເທດຕ່າງໆ ຕ້ອງຫັນມາເອົາໃຈໃສ່ເລື່ອງບັນຫາມົນລະພິດ ແລະຢຸດຕິການບໍລິໂພກທີ່ເກີນຄວາມຈຳເປັນຂອງຄົນເອີລົບ ແລະອາເມລິການັ້ນໃຫ້ຫຼາຍຂຶ້ນກວ່າເກົ່າ.

ການບໍລິໂພກຢູ່ຕາເວັນຕົກ ສ້າງຄວາມສົກກະປົກຢູ່ຕາເວັນອອກ? - WhatsApp Image 2020 05 27 at 5 - ການບໍລິໂພກຢູ່ຕາເວັນຕົກ ສ້າງຄວາມສົກກະປົກຢູ່ຕາເວັນອອກ?
ການບໍລິໂພກຢູ່ຕາເວັນຕົກ ສ້າງຄວາມສົກກະປົກຢູ່ຕາເວັນອອກ? - WhatsApp Image 2020 05 27 at 5 - ການບໍລິໂພກຢູ່ຕາເວັນຕົກ ສ້າງຄວາມສົກກະປົກຢູ່ຕາເວັນອອກ?
error: Alert: ເນື້ອຫາຂ່າວມີລິຂະສິດ !!