ປະຫວັດທ່ານ Rishi Sunak ນາຍົກລັດຖະມົນຕີ ຄົນໃໝ່ ຂອງອັງກິດ

ທ່ານ Rishi Sunak ນາຍົກລັດຖະມົນຕີ ຄົນໃໝ່ ຂອງອັງກິດ ອາຍຸ 42 ປີ ຈົບການສຶກສາທີ່ Winchester College Oxford University, ພໍ່ແມ່ເປັນຄົນເຊື້ອສາຍອິນເດຍ ເຊິ່ງອົບພະຍົບມາຈາກອາຟຣິກາຕາເວັນອອກ, ແຕ່ງງານກັບ ນາງ ອັດຊະຕາ ມູຣຕີ ລູກຫລານມະຫາເສດຖີຜູ້ກໍ່ຕັ້ງບໍລິສັດ Infosys ແລະ ມີລູກນຳກັນສອງຄົນ.

ເສັ້ນທາງສູ່ການເມືອງ: ສັງກັດພັກຄອນເຊີເວທີບ ເປັນສະມາຊິກສະພາສະໄໝທຳອິດໃນປີ 2015, ເປັນລັດຖະມົນຕີການເງິນໃນປີ 2020-2022 ເຊິ່ງໄດ້ຮັບຄວາມນິຍົມຈາກປະຊາຊົນໃນຊ່ວງໂຄວິດລະບາດ ຫລັງກະຊວງການເງິນໃຫ້ງົບ 4 ແສນລ້ານປອນ ຊ່ວຍເຫລືອປະຊາຊົນທີ່ໄດ້ຮັບຜົນກະທົບ.

ດ້ານຖານະການເງິນ: ທ່ານ ຊູນັກ ແລະ ພັນລະຍາ ມີຊັບສິນລວມກັນກວ່າ 826 ລ້ານໂດລາສະຫະລັດ, ຕິດອັນດັບ 250 ບຸກຄົນ/ຄອບຄົວທີ່ລໍ່າລວຍທີ່ສຸດຂອງອັງກິດ, ເປັນໜຶ່ງໃນນາຍົກທີ່ມີຊັບສິນຫລາຍທີ່ສຸດໃນປະຫວັດສາດຂອງອັງກິດ.

ອ້າງອີງຈາກ: bbc / the times / The new York times / cnn