ໄລຍະ 9 ເດືອນຜ່ານມາອັດຕາການເຕີບໂຕ ຂອງຍອດຜະລິດຕະພັນພາຍໃນ(GDP) ບັນລຸໄດ້ 4,2%,

- 306395123 2017154461821657 2155282675521950093 n - ໄລຍະ 9 ເດືອນຜ່ານມາອັດຕາການເຕີບໂຕ ຂອງຍອດຜະລິດຕະພັນພາຍໃນ(GDP) ບັນລຸໄດ້ 4,2%,
- 16583075379783 - ໄລຍະ 9 ເດືອນຜ່ານມາອັດຕາການເຕີບໂຕ ຂອງຍອດຜະລິດຕະພັນພາຍໃນ(GDP) ບັນລຸໄດ້ 4,2%,

ກອງປະຊຸມຄົບຄະນະ ປະຈໍາປີ ຄັ້ງທີ 5 ຂອງຄະນະບໍລິຫານງານສູນກາງພັກສະໄໝທີ XIໄດ້ດໍາເນີນມາ ເປັນເວລາ 6 ວັນ, ແຕ່ວັນທີ 13-20 ຕຸລາ 2022 ພາຍໃຕ້ການເປັນປະທານຂອງ ສະຫາຍ ທອງລຸນ ສີສຸລິດ ເລຂາທິການໃຫຍ່ຄະນະບໍລິຫານງານສູນກາງພັກ ປະຊາຊົນປະຕິວັດລາວ, ປະທານປະເທດ ແຫ່ງ ສປປ ລາວ ໄດ້ອັດລົງດ້ວຍຜົນສຳເລັດອັນຈົບງາມ ໃນວັນທີ 20 ຕຸລາ 2022 ໂດຍໄດ້ສະຫລຸບຜົນການຈັດຕັ້ງປະຕິບັດວຽກງານເສດຖະກິດດັ່ງນີ້: 

ເສດຖະກິດມະຫາພາກ ສືບຕໍ່ຂະຫຍາຍຕົວຢ່າງຕໍ່ເນື່ອງ, ໄລຍະ 9 ເດືອນຜ່ານມາອັດຕາການເຕີບໂຕ ຂອງຍອດຜະລິດຕະພັນພາຍໃນ(GDP) ບັນລຸໄດ້ 4,2%, ໃນນີ້ກະສິກໍາຂະຫຍາຍຕົວ 2,9% ກວມເອົາ 17,5% ຂອງ GDP, ອຸດສາຫະກໍາຂະຫຍາຍຕົວ 4,4% ກວມເອົາ 34,1% ຂອງ GDP ແລະ ການບໍລິການຂະຫຍາຍຕົວ 4,9% ກວມເອົາ 37,1% ຂອງ GDP; GDP ຕໍ່ຫົວຄົນບັນລຸໄດ້ 1.841 ໂດລາ,ການຈັດເກັບລາຍຮັບງົບປະມານບັນລຸໄດ້ 24.240 ຕື້ກີບ ເທົ່າກັບ 76,72% ຂອງແຜນການ, ພ້ອມກັນນັ້ນກໍສືບຕໍ່ປະຕິບັດລາຍຈ່າຍຢ່າງຮັດກຸມຕາມທິດປະຢັດມັດທະຍັດ ເຊິ່ງປະຕິບັດແຜນລາຍຈ່າຍງົບປະມານໄດ້ 21.096 ຕື້ກີບ ເທົ່າກັບ 60,81% ຂອງແຜນການປີ. ຈຸດເດັ່ນທີ່ຕ້ອງສືບຕໍ່ເສີມຂະຫຍາຍແມ່ນການຈັດເກັບລາຍຮັບເພີ່ມຂຶ້ນເກີນແຜນ, ການສົ່ງອອກສິນຄ້າເກີນດູນ (ທຽບໃສ່ຈຸດເວລາດຽວຂອງປີຜ່ານມາ) ອັນນີ້ ເປັນທ່າອ່ຽງທີ່ດີຕ້ອງໄດ້ເສີມຂະຫຍາຍ.

ນອກຈາກນັ້ນ, ພາຍຫລັງການປະຕິບັດມາດຕະການເປີດປະເທດນັບແຕ່ຕົ້ນເດືອນພຶດສະພາເປັນຕົ້ນມາ ໄດ້ຊຸກຍູ້ໃຫ້ຂະແໜງການບໍລິການຕິດພັນກັບການທ່ອງທ່ຽວ ແລະການຂົນສົ່ງຂະຫຍາຍຕົວປະມານ 7-8%, ຈໍານວນນັກທ່ອງທ່ຽວບັນລຸໄດ້ 1.681.000 ຄົນ;

ການພັດທະນາຊົນນະບົດຮອບດ້ານແກ້ໄຂຄວາມທຸກຍາກ, ການປະຕິບັດວຽກງານ 3 ສ້າງ ຕິດພັນກັບການສ້າງຂະບວນການ ແຂ່ງຂັນຮັກຊາດ ແລະ ພັດທະນາ ສືບຕໍ່ໄດ້ຮັບການເອົາໃຈໃສ່ ແລະ ຍົກລະດັບດີຂຶ້ນ.

ສະຫາຍ ທອງລຸນ ສີສຸລິດ ຍັງໄດ້ກ່າວອີກວ່າ: ໃນຕໍ່ໜ້ານີ້ ສະພາບການພາກພື້ນ ແລະ ສາກົນ ຍັງຈະສືບຕໍ່ຜັນແປໄປຢ່າງສັບສົນ, ສູນກາງພັກພວກເຮົາ ຕ້ອງໄດ້ເພີ່ມທະວີການຊີ້ນໍາເພື່ອກຽມພ້ອມຮັບມືກັບສະ ຖານະການຕ່າງໆທີ່ຈະກີດຂຶ້ນ ຢ່າງມີໄຫວພິບ ແລະ ເປັນເຈົ້າການ; ພວກເຮົາ ຕ້ອງສ້າງການຫັນປ່ຽນທີ່ແຂງແຮງອີ່ຫລີ, ອັນສໍາຄັນທີ່ສຸດຄື ຕ້ອງເພີ່ມທະວີຄວາມສາມັກຄີ ເປັນເອກະພາບພາຍໃນພັກ, ຍົກສູງມານະຈິດປະຕິວັດ, ຄວາມເສຍສະລະ ແລະ ຄວາມເປັນແບບຢ່າງນໍາໜ້າ ໃນການຊີ້ນໍາແກ້ໄຂບັນຫາ, ເຮັດແທ້ທໍາຈິງ, ປັບປຸງແບບແຜນວິທີການເຮັດວຽກທີ່ເປັນລະບົບ ແລະ ຕໍ່ເນື່ອງ, ເພີ່ມທະວີການຕິດຕາມ, ກວດກາ ແລະ ແກ້ໄຂບັນຫາຫຍໍ້ທໍ້ ພາຍໃນກົງຈັກ, ເອົາໃຈໃສ່ວຽກງານການປຸກລະດົມຂະບວນການໃຫ້ແຂງແຮງ, ຕໍ່ເນື່ອງ ໂດຍຖືເອົາຜົນປະໂຫຍດຂອງປະຊາຊົນ ແລະ ປະເທດຊາດ ເປັນທີ່ຕັ້ງ, ສ້າງເງື່ອນໄຂໃຫ້ປະຊາຊົນຕິດຕາມ, ກວດກາການປະຕິບັດໜ້າທີ່ຂອງພະນັກງານພັກ-ລັດ ຂັ້ນຕ່າງໆ, ພ້ອມນັ້ນ ກໍຕ້ອງແກ້ບັນຫາຕົວຈິງ ຊ່ວຍປະຊາຊົນໃຫ້ໄດ້ ຈຶ່ງຈະຍົກສູງຄວາມສາມາດນຳພາ ແລະ ລັກສະນະນຳໜ້າ ຂອງສູນກາງພັກເຮົາໃນການນຳພາຊີ້ນຳ ຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ XI ຂອງພັກໃຫ້ປະກົດເປັນຈິງ.

- lattana banner - ໄລຍະ 9 ເດືອນຜ່ານມາອັດຕາການເຕີບໂຕ ຂອງຍອດຜະລິດຕະພັນພາຍໃນ(GDP) ບັນລຸໄດ້ 4,2%,
-    AD conten website - ໄລຍະ 9 ເດືອນຜ່ານມາອັດຕາການເຕີບໂຕ ຂອງຍອດຜະລິດຕະພັນພາຍໃນ(GDP) ບັນລຸໄດ້ 4,2%,
- lattana banner 1 - ໄລຍະ 9 ເດືອນຜ່ານມາອັດຕາການເຕີບໂຕ ຂອງຍອດຜະລິດຕະພັນພາຍໃນ(GDP) ບັນລຸໄດ້ 4,2%,
error: Alert: ເນື້ອຫາຂ່າວມີລິຂະສິດ !!