ນັກວິທະຍາສາດຊີ້ທົ່ວໂລກມີຜູ້ໃຊ້ Facebook ຢູ່ 4 ປະເພດ

- advert banner 728 90 728x90 - ນັກວິທະຍາສາດຊີ້ທົ່ວໂລກມີຜູ້ໃຊ້ Facebook ຢູ່ 4 ປະເພດ

ປັດຈຸບັນເຟສບຸກເປັນໂຊຊ່ຽວມີເດຍທີ່ມີຜູ້ໃຊ້ຫຼາຍທີ່ສຸດໃນໂລກ ​ເຊິ່ງມີຜົນງານວິໄຈມາຈາກ School of Communication at Brigham Young University ທີ່ໄດ້ສໍາຫລວດກຸ່ມຜູ້ໃຊ້ເຟສບຸກເປັນໜຸ່ມສາວຊາວອາເມລິກັນກຸ່ມນ້ອຍໆ 47 ຄົນ ອາຍຸລະຫວ່າງ 18-32 ປີ ​ໃນຫົວຂໍ້ທີ່ກ່ຽວກັບຄວາມຄິດເຫັນ ແລະ ຄວາມຮູ້ສຶກໃນການໃຊ້ເຟສບຸກ ​ເຊິ່ງພົບວ່າສາມາດແຍກກຸ່ມຜູ້ໃຊ້ອອກໄດ້ 4 ປະເພດຄື:

- new3 - ນັກວິທະຍາສາດຊີ້ທົ່ວໂລກມີຜູ້ໃຊ້ Facebook ຢູ່ 4 ປະເພດ
  1. ສາຍຄອນເນຄຊັນ: ກຸ່ມຄົນນີ້ຈະໃຊ້ເຟສບຸກເປັນເຄື່ອງມືໃນການສື່ສານ ແລະ ຮັກສາ ຕໍ່ຍອດຄວາມສໍາພັນຂອງໝູ່ເພື່ອນ, ເອື້ອຍ, ອ້າຍ ແລະ ນ້ອງໃນຊີວິດຕົວຈິງ ປະມານວ່າໃຊ້ເຟສບຸກເປັນບ່ອນສະແດງອອກເຖິງຄວາມຮູ້ສຶກ​ເຊິ່ງກັນ ແລະ ກັນ ໂດຍຄົນກຸ່ມນີ້ເບິ່ງເຟສບຸກຄືເປັນສິ່ງທີ່ບັນທຶກເລື່ອງລາວສ່ວນຕົວເອົາໄວ້ ລວມທັງໃຊ້ເປັນຊ່ອງທາງຕິດຕໍ່ສື່ສານທຸກຢ່າງ ລວມທັງຍັງສາມາດສົ່ງຄວາມຮູ້ສຶກທີ່ມີຕໍ່ຄູ່ສົນທະນາໄດ້ງ່າຍກວ່າເມື່ອທຽບ​ໃສ່ການຢູ່ຕໍ່ໜ້າເຊັ່ນ: ການສົ່ງສະຕິກເກີຫົວໃຈໃຫ້ກັບຍາດພີ່ນ້ອງ ຫຼືໝູ່ເພື່ອນທີ່ເຮັດໄດ້ໜ້ອຍ (ສໍາລັບຜູ້ໃຊ້ບາງສ່ວນ) ໃນຊີວິດຕົວຈິງເມື່ອພົບໜ້າກັນ ຕົວຢ່າງເຊັ່ນ: ການແຊໂພສຄົບຮອບການເປັນເພື່ອນກັນບົນເຟສບຸກ ແລ້ວໃສ່ແຄັບຊັນ ຫຼື ສະຕິກເກີຫວານໆ ເປັນຕົ້ນ,
  2. ສາຍສ່ອງ: ຄົນກຸ່ມນີ້ຈະເບິ່ງເຟສບຸກເປັນສິ່ງທີ່ຈໍາເປັນໃນຊີວິດປະຈໍາວັນຍຸກນີ້ ແຕ່ພວກເຂົາຈະບໍ່ຄ່ອຍໂພສສະເຕຕັດກ່ຽວກັບຕົວເອງຫຼາຍ ເອີ້ນວ່າອັບເດດໜ້ອຍ ຈົນຈະກາຍເປັນເຟສຮ້າງ, ຄົນກຸ່ມນີ້ພຽງເຫັນວ່າຄົນອື່ນມາກົດ Like ຫຼື Comment ບົນໂພສຫຍັງຈັກຢ່າງກໍ​ເກືອບຈະເປັນໜຶ່ງໃນສິ່ງມະຫັດສະຈັນຂອງໂລກແລ້ວ.

​ເຊິ່ງກຸ່ມສາຍສ່ອງນີ້ຈະໃຊ້ເຟສບຸກໃນການໄປເບິ່ງເລື່ອງລາວ ຫຼື ໂປຣໄຟລຄົນທີ່ຕົວເອງຊື່ນຊົມ ເພື່ອຕິດຕາມວ່າຄົນໆນັ້ນຄິດແນວໃດ ແລະ ມີລົດສະນິຍົມມັກ ຫຼື ບໍ່ມັກຫຍັງ “ເປີດເຟສບຸກໄວ້ເພື່ອໃຫ້ເປັນຊ່ອງທາງທີ່ຕິດຕໍ່ກັບໝູ່ເພື່ອນໄດ້”

- lattana 1 - ນັກວິທະຍາສາດຊີ້ທົ່ວໂລກມີຜູ້ໃຊ້ Facebook ຢູ່ 4 ປະເພດ
  1. ສາຍແຊ: ກຸ່ມນີ້ຈະມີຄວາມເປັນນັກຂ່າວ, ນັກກິດຈະກໍາ ຄົນກຸ່ມນີ້ຈະມັກແຊໂພສເລື່ອງຕ່າງໆຢູ່ໜ້າ​ເພສ ແຕ່ບໍ່ໄດ້ໝາຍຄວາມວ່າພວກເຂົາຈະຮູ້ລາຍລະອຽດຂອງ content ທີ່ແຊອອກໄປ ຫຼື ຕິດຕາມບັນຫານັ້ນຊະໜິດແໜ້ນພ້ອມອອນລາຍຢູ່ຕະຫຼອດເວລາ ໃນທາງກົງກັນຂ້າມ ບາງຄັ້ງຄົນກຸ່ມນີ້ກໍບໍ່ສົນ​ໃຈວ່າສິ່ງທີ່ໂພສທີ່ແຊລົງໄປນັ້ນຈະມີຄົນກົດ Like ຫຼື ບໍ່ ເຊັ່ນ: ຄົນທີ່ມັກແຊຄິບຕາຫຼົກ, ຂ່າວ, ບົດຄວາມທີ່ກໍາລັງນິຍົມໃນຕອນນັ້ນໆ ຫຼື ແທັກໝູ່ເພື່ອນຊວນໄປບ່ອນນັ້ນບ່ອນນີ້ ເອີ້ນວ່າຫາກຄົນກຸ່ມນີ້ຮູ້ເລື່ອງຫຍັງ ໂລກກໍຈະຮູ້ໄປນຳແນ່ນອນ ຍົກເວັ້ນເລື່ອງຂອງຕົວເຂົາເອງ ແລະ ຄົນກຸ່ມນີ້ພັດບໍ່ຄ່ອຍຍອມເປີດເຜີຍເລື່ອງສ່ວນຕົວພໍປານໃດ ແລະ ມີທ່າ​ອ່ຽງຈະຍອມໂພສເລື່ອງຕົນເອງພຽງເລັກນ້ອຍເທົ່ານັ້ນ.
  2. ສາຍເຫງົາ: ກຸ່ມນັກເຊລຟີນີ້ຖືໄດ້ວ່າມີຫຼາຍທີ່ສຸດກຸຸ່ມໜຶ່ງ ໂດຍກຸ່ມນີ້ມັກຈະອັບສະເຕຕັດ, ຮູບ ຫຼື ຄິບເປັນປະຈໍາ ເພື່ອຮຽກຮ້ອງຄວາມສົນໃຈ ​ເຊິ່ງນັກວິໄຈລະບຸວ່າ ຄົນຫຼິ້ນເຟສບຸກກຸ່ມນີ້ຈະອີງຄວາມຮູ້ສຶກຢູ່ກັບຍອດ Like ເປັນຫຼັກ ເວົ້າງ່າຍໆວ່າ ຍິ່ງມີຄົນກົດ Like ຫຼາຍເທົ່າໃດຕົນເອງກໍຍິ່ງຮູ້ສຶກໄດ້ຮັບການຍອ​ມຮັບຫຼາຍຂຶ້ນ​ເທົ່າ​ນັ້ນ.
error: Content is protected !!