ຫລຸດຜ່ອນການພະນັນແມ່ນໜຶ່ງປັດໄຈປະຢັດ

- advert banner 728 90 728x90 - ຫລຸດຜ່ອນການພະນັນແມ່ນໜຶ່ງປັດໄຈປະຢັດ

ໂດຍ: ກ້ອງສ່ອງ ອິດສະຫລະ

​ເວົ້າ​ເລື່ອງ​ການ​ພະນັນ​ຢູ່​ບ້ານ​ເຮົາ​ມັນຍັງມີຫລາຍ​ທັດສະນະ ​ແລະ ຫລາຍ​ຄໍາ​ເວົ້າ​ຄໍາວ່າ​ທີ່​​ແຕກ​ຕ່າງ​ກັນ ມີ​ທັງ​ແງ່​ບວກ ​ແລະ ​ແງ່​ລົບ, ​ແຕ່​ຫາງ​ສຽງ​ສ່ວນ​ຫລາຍ​ກໍ​ຈະ​ແມ່ນໃນ​​ແງ່​ລົບ. ຖ້າວ່າ​ບ້ານ​ເມືອງ​ໃດ​ຫາກ​ເຫີ່​ນໍາການ​ພະນັນຫລາຍ​ກໍ​ຈະ​ເຮັດ​ໃຫ້​ສັງຄົມສັບສົນ​ວຸ້ນວາຍ​ບໍ່​ມີ​ຄວາມ​ສະຫງົບ. ດັ່ງ​ຕົວຢ່າງ​ຖ້າມີຄົນ​ຕິດ​​ໄພ້​ຕິດ​ເບີຫລາຍ​ຊັບ​ສິນ​ພວກຄົນ​ເຫລົ່າ​ນັ້ນມັນກໍ​ຄ່ອຍ​ໆຈິບຫາຍ, ບາງ​ຄົນ​ຈົນເຖິງຂັ້ນສິ້ນ​ເນື້ອ​ປະດາ​ຕົວ, ໝົດ​ເງິນໝົດ​ຄໍາ, ໝົດ​ໄຮ່​ນາຮົ້ວສວນ, ໝົດ​ເຮືອນໝົດຊານ ແລະ ​ຊັບ​ສິນ​ມາ​ແລ້ວຫລາຍລາຍ. ​ເວົ້າ​ເຖິງ​ການ​ຕິດ​ເລກ​ຕິດ​ເບີບາງ​ຄົນຂີ່ລົດ​ໄປ​ເຫັນ​ນົກ​ໜູ​ປູ​ປີກກໍ​ພາກັນແປ​ໃສ່​ເລກ, ​ໄປ​ເຫັນ​ລົດ​ຕໍາ​ກັນ​ກໍ​ເອົາ​ເລກທະບຽນມາ ຊື້ເລກ, ນອນຫລັບ​ນອນ​ຝັນ​ວ່າ​ໄດ້​ຂີ່​ລົດ​ຂີ່​ຍົນ​ກໍ​ມາ​ແປ​ໃສ່​ເລກ ​ແລະ ບາງ​ລາຍ​​ເຫັນ​ໂຕ​ທຸກ​ຍາກ​ປາກໝອງ​ກໍ​ຫວັງ​ລວຍ​ທາງ​ລັດ ຫວັງ​ຮັ່ງ​ຫວັງ​ມີນໍາຊື້ເລກຊື້ຫວຍ. ນີ້​ຄື​ເຫດຜົນ​ອັນ​​ໜຶ່ງ​ ແລະ ກາຍ​ເປັນ​ບັນຫາ​ທີ່ຝັງຢູ່ໃນສັງຄົມ. ສ່ວນວ່າ​ເຫດຜົນ​ອັນ​ທີ​ສອງນັ້ນ​ມັນເປັນປັດ​ໄຈກໍໃຫ້​ເກີດ​ຄວາມບໍ່​ສະຫງົບ​ພາຍ​ໃນບ້ານ​ເມືອງ ​ເຊັ່ນ​ວ່າ​ເມື່ອ​ຄົນເຮົາໝົດ​ເງິນ​ໝົດ​ຄໍາ, ໝົດ​ຊັບ​ສິນ​ທີ່​ຕົນ​ມີ ຫລື ​ມີ​ໜີ້​ມີ​ສິນນໍາ​ເລກນໍາ​ຫວຍຫລາຍ​ບໍ່​ມີປັນຍາໃຊ້​ແທນ​ກໍຂ້າໂຕຕາຍ ຫລື ​ຫາ​ວິທີ​ທາງ​ອອກ​ແນວ​ອື່ນ​ທີ່​ບໍ່​ຊອບ​ທໍາ ເປັນຕົ້ນວ່າ​ລັກ​ໝົກ​ຈົກ​ຫໍ່, ຕົ້ມ​ຕຸ​ນ, ປຸ້ນ​ຈີ້ ຫລື ​ກາຍ​ເປັນ​ນັກ​ເລງ​ອັນ​ຕະພານ​ໄປ​ໃນ​ຕົວ​. ນີ້​ລະຄື​ເຫດຜົນ​​ເຊິ່ງ​ຄົນ​ເຮົາ​ທັງຫລາຍ​ພາກັນ​ຕັ້ງ​ຂຶ້ນ.

​    ຕາມ​ທັດສະນະ​ຂອງ​ຜູ້​ຂຽນ​ແລ້ວ, ຖ້າ​ຈະ​ເວົ້າ​ເຖິງ​ການ​ພະນັນ​ຢູ່​ບ້ານ​ເຮົາ​ເທົ່າ​ທີ່​​ເຫັນ​ມາມັນ​ກໍ​ກວມ​ລວມ​ໄປ​ຫລາຍ​ປະ​ເພດ ​ເປັນ​ຕົ້ນ​​​​ແຕ່​ກ່ອນ​​ເຮົາມີ​ແຕ່​ຫວຍ​ພັດທະນາ, ດຽວ​ນີ້​ມີ​ຮອດຫວຍ​ຂູດ, ຫວຍ​ທວາຍ​ຜົນ​ບານ​ເຕະ​ ແລະ ​ຍັງ​ມີ​ຫວຍ​ເຖື່ອນ​ແບບ​ລອຍ​ນວນ (ຫວຍ​ຈົດ​ເອົາ). ສ່ວນ​ການ​ພະນັນ​ແນວ​ອື່ນ​ນັ້ນກໍ​ຍັງມີ​ຕີ​ໄກ່, ຕູ້ເກ​ມ, ຫລິ້ນໄພ້, ໝາກ​ກະລ໋ອກ, ​ກຸ້ງ​ໄກ່ ​ໂດຍ​ສະ​ເພາະ​ແມ່ນ​ຍາມ​ມີບຸນ​ສິນ​ກິນ​ທານ. ​ໃນ​ບັນ​ດາ​ປະ​ເພດ​ການ​ພະນັນ​ຕ່າງໆ​ທີ່​ເວົ້າ​ມາ​ນີ້​ໂຕ​ໃດ​ທີ່​ໄດ້​ຮັບ​ອະນຸຍາດ​ກໍ​ຖື​ວ່າພວກ​ເຮົາ​ເຮັດ​ຖືກຕ້ອງ​ຕາມ​ກົດໝາຍ. ສ່ວນວ່າ​ອັນ​ໃດ​ທີ່​ລັດ ຫລື ການຈັດ​ຕັ້ງ​ທີ່​ກ່ຽວຂ້ອງ​ບໍ່​ອະນຸຍາດ​ກໍ​ຖື​ວ່າເຖື່ອນ​ຜິດ​ກົດໝາຍ ​ແລະ ຮ້າຍ​ແຮງ​ໄປ​ກວ່າ​ນັ້ນກໍ​ຍັງ​ມີ​ປາກົດການ​​ໄປ​ເລາະ​ຂາຍ​ໃຫ້​ຄູບາ​ຢູ່​ວັດ, ​ໄປ​ຂາຍຕາມ​ໂຮງຮຽນ​, ໂຮງໝໍ, ຕາມ​ສະ​ຖາ​ບັນ​ການ​ສຶກສາ, ສໍານັກງານ​ອົງ ການ​ ນັບ​ທັງ​ຄຸ້ມ​ບ້ານ​ເຮືອນ​ຊານປະຊາຊົນຈົນ​ວ່າ​ຜູ້​ຊື້​ອອກ​ຍອມ​ວ່າ !! ບໍ່​ມີ​ເງິນ​ຊິ​ສູ້​ !! ບາງ​ຄົນ​ເມຍ​ເອົາ​ເງິນ​ໃຫ້ຊາວ​ສາມສິບ​ພັນ ກີບ​ກໍດັນ​ໄປ​ຊື້​ຫວຍ​ຂູດ​ໝົດ​ຈ້ອຍ, ຍິ່ງ​ໄປ​ກວ່າ​ນັ້ນ​ພໍ່ແມ່​ເອົາ​ເງິ​ນໃຫ້​ລູກ​​ໄປ​ໂຮງຮຽນຜູ້​ລະ​ຫ້າລະ​ສິບ​ກໍ​ພາກັນ​​ເອົາໄປ​ຊື້​ເລກຂູດ​ຈົນ​ໝົດ​ກ້ຽງ. ຢູ່​ຕາມ​​ໂຮງຮຽນ ​ແລະ ​ສະ​ຖາ​ບັນ​ການສຶກສາ​ບາງ​ບ່ອນ​ຍັງ​ຂໍໃຫ້​ຄູ​ອາຈານ​ກັບເດັກນ້ອຍ​ນັກຮຽນ​ຊື້​ຜູ້​ລະ​ຫ້າ, ຜູ້​ລະ​ສິບ ​ເພາະຫວຍ​ຂູດ​ມັນ​ຂູ​ບປຶບ​ໄດ້​ປັບ ​ແລະ ​ບາງ​ຄົນ​ຂູ​ບປັບກໍ​ເສຍ​ປຶບ ສຸດ​ແລ້ວ​ແຕ່​ດວງ​ໃຜ​ດວງ​ມັນ. ຕາມທີ່​ຜູ້​ຂຽນ​ເຫັນ ຜູ້​ທີ່​​​ເອົາ​ເລກ​​ເອົາ​ເບີໄປຂາຍສ່ວນ​ໜຶ່ງ​ກໍ​ແມ່ນກະ​ໂຕ​ພະນັກງານ​ຢູ່​ບ່ອນ​ນັ້ນ​ເປັນ​ຕົ້ນ​ເຫດ. ເມື່ອ​ມີ​ອັນ​ຂັດ​ກັບ​ລະບຽບ​ຫລັກການຂອງ​ສໍານັກງານ​ອົງການ​ແດ່​ເຂົາ​ກໍ​ວ່າ​ເພື່ອແກ້​ໄຂ​ຊີວິດ​ການ​ເປັນ​ຢູ່, ​ເງິນ​ເດືອນໜ້ອຍ​ບໍ່​ກຸ້ມ​ກິນຫົວໜ້າ​ເອີຍ​ກໍ​ເລີຍ​ຫາ​ລາຍ​ໄດ້​ເສີມ ວ່າ​ຊັ້ນ ! ພະນັກ ງານ​ບາງ​ຄົນ​ໃນ​ໂມງ​ການກໍ​ນຸ່ງ​ເຄື່ອງ​ແບບ​​ພໍ​ໂມງ​​ເລີກການກໍແກ້​ເຄື່ອງ​ແບບ​​ໄປນັ່ງ​ຂາຍ​ຫວຍ​ເພື່ອ​ຫາ​ເງິນເພີ່​ມ, ​ແຕ່ສະຫລຸບ​ແລ້ວ​ກໍ​ບໍ່​ເຫັນ​ໃຜ​ລ້ຳລວຍ​ນຳ​ເລກ​ນຳ​ຫວຍ​ພໍ​ປານ​ໃດ.

- 1 1 - ຫລຸດຜ່ອນການພະນັນແມ່ນໜຶ່ງປັດໄຈປະຢັດ
- Tiger Head 728x90 - ຫລຸດຜ່ອນການພະນັນແມ່ນໜຶ່ງປັດໄຈປະຢັດ

ຕາມ​ຜູ້​ຂຽນ​ຄິດ, ​ໃຜ​ຊິ​ເຮັດ​ຫຍັງ​ກໍ​ເຮັດ ອັນ​ສໍາຄັນ​​ແມ່ນໃຫ້​ຖືກຕ້ອງ​ຕາມ​ລະບຽບກົດໝາຍ,​ ໃຫ້​ພໍ​ເໝາະ​ພໍດີ ແລະ ສອດຄ່ອງ ກັບ​ສະພາບ​ຕົວ​ຈິງຂອງການ​ຂະຫຍາ​ຍຕົວ​ເສດຖະກິດ-ສັງ​ຄົມ​ຂອງ​ປະ​ເທດ, ບໍ່​ໃຫ້​ໂລດ​ໂຜນ​ເກີນ​ຂອບ​ເຂດ ​ແລະ​ ໃຫ້​ມີ​ຄວາມ​ຈົບ​​ງາມ​ໃນ​ສັງຄົມບ້ານ​ເມືອງ ​ແລະ ອັນ​ສໍາຄັນ​​ໜຶ່ງ​ນັ້ນ ​ໃນ​ເມື່ອ​ຫວຍ​ມີ​ການ​ຂະຫຍາຍຕົວ​ທາງ​ດ້ານ​ປະລິມານ​ລາຍ​ຮັບ​ໃນ​​ການ​ເກັບ​ອາກອນ​ລາຍ​ໄດ້ໃຫ້​ລັດ​ກໍຕ້ອງ​ໄດ້​ເພີ່​ມສູງຂຶ້ນ​ບໍ່​ແມ່ນ​ຈະ​ຢູ່​ຢ້ຳ​ເທົ້າ ຫລື ຫລຸດໜ້ອຍ​ລົງ​. ນີ້​ຄື​ພາລະກິດ​ຂອງ​ມະຫາ​ພາກ​ທີ່ຄວນ​ເບິ່ງ ​ແລະ ​ມີ​ຄວາມ​ຮັບຜິດຊອບ​ໂດຍ​ກົງ. ​ເພາະສະ​ນັ້ນ ການ​ທີ່​ທາງ​ລັດຖະບານ​ໄດ້​ອອກ​ແຈ້ງ​ການຫລຸດຈໍານວນ​ມື້​ອອກ​ຫວຍ​ສອງ​ຄັ້ງຕໍ່​ອາທິດ​ມາ​ເປັນ​ໜຶ່ງ​ຄັ້ງ​ຕໍ່​ອາທິດ, ຈໍາກັດ​ຂອບ​ເຂດ​ຂອງ​ຫວຍ​ຂູດ​ ແລະ​ ໂຈະ​ການ​ບໍລິການ​ຫວຍທວາຍ​ຜົນ​ບານ​ເຕະນັ້ນ​ ມັນ​ເປັນ​ການ​ຖືກຕ້ອງ​ສອດຄ່ອງ​ແລ້ວ ເພາະມັນ​ບໍ່​ຕ່າງ​ຫຍັງ​ກັບ​ເຫດ​ ແລະ ຜົນ ​ທີ່​ວ່າ​ອະນຸຍາດ​ໃຫ້​ຫວຍມີ​ຫລາກຫລາຍສີສັນ ​ແຕ່​ຜົນ​ໄດ້​ຮັບ​ບໍ່​ມີ​ປະສິດທິ​ພາບ, ຊ້ຳ​ບໍ່​ໜໍາ​ພາກັນ​ເຮັດ​ລາມ​ພະ​ລາມ​ຈົວ​ບໍ່​ມີ​ຂອບ​ເຂດ ​ແລະ ​ທັງ​ມີ​ຜົນ​ສະທ້ອນ​ຕໍ່​ສັງຄົມ​ ແໜງ​ສູ້​ບໍ່​ມີ​ດີ​ກວ່າ !.

error: Content is protected !!