ຕໍາຫລວດສິ່ງແວດລ້ອມທໍາລາຍເຄື່ອງໃນສັດລັກລອບນໍາເຂົ້າຈໍານວນຫລາຍ

- advert banner 728 90 728x90 - ຕໍາຫລວດສິ່ງແວດລ້ອມທໍາລາຍເຄື່ອງໃນສັດລັກລອບນໍາເຂົ້າຈໍານວນຫລາຍ

ເມື່ອບໍ່ດົນມານີ້, ເຈົ້າໜ້າທີ່ກົມຕໍາຫລວດສິ່ງແວດລ້ອມໄດ້ທໍາລາຍເຄື່ອງໃນສັດປະເພດຕັບ, ໃສ້, ປອດ ຂອງໝູ, ງົວ, ຄວາຍ ແລະ ປາມຶກຫລາຍກວ່າ 60 ກິໂລ, ຊຶ່ງຢຶດໄດ້ຈາກຜູ້ລັກລອບນໍາເຂົ້າຈາກປະເທດຫວຽດນາມ, ໂດຍຊຸກເຊື່ອງມານໍາລົດໂດຍສານລະຫວ່າງປະເທດສາຍທາງດານັງ-ວຽງຈັນເມື່ອກາງເດືອນສິງຫານີ້ ແລະ ສາມາດຈັບຕົວຜູ້ກະທໍາຜິດໄດ້ຄື: ນາງ ຫງວຽນທິຫງ່າ ອາຍຸ 51 ປີສັນຊາດຫວຽດນາມ, ພັກເຊົາຢູ່ບ້ານທາດຫລວງໃຕ້, ເມືອງໄຊເສດຖາ, ນະຄອນຫລວງວຽງຈັນ ແລະ ທ້າວ ດັງກັງບີ ອາຍຸ 54 ປີສັນຊາດຫວຽດນາມ,​ ພັກເຊົາຢູ່ບ້ານຫລັກ 52 ເມືອງໂພນໂຮງແຂວງວຽງຈັນມາດໍາເນີນຄະດີຕາມລະບຽບກົດໝາຍ.

- new3 - ຕໍາຫລວດສິ່ງແວດລ້ອມທໍາລາຍເຄື່ອງໃນສັດລັກລອບນໍາເຂົ້າຈໍານວນຫລາຍ

ເຈົ້າໜ້າທີ່ໃຫ້ຮູ້ວ່າ: ນາງ ຫງວຽນທິຫງ່າ ໄດ້ລັກລອບນໍາເອົາເຄື່ອງໃນສັດຢູ່ຫວຽດນາມເຂົ້າມາຈໍາໜ່າຍຢູ່ລາວຫລາຍຄັ້ງແລ້ວໂດຍຊຸກເຊື່ອງມານໍາລົດໂດຍສານສາຍທາງນະຄອນຫລວງວຽງຈັນ-ດານັງ ຊຶ່ງເປັນລົດໂດຍສານຂອງຕົນເອງ, ໂດຍຜ່ານດ່ານສາກົນແດນສະຫວັນແຂວງສະຫວັນນະເຂດແລ້ວມາຂາຍຕໍ່ໃຫ້ລູກຄ້າຢູ່ຕະຫລາດຕ່າງໆໃນນະຄອນຫລວງວຽງຈັນ ແລະ ຜ່ານມາເຄີຍຖືກເຈົ້າໜ້າທີ່ເອົາຕົວມາສຶກສາອົບຮົມຫລາຍຄັ້ງແລ້ວ, ໂດຍຄັ້ງລ່າສຸດແມ່ນເມື່ອເດືອນກໍລະກົດຜ່ານມານີ້, ເຈົ້າໜ້າທີ່ຕໍາຫລວດສິ່ງແວດລ້ອມໄດ້ເຂົ້າກວດຄົ້ນເຮືອນຜູ້ກ່ຽວຢູ່ບ້ານທາດຫລວງ ແລະ ພົບເຫັນເຄື່ອງໃນສັດຜິດກົດໝາຍມີຈໍານວນຫລາຍ, ໂດຍໄດ້ຢຶດເອົາໄປທໍາລາຍຖິ້ມ ແລະ ເອົາຕົວຜູ້ກະທໍາຜິດ ມາດໍາເນີນຄະດີຕາມລະບຽບກົດໝາຍແລ້ວ.

- lattana 1 - ຕໍາຫລວດສິ່ງແວດລ້ອມທໍາລາຍເຄື່ອງໃນສັດລັກລອບນໍາເຂົ້າຈໍານວນຫລາຍ
error: Content is protected !!