ຂ່າວດີ!! ວັນທີ 1 ພະຈິກນີ້ ,ກິດຈະກຳກວດສຸຂະພາບຜົ້ງປາກ-ປິ່ນປົວແຂ້ວ ໂດຍບໍ່ເສຍຄ່າ
October 29, 2022 - 1:50 PM
ຄະນະທັນຕະແພດ ມະຫາວິທະຍາໄລ ວິທະຍາສາດສຸຂະພາບ ຮ່ວມກັບທັນຕະແພດພະຣາຊະທານ ມ ຂອນແກ່ນ ໜ່ວຍທັນຕະກໍາໂຄງການສຸຂະພາບດີ ມູນລະນິທິສົງເຄາະເດັກ ສະພາກາຊາດໄທ ໜ່ວຍທັນຕະກໍາໂຮງໝໍມະຫາລາດ ນະຄອນລາຊະສີມາ ມູນລະນິທິທັນຕະແພດເອກະຊົນແຫ່ງປະເທດໄທ ມູນລະນິທິເພື່ອຜູ້ປ່ວຍມະເຮັງຜົ້ງປາກ ແລະ ໂຮງໝໍກະເສມຣາດ (ນະຄອນຫຼວງວຽງຈັນ) ຈະເປີດໃຫ້ບໍລິການກວດພະຍາດທົ່ວໄປ ແລະ ໃຫ້ການບໍລິການທາງທັນຕະກໍາ (ກວດສຸຂະພາບຜົ້ງປາກ ແຂ້ວ ປິ່ນປົວແຂ້ວ ຖອນແຂ້ວ ໃສ່ແຂ້ວທຽມ) ໂດຍບໍ່ເສຍຄ່າ ວັນທີ 1 ພະຈິກ 2022 ຢູ່ມະຫາວິທະຍາໄລ ວິທະຍາສາດສຸຂະພາບ ວິທະຍາເຂດດົງໂພສີ ບ້ານຊຽງດາ ເມືອງໄຊເສດຖາ ນະຄອນຫຼວງວຽງຈັນ ເລີ່ມແຕ່ເວລາ 8:00-15:00 ໂມງ ຈຶ່ງຂໍເຊີນ ຊວນປະຊາຊົນຜູ້ທີ່ສົນໃຈ ແລະ ມີຄວາມສະດວກ ເຂົ້າມາຮັບການບໍລິການໃນຄັ້ງນີ້ດ້ວຍ.
