ອາເມລິກາຂວ້ຳບາດບໍລິສັດຈີນ-ຣັດເຊຍ ຊ່ວຍ ສປປ ເກົາຫລີ ພັດທະນາອາວຸດ

- advert banner 728 90 728x90 - ອາເມລິກາຂວ້ຳບາດບໍລິສັດຈີນ-ຣັດເຊຍ ຊ່ວຍ ສປປ ເກົາຫລີ ພັດທະນາອາວຸດ

- N170823084704B - ອາເມລິກາຂວ້ຳບາດບໍລິສັດຈີນ-ຣັດເຊຍ ຊ່ວຍ ສປປ ເກົາຫລີ ພັດທະນາອາວຸດ

- new3 - ອາເມລິກາຂວ້ຳບາດບໍລິສັດຈີນ-ຣັດເຊຍ ຊ່ວຍ ສປປ ເກົາຫລີ ພັດທະນາອາວຸດ

ສຳນັກງານ​ຄວບ​ຄຸມ​ຊັບ​ສິນສາກົນ​ຂອງ​ອາ​ເມ​ລິ​ກາ ປະກາດ​ລາຍ​ຊື່​ບຸກຄົນ ​ແລະ ກິດຈະການ​ທີ່​ເປັນ​ຂອງ​ຈີນ ​ແລະ ຣັດ​ເຊຍ​ຈຳນວນ​ໜຶ່ງ ​ໃຫ້​ເປັນ​ບຸກຄົນ ​ແລະ ກິດຈະການ​ຕ້ອງ​ຫ້າມ​ໃນ​ການ​ເຮັດ​ທຸລະ​ກຳກັບ​ອາ​ເມ​ລິ​ກາ ​ໂດຍ​ການ​ຂວ້ຳບາດ​ນີ້​ມີ​ຂຶ້ນ​ເພື່ອ​ລົງ​ໂທດ​ກຸ່ມ​ຜູ້​ໃຫ້ການ​ຊ່ວຍ​ເຫລືອ ສປປ ​ເກົາຫລີ ​ໃນ​ໂຄງການ​ພັດທະນາ​ລູກ​ສອນ​ໄຟ ​ແລະ ອາວຸດ​ນິວ​ເຄຼຍ.

 

+ ສປປ ເກົາຫລີ ອອກໂປສເຕີ ຕໍ່ຕ້ານອາເມລິກາຊຸດໃໝ່

+ ອາເມລິກາ-ສ.ເກົາຫລີ ເລີ່ມຊ້ອມຮົບຮ່ວມປະຈຳປີອີກ

+ ສະພາຄວາມໝັ້ນຄົງ ສປຊ ລົງມະຕິເປັນເອກະພາບ ຂວ້ຳບາດ ສປປ ເກົາຫລີ ໜັກຂຶ້ນ

 

- lattana 1 - ອາເມລິກາຂວ້ຳບາດບໍລິສັດຈີນ-ຣັດເຊຍ ຊ່ວຍ ສປປ ເກົາຫລີ ພັດທະນາອາວຸດ

ມີ​ບໍລິສັດ 10 ​ແຫ່ງ ​ແລະ ບຸກຄົນ​ອີກ 6 ຄົນ​ທີ່​ຖືກ​ຂຶ້ນບັນຊີ​ຂວ້ຳບາດ​ໃນ​ຄັ້ງນີ້ ​ໂດຍ​ທ່ານ ສະຕີ​ເວນ ມາ​ນູຄິນ ລັດຖະມົນຕີ​ການ​ເງິນ​ອາ​ເມ​ລິ​ກາ ຖະ​ແຫລ​ງວ່າ: ທາງ​ກະຊວງ​ການ​ເງິນ​ຈະ​ຍັງ​ເດີນ​ໜ້າ​ເພີ່ມ​ແຮງ​ກົດ​ດັນ​ຕໍ່ ສປປ ​ເກົາຫລີ ຕໍ່​ໄປ ​ໂດຍ​ມຸ່ງ​ເປົ້າ​​ໃສ່​ກຸ່ມ​ຜູ້​ສະໜັບສະໜູນ​ໃຫ້​ເກີດ​ຄວາມ​ກ້າວໜ້າ​ໃນ​ເຕັກ​ໂນ​ໂລ​ຊີ​ດ້ານ​ອາວຸດ​ຍຸດ​ໂທ​ປະກອນ​ຂອງ ສປປ ​ເກົາຫລີ ​ແລະ ຈະ​ໂດດດ່ຽວ​ຄົນ​ກຸ່ມ​ນີ້​ຈາກ​ຂະ​ແໜງ​ການ​ເງິນ ​ແລະ ທຸລະ​ກິດ​ຂອງ​ອາ​ເມ​ລິ​ກາ.

- 97487334 4eb1fd41 3a4a 4eb2 aa70 f1629a6a164d - ອາເມລິກາຂວ້ຳບາດບໍລິສັດຈີນ-ຣັດເຊຍ ຊ່ວຍ ສປປ ເກົາຫລີ ພັດທະນາອາວຸດ
ສປປ ເກົາຫລີ ຄັດຄ້ານການຊ້ອມຮົບຮ່ວມລະຫວ່າງ ສ.ເກົາຫລີ ແລະ ອາເມລິກາ ເຊິ່ງຈະສິ້ນສຸດລົງໃນທ້າຍເດືອນນີ້

​ເຖິງ​ຢ່າງ​ໃດກໍ​ຕາມ, ທາງ​ການ​ຈີນ​ໄດ້​ຖະ​ແຫລ​ງຕອບ​ໂຕ້​ມາດ​ຕະການ​ຂວ້ຳບາດ​ຄັ້ງ​ໃໝ່​ຂອງ​ອາ​ເມ​ລິ​ກາ​ໃນ​ທັນທີ ​ໂດຍ​ຮຽກຮ້ອງ​ໃຫ້​ອາ​ເມ​ລິ​ກາ “​ແກ້​ໄຂ​ຄວາມ​ຜິດພາດ” ​ໃນ​ເລື່ອງ​ທີ່​ລົງ​ໂທດ​ກິດຈະການ​ຫລາຍ​ແຫ່ງ​ຂອງ​ຈີນ​ເປັນ​ການ​ດ່ວນ.

​ເຖິງ​ວ່າ​ໃນ​ອາທິດ​ຜ່ານ​ມາ, ຜູ້ນຳ ສປປ ​ເກົາຫລີ ຈະ​ໄດ້​ສັ່ງ​ລະງັບ​ແຜນການ​ຍິງ​ລູກ​ສອນ​ໄຟ​ໂຈມ​ຕີ​ເກາະ​ກວມ​ໄວ້​ກ່ອນ ​ໂດຍ​ອ້າງ​ວ່າ​ເພື່ອ​ຖ້າ​ເບິ່ງ​ທ່າ​ທີ​ຂອງ​ອາ​ເມ​ລິ​ກາ, ​ແຕ່​ສະຖານະ​ການ​ຄວາມ​ຂັດ​ແຍ່ງ​ລະຫວ່າງ​ສອງ​ປະ​ເທດ​ຍັງ​ບໍ່​ຫລຸດ​ຄວາມ​ຮ້ອນ​ແຮງ​ລົງ ​ໂດຍ​ໃນ​ກອງ​ປະຊຸມ​ຂອງ​ສະຫະ​ປະຊາ​ຊາດ​ ຢູ່​ນະຄອນ​ເຈ​ນີວາ ​ໃນ​ວັນ​ທີ 22 ສິງຫາ, ທ່ານ ຈູ ຍອງ ຊອນ ນັກ​ການ​ທູດ​ຂອງ ສປປ ​ເກົາຫລີ ​ໄດ້​ກ່າວ​ປະນາມ​ໄພ​ຈາກ​ອາວຸດ​ນິວ​ເຄຼຍຂອງ​ອາ​ເມ​ລິ​ກາ​ທີ່​ຍັງ​ມີ​ມາ​ໂດຍ​ຕະຫລອດ ​ເຊິ່ງ​ເຮັດ​ໃຫ້ ສປປ ​ເກົາຫລີ ຕ້ອງ​ພັດທະນາ​ລູກ​ສອນ​ໄຟ​ໄລຍະ​ໄກ​ຂ້າມ​ທະ​ວີ​ບ ​ແລະ ອາວຸດ​ນິວ​ເຄຼຍ​ເພື່ອ​ປ້ອງ​ກັນ​ຕົນ​ເອງ.

- 97487333 91b12b89 073c 4001 90b0 a736c6d77f1f - ອາເມລິກາຂວ້ຳບາດບໍລິສັດຈີນ-ຣັດເຊຍ ຊ່ວຍ ສປປ ເກົາຫລີ ພັດທະນາອາວຸດ
ພາບໃນວີດີໂອໂຄສະນາຊວນເຊື່ອຂອງ ສປປ ເກົາຫລີ ມີຮູບຜູ້ນຳອາເມລິກາຢູ່ສຸສານໃນເກາະກວມ

ສປປ ​ເກົາຫລີ ຍັງ​ອອກ​ວີ​ດີ​ໂອ​ໂຄສະນາ​ຊວນ​ເຊື່ອ​ຊຸດ​ໃໝ່ ​ເຊິ່ງມີ​ພາບ​ຂອງ​ທ່ານ ​ໂດ​ນັນ ທຣຳ ຜູ້ນຳ​ອາ​ເມ​ລິ​ກາ ຢູ່​ສຸສານ​ແຫ່ງ​ໜຶ່ງ ​ເຊິ່ງອາດ​ຈະ​ເປັນ​ສຸສານ​ຢູ່​ເກາະ​ກວມ ​ແລະ ຍັງ​ມີ​ຮູບ​ຂອງ​ທ່ານ ​ໄມ ​ເພນ ຮອງ​ປະທານາທິບໍດີ​ອາ​ເມ​ລິ​ກາ ຢູ່​ທ່າມກາງ​ໄຟ​ລຸກ​ໄໝ້.

​ເຖິງ​ຢ່າງ​ໃດ​ກໍ​ຕາມ, ທ່ານ ​ເຣັກ ທິວ​ເລີ​ສັນ ລັດຖະມົນຕີ​ຕ່າງປະ​ເທດ​ອາ​ເມ​ລິ​ກາ ​ໄດ້​ສະ​ແດງ​ຊື່ນ​ຊົມ​ ສປປ ​ເກົາຫລີ ທີ່ “ຄວບ​ຄຸມ​ຕົນ​ເອງ​ໄດ້​ໃນ​ລະດັບ​ໜຶ່ງ” ​ໂດຍ​ລະບຸ​ວ່າ​ບໍ່​ມີ​ການ​ທົດ​ລອງ​ລູກ​ສອນ​ໄຟ​ຂຶ້ນອີກ ນັບ​ແຕ່​ສະພາ​ຄວາມ​ໝັ້ນຄົງ​ແຫ່ງ​ສະຫະ​ປະຊາ​ຊາດ​ມີ​ມະຕິ​ອອກ​ມາດ​ຕະການ​ຂວ້ຳບາດ ສປປ ​ເກົາຫລີ ຄັ້ງຫລ້າ​ສຸດ ​ກ່ອນ​ໜ້າ​ນີ້ ​ເຊິ່ງພຶດຕິ​ກຳ​ທີ່​ດີ​ຂຶ້ນດັ່ງກ່າວ​ອາດ​ປູ​ທາງ​ໄປ​ສູ່​ການ​ເຈລະຈາ​ລະຫວ່າງ​ອາ​ເມ​ລິ​ກາ ​ແລະ ສປປ ​ເກົາຫລີ ​ໄດ້​ໃນ​ອະນາຄົດ.

error: Content is protected !!