ລາວເອົາໃຈໃສ່ວຽກງານປົກປ້ອງທາງສັງຄົມຫລາຍຂຶ້ນ

- advert banner 728 90 728x90 - ລາວເອົາໃຈໃສ່ວຽກງານປົກປ້ອງທາງສັງຄົມຫລາຍຂຶ້ນ

           ເມື່ອບໍ່ດົນມານີ້, ກອງປະຊຸມປົກປ້ອງທາງສັງຄົມແຫ່ງຊາດ, ໄດ້ຈັດຂື້ນທີ່ນະຄອນຫຼວງວຽງຈັນ, ໂດຍການເປັນປະທານຮ່ວມຂອງທ່ານນາງ ໃບຄຳ ຂັດທິຍະ ຮອງລັດຖະມົນຕີກະຊວງແຮງງານ ແລະ ສະຫວັດດີການສັງຄົມ ແລະ ທ່ານ ຈອນ ວິນລຽມ ເອກອັກຄະລັດ ຖະທູດວິສາມັນຜູ້ມີອຳນາດເຕັມແຫ່ງປະເທດອົດສະຕາລີປະຈຳລາວ, ມີບັນດາ ຜູ້ຕາງໜ້າຈາກພາກສ່ວນກຽ່ວຂ້ອງຕ່າງໆ ແລະ ຜູ້ຕາງໜ້າອົງການຈັດຕັ້ງສາກົນທີ່ບໍ່ສັງກັດລັດຖະບານເຂົ້າຮ່ວມນຳດ້ວຍ.
ທ່ານຮອງລັດຖະມົນຕີ ກ່າວວ່າ: ວຽກງານປົກປ້ອງທາງສັງຄົມໃນລາວ ເປັນວຽກໜຶ່ງທີ່ລັດຖະບານໄດ້ມອບໝາຍໃຫ້ກະຊວງແຮງງານ ແລະ ສະຫວັດດີ ການສັງຄົມ, ເປັນເຈົ້າການໃນການຈັດຕັ້ງປະຕິບັດ, ໂດຍການສະໜັບສະໜູນທຶນຈາກປະເທດອົດສະຕາລີ ແລະ ໄດ້ມອບໃຫ້ບໍລິສັດ Maxwll Samp PLC ແລະ ລັດຖະບານລາວເປັນຜູ້ຈັດຕັ້ງປະຕິບັດ ເພື່ອແນໃສ່ຍົກລະດັບການບໍລິການທາງດ້ານການປົກປ້ອງສັງຄົມ ແລະ ເຮັດໃຫ້ທຸກຄົນໄດ້ເຂົ້າເຖິງ, ພ້ອມນັ້ນ ກໍເພື່ອເລັ່ງໃສ່ການປັບປຸງລະບົບປະກັນສັງຄົມໃຫ້ເຂັ້ມແຂງ ແລະ ສາມາດຂະຫຍາຍອັດຕາການປົກຄຸມຂອງລະບົບປະກັນສັງຄົມໃຫ້ກ້ວາງຂວາງ ແລະ ມີປະສິດທິພາບສູງຂື້ນ, ເຮັດໃຫ້ຜູ້ອອກແຮງງານ, ຜູ້ທຸກຍາກຂາດເຂີນ, ເດັກນ້ອຍ, ຜູ້ພິການ ແລະ ຜູ້ອາຍຸສູງໄດ້ຮັບການປົກປ້ອງສິດ ແລະ ຜົນປະໂຫຍດຂອງເຂົາເຈົ້າໄດ້ເປັນຢ່າງດີ, ພ້ອມທັງຊຸກຍູ້ສົ່ງເສີມໃຫ້ສັງຄົມໄດ້ມີ ສ່ວນຮ່ວມໃນການຊວ່ຍເຫຼືອຜູ້ດ້ອຍໂອກາດທາງສັງຄົມ ແລະ ຜູ້ຖືກເຄາະຮ້າຍຈາກໄພພິບັດຕ່າງໆໃຫ້ມີປະສິດທິຜົນ ແລະ ວ່ອງໄວ.        ຂະນະດຽວກັນ, ທ່ານຮອງລັດຖະມົນຕີ ຍັງໄດ້ຮຽກຮ້ອງໃຫ້ສືບຕໍ່ສະໜັບ ສະໜູນການປະສານງານ, ການປະກອບສ່ວນທາງດ້ານງົບປະມານ, ວິຊາການ ໂດຍມີສ່ວນຮ່ວມຂອງຫລາຍພາກສ່ວນນັບທັງພາກລັດຖະບານ, ຄູ່ຮ່ວມພັດທະນາ ແລະ ອົງການຈັດຕັ້ງສາກົນຕ່າງໆ ເພື່ອເຮັດໃຫ້ໂຄງການ ດັ່ງກ່າວໄດ້ຮັບຜົນສຳເລັດ.

- 1 1 - ລາວເອົາໃຈໃສ່ວຽກງານປົກປ້ອງທາງສັງຄົມຫລາຍຂຶ້ນ
- lattana 1 - ລາວເອົາໃຈໃສ່ວຽກງານປົກປ້ອງທາງສັງຄົມຫລາຍຂຶ້ນ
error: Content is protected !!