ລະວັງ!! ລົມພາຍຸຮາ​ໂຕະ ຫົວທີ 13

- 20953785 495647617435982 8948497689569075299 n - ລະວັງ!! ລົມພາຍຸຮາ​ໂຕະ ຫົວທີ 13
- Untitled design - ລະວັງ!! ລົມພາຍຸຮາ​ໂຕະ ຫົວທີ 13

ກົມອຸຕຸນິຍົມ ແລະ ອຸທົກກະສາດ ໃຫ້ຮູ້ວ່າ: ໃນລະຫວ່າງວັນທີ 24-25 ສິງຫານີ້, ຈະມີພາຍຸໝູນເຂດຮ້ອນຮາໂຕະ (Hato) ຫົວທີ 13 ຈະເຄື່ອນທີ່ຜ່ານພາກໃຕ້ຂອງປະເທດຈີນທີ່ມີວົງລັດສະໝີກວມໃກ້ເຂດພາກເໜືອສຸດຂອງລາວ, ພ້ອມດຽວກັນນີ້ ກະແສລົມມໍລະສຸມຕາເວັນຕົກສ່ຽງໃຕ້, ຈະມີກຳລັງເພີ່ມຂຶ້ນພັດປົກຄຸມ, ເຮັດໃຫ້ມີຝົນຕົກໜັກ ແລະ ລົມພັດແຮງຢູ່ບັນດາແຂວງພາກເໜືອເຊັ່ນ: ຜົ້ງສາລີ, ຫົວພັນ, ຊຽງຂວາງ, ໄຊສົມບູນ, ຫລວງນ້ຳທາ, ອຸດົມໄຊ, ບໍ່ແກ້ວ ແລະ ຫລວງພະບາງ, ຂະນະ​ດຽວ​ກັນ, ລະຫວ່າງ​ວັນ​ທີ 24-27 ສິງຫາ​, ລະດັບ​ນ້ຳ​ຕາມ​ສາຂາ​ອາດ​ຈະ​ສູງ​ຂຶ້ນ​ໄວ, ​ໂດຍ​ສະ​ເພາະ​ຢູ່​ເຂດ​ພາກ​ເໜືອ.

ສະເພາະພາກ​ເໜືອ​ດ້ານ​ຕາ​ເວັນ​ອອກ: ຈະ​ມີ​ຝົນຕົກ​ຫລາຍ​ຂຶ້ນ, ແຕ່ລະດັບ​ຄ່ອຍ​ຫາ​ປານ​ກາງ​ເປັນ​ບໍລິ​ເວນ​ກວ້າງ ​ແລະ ຕົກ​ໜັກ​ຢູ່​ບາງ​ທ້ອງ​ຖິ່ນ​ແຂວງ​ຜົ້ງ​ສາລີ ​ແລະ ຫົວພັນ, ພ້ອມ​ມີ​ລົມ​ພັດ​ແຮງ​ເປັນ​ບາງ​ໂອກາດ, ອຸນຫະ ພູມ​ຕ່ຳ​ສຸດ 20-22 ອົງສາ ​ແລະ ສູງ​ສຸດ 29-31 ອົງສາ; ພາກ​​ເໜືອດ້ານ​ຕາ​ເວັນ​ຕົກ: ຈະ​ມີ​ຝົນຕົກ​ຫລາຍ​ຂຶ້ນ, ແຕ່ລະດັບ​ຄ່ອຍ​ຫາ​ປານ​ກາງ​ຢູ່​ເກືອບ​ທົ່ວ​ໄປ ​ແລະ ຕົກ​ໜັກ​ຢູ່​ບາງ​ທ້ອງ​ຖິ່ນ​ແຂວງ​ຫລວງ​ນ້ຳ​ທາ, ບໍ​ແກ້ວ ​ແລະ ອຸດົມ​ໄຊ, ພ້ອມ​ມີ​ລົມ​ພັດ​ແຮງ​ເປັນ​ບາງ​ໂອກາດ, ອຸນຫະພູມ​ຕໍ່າ​ສຸດ 24-26 ອົງສາ ​ແລະ ສູງ​ສຸດ 31-33 ອົງສາ; ພາກ​ກາງ: ຈະ​ມີ​ຝົນຕົກ​ຫລາຍ​ຂຶ້ນ, ​ໃນ​ລະດັບ​ຄ່ອຍ​ຫາ​ປານ​ກາງ​ຢູ່​ເກືອບ​ທົ່ວ​ໄປ ​ແລະ ຕົກ​ໜັກ​ຢູ່​ບາງ​ທ້ອງ​ຖິ່ນ​ແຂວງ​ໄຊ​ສົມບູນ, ວຽງຈັນ, ບໍລິ​ຄຳ​ໄຊ ​ແລະ ຄຳ​ມ່ວນ, ອຸນຫະພູມ​ຕ່ຳ​ສຸດ 24-26 ອົງສາ ​ແລະ ສູງ​ສຸດ 32-34 ອົງສາ; ພາກ​ໃຕ້: ຈະ​ມີ​ຝົນຕົກ​ຫລາຍ​ຂຶ້ນ, ​ໃນ​ລະດັບ​ຄ່ອຍ​ຫາ​ປານ​ກາງ​ຢູ່​​ເກືອບ​ທົ່ວ​ໄປ ​ແລະ ຕົກ​ໜັກ​ຢູ່​ບາງ​ທ້ອງ​ຖິ່ນ​ແຂວງ​ເຊ​ກອງ, ຈຳປາ​ສັກ ​ແລະ ອັດ​ຕະປື, ອຸນຫະພູມ​ຕ່ຳ​ສຸດ 24-26 ອົງສາ ​ແລະ ສູງ​ສຸດ 32-34 ອົງສາ; ນະຄອນຫລວງ​ວຽງ​ຈັນ: ຈະ​ມີ​ຝົນຕົກ​ຫລາຍ​ຂຶ້ນ, ​ໃນ​ລະດັບ​ຄ່ອຍ​ຢູ່​ທົ່ວ​ໄປ ​ແລະ ຕົກ​ປານ​ກາງ​ຢູ່​ບາງ​ບໍລິ​ເວນ, ພ້ອມ​ມີ​ລົມ​ພັດ​ແຮງ​ຢູ່​ບາງ​ບໍລິ​ເວນ, ອຸນຫະພູມ​ຕ່ຳ​ສຸດ 24-26 ອົງສາ ​ແລະ ສູງ​ສຸດ 33-35 ອົງສາ. ດັ່ງນັ້ນ ຈຶ່ງຮຽກຮ້ອງໃຫ້ປະຊາຊົນທີ່ອາໃສຢູ່ເຂດດັ່ງກ່າວ ຈົ່ງມີສະຕິເຝົ້າລະວັງ ແລະ ຕິດຕາມການລາຍງານສະພາບອາກາດ ແລະ ລະດັບນ້ຳຂອງຈາກກົມອຸຕຸນິຍົມ ແລະ ອຸທົກກະສາດໃຫ້ເປັນປົກກະຕິ.

- Wave100S AD to Website 2020 0 - ລະວັງ!! ລົມພາຍຸຮາ​ໂຕະ ຫົວທີ 13
- WhatsApp Image 2020 05 27 at 5 - ລະວັງ!! ລົມພາຍຸຮາ​ໂຕະ ຫົວທີ 13
- WhatsApp Image 2020 05 27 at 5 - ລະວັງ!! ລົມພາຍຸຮາ​ໂຕະ ຫົວທີ 13
error: Alert: ເນື້ອຫາຂ່າວມີລິຂະສິດ !!