ລັດຖະບານໄດ້ເອົາໃຈໃສ່ຊ່ວຍເຫລືອປະຊາຊົນທີ່ປະສົບໄພນ້ຳ ຖ້ວມມູນຄ່າເກືອບ 900 ລ້ານກີບ

- advert banner 728 90 728x90 - ລັດຖະບານໄດ້ເອົາໃຈໃສ່ຊ່ວຍເຫລືອປະຊາຊົນທີ່ປະສົບໄພນ້ຳ ຖ້ວມມູນຄ່າເກືອບ 900 ລ້ານກີບ

ໄລຍະຜ່ານມາ, ກະຊວງແຮງງານ ແລະ ສະຫວັດດີການສັງຄົມ, ຕາງ ໜ້າໃຫ້ລັດຖະບານລາວ ໄດ້ເອົາໃຈໃສ່ຊ່ວຍເຫລືອປະຊາຊົນທີ່ປະສົບໄພນ້ຳຖ້ວມຢູ່ຫລາຍ ແຂວງໃນທົ່ວປະເທດ, ລວມມີມູນຄ່າເກືອບ 900 ລ້ານກີບ, ໃນນັ້ນມີ ແຂວງ ອຸດົມໄຊ, ບໍລິຄຳໄຊ, ຈຳປາສັກ ແລະ ວຽງຈັນ ແຂວງລະ 120 ລ້ານກີບ, ແຂວງເຊກອງ, ສາລະວັນ, ສະຫວັນນະເຂດ ແລະ ຄຳມ່ວນ ແຂວງລະ 70 ລ້ານກີບ, ສ່ວນອັດຕະປື ແມ່ນ 50 ລ້ານກີບ ແລະ ແຂວງໄຊຍະບູລີ 63 ລ້ານກວ່າກີບ.

ເມື່ອບໍ່ດົນມານີ້, ທ່ານລັດຖະມົນຕີກະຊວງແຮງງານ ແລະ ສະຫວັດດີ ການສັງຄົມ ຄຳແພງ ໄຊສົມແພງ ໄດ້ລາຍງານຕໍ່ກອງປະຊຸມສາມັນປະຈໍາ ເດືອນສິງຫາ, ທີ່ນະຄອນຫລວງວຽງຈັນວ່າ: ເນື່ອງຈາກລົມພາຍຸຊົງກາ (Sonca), ໄດ້ພັດຜ່ານປະເທດເຮົາ ເມື່ອທ້າຍເດືອນກໍລະກົດຜ່ານມາ, ສົ່ງ ຜົນເຮັດໃຫ້ມີຝົນຕົກໜັກຕິດຕໍ່ກັນຫລາຍວັນ ແລະ ກໍໃຫ້ເກີດນ້ຳຖ້ວມ, ດິນເຈື່ອນຢູ່ຫລາຍແຫ່ງໃນທົ່ວປະເທດຄື: ຜົ້ງສາລີ, ຫົວພັນ, ອຸດົມໄຊ, ໄຊຍະ ບູລີ, ວຽງຈັນ, ບໍລິຄຳໄຊ, ຄຳມ່ວນ, ຈຳປາສັກ, ສາລະວັນ, ເຊກອງ ແລະ ອັດຕະປື, ສົ່ງຜົນກະທົບໃຫ້ປະຊາຊົນ 21.660 ຄອບຄົວພົບຄວາມຫຍຸ້ງຍາກ ແລະ ມີຜູ້ເສຍຊີວິດ 10 ຄົນ, ໃນນັ້ນ ແຂວງໄຊຍະບູລີ 2 ຄົນ, ອຸດົມໄຊ 1 ຄົນ, ວຽງຈັນ 1 ຄົນ ແລະ ຜົ້ງສາລີ 6 ຄົນ ແລະ ສົ່ງຜົນກະທົບຕໍ່ກັບພື້ນຖານໂຄງລ່າງ, ການຄົມມະນາຄົມຂົນສົ່ງ, ໂຮງຮຽນ, ວັດວາອາຣາມ, ສຸກສາລາ, ລະບົບນ້ຳປະປາ, ໄຟຟ້າ, ທີ່ຢູ່ອາໃສ ແລະ ຜົນຜະລິດກະສິກຳເປັນຈຳນວນບໍ່ໜ້ອຍ.

- lattana 1 - ລັດຖະບານໄດ້ເອົາໃຈໃສ່ຊ່ວຍເຫລືອປະຊາຊົນທີ່ປະສົບໄພນ້ຳ ຖ້ວມມູນຄ່າເກືອບ 900 ລ້ານກີບ
- 1 1 - ລັດຖະບານໄດ້ເອົາໃຈໃສ່ຊ່ວຍເຫລືອປະຊາຊົນທີ່ປະສົບໄພນ້ຳ ຖ້ວມມູນຄ່າເກືອບ 900 ລ້ານກີບ

ຕາມການປະເມີນຜົນໃນເບື້ອງຕົ້ນຂອງຄວາມເສຍຫາຍດັ່ງກ່າວ ຈະມີສູງເຖິງ 55,5 ຕື້ກວ່າກີບ, ໃນນັ້ນ ເນື້ອທີ່ນາເສຍຫາຍ 18.451 ເຮັກຕາ, ເນື້ອທີ່ນາທີ່ບໍ່ສາມາດຟື້ນຟູໄດ້ 42 ເຮັກຕາ, ສ່ວນມັນຕົ້ນ, ສາລີ ແລະ ໝາກ ເພັດ 1.039 ເຮັກຕາ, ເຂົ້າເປືອກຫລາຍກວ່າ 7 ໂຕນ, ສັດ ລ້ຽງປະເພດງົວ, ຄວາຍ, ໝູ, ແບ້ ແລະ ສັດປີກ 23.500 ກວ່າໂຕ, ໜອງປາ 958 ໜອງແລ ຊົນລະປະທານໄດ້ຮັບຄວາມເສຍຫາຍ 26 ແຫ່ງ, ເຮືອນຊານປະຊາຊົນ 130 ຫລັງ, ຂົວ 30 ຈຸດ, ເສັ້ນທາງເປ່ເພຫລາຍກວ່າ 73 ກິໂລແມັດ, ຕາຝັ່ງເຈືອນ 5 ຈຸດ, ທໍ່ສົ່ງນ້ຳປະປາ 3 ແຫ່ງ, ໂຮງຮຽນ 12 ຫລັງ ແລະ ນ້ຳບາດານ 20 ແຫ່ງ. ຂະນະດຽວກັນ ການຊ່ວຍເຫລືອດັ່ງກ່າວຍັງເປັນພຽງແຕ່ສ່ວນເຫລັກນ້ອຍເທົ່າ ນັ້ນ, ຊຶ່ງຕ້ອງໄດ້ອີງໃສ່ສັງຄົມ ແລະ ພາກສ່ວນກ່ຽວຂ້ອງໃຫ້ການຊ່ວຍເຫລືອຕື່ມອີກ ເພື່ອໃຫ້ປະຊາຊົນຜູ້ໄດ້ຮັບຜົນກະທົບດັ່ງກ່າວສາມາດຟື້ນຟູການຜະລິດ ແລະ ຊີວິດການເປັນຢູ່ດີຂຶ້ນເປັນປົກກະຕິໂດຍໄວ.

error: Content is protected !!