ກຳປູເຈຍຕອບກັບອາເມລິກາ ແຊກແຊງການເມືອງ ວ່າປະຊາທິ ປະໄຕແບບອາເມລິກາເລືອດເຢັນ

- 0824N Cambodia PM Hun Sen article main image - ກຳປູເຈຍຕອບກັບອາເມລິກາ ແຊກແຊງການເມືອງ ວ່າປະຊາທິ ປະໄຕແບບອາເມລິກາເລືອດເຢັນ
- 174233 - ກຳປູເຈຍຕອບກັບອາເມລິກາ ແຊກແຊງການເມືອງ ວ່າປະຊາທິ ປະໄຕແບບອາເມລິກາເລືອດເຢັນ

 

ກຳປູ​ເຈຍ​ຕອບ​ກັບ​ອາ​ເມ​ລິ​ກາ​ກໍລະນີ​ວິພາກ​ວິຈານ​ເລື່ອງ​ການ​​ເນລະ​ເທດ​ພະນັກງານ​ອົງການ​ພັດທະນາ​ເອກະ​ຊົນ ຫລື NGO ​ແຫ່ງ​ໜຶ່ງ​ອອກ​ນອກ​ປະ​ເທດ ​ໂດຍ​ກ່າວ​ຫາ​ອາ​ເມ​ລິ​ກາ​ວ່າ: ​ແຊກ​ແຊງ​ການ​ເມືອງ ​ແລະ ກ່າວ​ວ່າ: ລະບອບ​ປະຊາທິປະ​ໄຕ​ຂອງ​ອາ​ເມ​ລິ​ກາ​ເປັນ​ສິ່ງ​ທີ່​ເລືອດ​ເຢັນ ​ແລະ ປ່າ​ເຖື່ອນ.

ກ່ອນ​ໜ້າ​ນີ້, ກະຊວງ​ການ​ຕ່າງປະ​ເທດ​ອາ​ເມ​ລິ​ກາ​ອອກ​ມາ​ຕຳ​ໜິລັດຖະບານ​ກຳປູ​ເຈຍ​ກໍລະນີ​ເນລະ​ເທດ​ພະນັກງານ​ຕ່າງປະ​ເທດ​ຂອງ​ສະ​ຖາ​ບັນ​ປະຊາທິປະ​ໄຕ​ແຫ່ງ​ຊາດ (NDI) ​ເຊິ່ງ​ເປັນ NGO ທີ່​ໄດ້​ຮັບ​ທຶນ​ສະໜັບສະໜູນ​ຈາກ​ອາ​ເມ​ລິ​ກາ​ໃນ​ການ​ສົ່ງ​ເສີມ​ລະບອບ​ການ​ປົກຄອງ​ປະຊາທິປະ​ໄຕ ລວມທັງ​ສະ​ແດງ​ຄວາມ​ກັງວົນ​ຕໍ່​ເສລີພາບ​ສື່​ໃນ​ປະ​ເທດ. ຂະນະ​ດຽວ​ກັນ ສະຖານທູດ​ອາ​ເມ​ລິ​ກາ​ຢູ່​ນະຄອນຫລວງ​ພະນົມ​ເປັນ​ໄດ້​ອອກ​ມາຕັ້ງຄຳ​ຖາມ​ວ່າ: ກຳປູ​ເຈຍ​ເປັນ​ປະ​ເທດ​ປະຊາທິປະ​ໄຕ​ແທ້ ຫລື ບໍ່.

 

+ ລັດຖະບານກຳປູເຈຍສັ່ງປິດ NGO ຂອງອາເມລິກາ ເນລະເທດພະນັກງານກັບປະເທດ

+ ທ່ານ ຮຸນເຊນ ປະກາດເອົາຜິດຄົນວິຈານ ບັນຫາຊາຍແດນ ກຳປູເຈຍ-ລາວ

- Wave100S AD to Website 2020 0 - ກຳປູເຈຍຕອບກັບອາເມລິກາ ແຊກແຊງການເມືອງ ວ່າປະຊາທິ ປະໄຕແບບອາເມລິກາເລືອດເຢັນ

 

ລັດຖະບານ​ກຳປູ​ເຈຍ​ອອກ​ຈົດໝາຍ​ຕອບ​ກັບ​ໃນ​ວັນ​ທີ 24 ສິງຫາ​ນີ້​ວ່າ: ອາ​ເມ​ລິ​ກາ​ເຂົ້າມາ​ກຳປູ​ເຈຍ ​ເພື່ອ​ຈະ​ຊ່ວຍ​ເຫລືອ ຫລື ສ້າງ​ອຸປະສັກ​ໃຫ້​ແກ່​ຊາວ​ກຳປູ​ເຈຍ ​ແລະ ກ່າວ​ວ່າ: ອາ​ເມ​ລິ​ກາ​ເປັນຕົ້ນ​ເຫດ​ເຮັດ​ໃຫ້​ຂະ​ເໝນ​ແດງ​ເຂົ້າມາ​ມີ​ອຳນາດ​ໃນ​ໄລຍະ​ປີ 1970. ຈົດໝາຍ​ລະບຸ​ອີກ​ວ່າ: ຊາວ​ກຳປູ​ເຈຍ​ຮູ້​ດີ​ວ່າ​ປະຊາທິປະ​ໄຕ​ຄື​ຫຍັງ, ​ແຕ່​ປະຊາທິປະ​ໄຕ​ໃນ​ຮູບ​ແບບ​ຂອງ​ອາ​ເມ​ລິ​ກາ​ມີ​ແຕ່​ຄວາມ​ເລືອດ​ເຢັນ ​ແລະ ປ່າ​ເຖື່ອນ, ລັດຖະບານ​ກຳປູ​ເຈຍ​ຕ້ອງການ​ສົ່ງ​ສານ​ເຖິງ​ສະຖານທູດ​ອາ​ເມ​ລິ​ກາ​ວ່າ: ກຳປູ​ເຈຍ​ຈະ​ເດີນ​ໜ້າ​ປົກ​ປ້ອງ​ອະທິປະ​ໄຕ​ຂອງ​ປະ​ເທດ.

ສ່ວນ​​ເວັບ​ໄຊ​ຂ່າວ​ຂອງ​ຝ່າຍ​ສະ​ໜັບສະ​ໜູນ​ລັດຖະບານ​ລາຍ​ງາ​ນ​ໂດຍ​ອ້າງ​ແຫ​ລ່ງຂ່າວ​ທີ່​ບໍ່​ໄດ້​ຮັບ​ການ​ເປີດ​ເຜີຍ​ຊື່​ລະບຸ​ວ່າ: ກຸ່ມ​ຜູ້​ສະໜັບສະໜູນ​ລັດຖະບານ​ຈະ​ນັດ​ຊຸມນຸມ​ປະ​ທ້ວງ​ຄັ້ງ​ໃຫຍ່​ຢູ່​ບໍລິ​ເວນ​ສະຖານທູດ​ອາ​ເມ​ລິ​ກາ​ໃນ​ນະຄອນຫລວງ​ພະນົມ​ເປັນ ​ເນື່ອງ​ຈາກ​ຮັບ​ບໍ່​ໄດ້​ທີ່​ອາ​ເມ​ລິ​ກາ​ແຊກ​ແຊງ​ອະທິປະ​ໄຕ​ຂອງ​ປະ​ເທດ.

ຂະນະ​ທີ່ NDI ອອກ​ຖະ​ແຫລ​ງການ​ຂໍ​ໃຫ້​ລັດຖະບານ​ກຳປູ​ເຈຍ​ທົບ​ທວນ​ຄຳ​ສັ່ງ​ປິດ​ສຳນັກງານ ​ແລະ ກ່າວ​ວ່າ: ອົງການ​ໄດ້​ດຳ​​ເນີນ​ການ​ຈົດ​ທະບຽນ​ຕາມ​ກົດໝາຍ​ກຳປູ​ເຈຍ​ທຸກ​ຢ່າງ.

- WhatsApp Image 2020 05 27 at 5 - ກຳປູເຈຍຕອບກັບອາເມລິກາ ແຊກແຊງການເມືອງ ວ່າປະຊາທິ ປະໄຕແບບອາເມລິກາເລືອດເຢັນ
error: Alert: Content is protected !!