ປະຊາຊົນໄດ້ມອບພື້ນທີ່ໃຫ້ໂຄງການກໍ່ສ້າງທາງລົດໄຟລາວ-ຈີນແລ້ວເປັນສ່ວນຫລາຍ

ປະຊາຊົນໄດ້ມອບພື້ນທີ່ໃຫ້ໂຄງການກໍ່ສ້າງທາງລົດໄຟລາວ-ຈີນແລ້ວເປັນສ່ວນຫລາຍ - advert banner 728 90 728x90 - ປະຊາຊົນໄດ້ມອບພື້ນທີ່ໃຫ້ໂຄງການກໍ່ສ້າງທາງລົດໄຟລາວ-ຈີນແລ້ວເປັນສ່ວນຫລາຍ

ກະຊວງໂຍທາທິການ ແລະ ຂົນສົ່ງ ໃຫ້ຮູ້ວ່າ: ຄວາມຄືບໜ້າການເຈລະຈາລະຫວ່າງຄະນະກໍາມະການໄກ່ເກ່ຍກັບປະຊາຊົນໃນການຍົກຍ້າຍສິ່ງກີດຂວາງ ແລະ ມອບພື້ນທີ່ກໍ່ສ້າງໃຫ້ໂຄງການກໍ່ສ້າງເສັ້ນທາງລາງລົດໄຟລາວ-ຈີນ ມາຮອດປັດຈຸບັນລວມມີທັງໝົດ 219 ກວ່າກິໂລແມັດເທົ່າກັບ 53,57% ຂອງຄວາມຍາວຂອງທາງລົດໄຟດັ່ງກ່າວ. ໃນນີ້ຢູ່ນະຄອນຫລວງວຽງຈັນລວມມີຄວາມຍາວທັງໝົດ 40 ກິໂລແມັດ, ໂດຍບໍລິສັດຮັບເໝົາໄດ້ຮັບພື້ນທີ່ຈາກປະຊາຊົນຢູ່ເຂດເມືອງນາຊາຍທອງ ແລະ ເມືອງໄຊທານີແລ້ວປະມານ 15 ກວ່າກິໂລແມັດເທົ່າກັບ 38,15% ຂອງຄວາມຍາວທັງໝົດ. ຢູ່ແຂວງວຽງຈັນມີຄວາມຍາວ 145 ກິໂລແມັດ ແລະ ໄດ້ມອບພື້ນທີ່ໃຫ້ຜູ້ຮັບເໝົາກໍ່ສ້າງແລ້ວປະມານ 85 ກວ່າກິໂລແມັດເທົ່າກັບ 58,56% ຂອງຄວາມຍາວທັງໝົດ, ແຂວງຫລວງພະບາງມີຄວາມຍາວ 80 ກິໂລແມັດ ແລະ ປະຊາຊົນໄປມອບພື້ນທີ່ໃຫ້ຜູ້ຮັບເໝົາແລ້ວຈໍານວນ 49 ກິໂລແມັດເທົ່າກັບ 61% ຂອງຄວາມຍາວທັງໝົດ. ແຂວງອຸດົມໄຊມີຄວາມຍາວ 126 ກິໂລແມັດ ແລະ ຜູ້ຮັບເໝົາໄດ້ຮັບພື້ນທີ່ແລ້ວປະມານ 56 ກິໂລແມັດເທົ່າກັບ 61% ຂອງຄວາມຍາວທັງໝົດ ແລະ ແຂວງຫລວງນໍ້າທາເສັ້ນທາງລົດໄຟຜ່ານແຕ່ຊາຍແດນລາວ-ຈີນເຂົ້າມາລວມມີ 16 ກວ່າກິໂລແມັດ ແລະ ຜູ້ຮັບເໝົາໄດ້ຮັບທີ່ດິນໃນການກໍ່ສ້າງແລ້ວ.

ກະຊວງດັ່ງກ່າວໃຫ້ຮູ້ວ່າ: ປັດຈຸບັນຄະນະກໍາມະການໄກ່ເກ່ຍພວມເລັ່ງຄິດໄລ່ຄ່າຊົດເຊີຍໃຫ້ປະຊາຊົນທີ່ໄດ້ຮັບຜົນກະທົບຈາກໂຄງການດັ່ງກ່າວ ເພື່ອໃຫ້ລັດຖະບານຮັບຮອງ, ກ່ອນຈະນໍາໄປຈັດຕັ້ງປະຕິບັດການຊົດເຊີຍໃຫ້ປະຊາຊົນຢູ່ແຕ່ລະທ້ອງຖິ່ນໃຫ້ຄົບຖ້ວນ ແລະ ທ່ວງທັນເວລາ.

ປະຊາຊົນໄດ້ມອບພື້ນທີ່ໃຫ້ໂຄງການກໍ່ສ້າງທາງລົດໄຟລາວ-ຈີນແລ້ວເປັນສ່ວນຫລາຍ - lattana 1 - ປະຊາຊົນໄດ້ມອບພື້ນທີ່ໃຫ້ໂຄງການກໍ່ສ້າງທາງລົດໄຟລາວ-ຈີນແລ້ວເປັນສ່ວນຫລາຍ
ປະຊາຊົນໄດ້ມອບພື້ນທີ່ໃຫ້ໂຄງການກໍ່ສ້າງທາງລົດໄຟລາວ-ຈີນແລ້ວເປັນສ່ວນຫລາຍ - 1 1 - ປະຊາຊົນໄດ້ມອບພື້ນທີ່ໃຫ້ໂຄງການກໍ່ສ້າງທາງລົດໄຟລາວ-ຈີນແລ້ວເປັນສ່ວນຫລາຍ
error: Content is protected !!