ລາວ-ອາເມລິກາຫາລືການສໍາຫລວດຊອກຫາຮ່ອງຮອຍ ແລະ ສິ່ງເສດເຫລືອທະຫານອາເມລິກາທີ່ຫາຍສາບສູນໃນປາງສົງຄາມຢູ່ລາວ

- advert banner 728 90 728x90 - ລາວ-ອາເມລິກາຫາລືການສໍາຫລວດຊອກຫາຮ່ອງຮອຍ ແລະ ສິ່ງເສດເຫລືອທະຫານອາເມລິກາທີ່ຫາຍສາບສູນໃນປາງສົງຄາມຢູ່ລາວ

ກອງປະຊຸມປຶກສາຫາລືໃນລະດັບວິຊາການລະຫວ່າງລາວ-ອາເມລິກາກ່ຽວກັບວຽກງານການສໍາຫລວດຊອກຫາຮ່ອງຮອຍ ແລະ ສິ່ງເສດເຫລືອຂອງທະຫານອາເມລິກາທີ່ຫາຍສາບສູນໃນປາງສົງຄາມຢູ່ລາວ (MIA) ໄດ້ມີ​ຂຶ້ນໃນວັນທີ 22 ສິງຫານີ້, ທີ່ນະຄອນຫລວງວຽງຈັນ, ​ຝ່າຍລາວນຳໂດຍທ່ານ ຂວັນຕາ ຜາລີວົງ ຫົວໜ້າກົມເອີຣົບ-ອາເມລິກາກະຊວງການຕ່າງປະເທດ ແລະ ຝ່າຍອາເມລິການຳໂດຍທ່ານ ພົນຈັດຕະວາ ມາກ ສະປີນເລີ (Mark Spindler) ຮອງຫົວໜ້າອົງການປົກປ້ອງສິດຜົນປະໂຫຍດຂອງສະເລີຍເສິກທະຫານອາເມລິກາທີ່ຫາຍສາບສູນໃນປາງສົງຄາມ (DPAA) ແລະ ໂດຍການເຂົ້າຮ່ວມຂອງທ່ານນາງ Rena Bitter ເອກອັກຄະລັດຖະທູດສະຫະລັດອາເມລິກາປະຈຳລາວ.

ກອງປະຊຸມຄັ້ງນີ້, ສອງຝ່າຍໄດ້ທົບທວນຄືນການປະຕິບັດແຜນການຮ່ວມມື ພາກສະໜາມຢູ່ແຂວງສະຫວັນນະເຂດ ແລະ ແຂວງຄຳມ່ວນ ເພື່ອຊອກຫາຮ່ອງຮອຍ ແລະ ສິ່ງເສດເຫລືອຂອງທະຫານອາເມລິກາທີ່ຫາຍສາບສູນໃນປາງສົງຄາມຢູ່ລາວ (MIA) ໃນໄລຍະ 1 ປີຜ່ານມາ (2016-2017) ສາ ມາດຄົ້ນພົບສິ່ງເສດເຫລືອ ແລະ ໄດ້ພິສູດຢືນຢັນໄດ້ 7 ຄົນ, ພ້ອມທັງໄດ້ປຶກສາຫາລືແຜນການປະຕິບັດງານຮ່ວມໃນສົກປີຕໍ່ໜ້າ, ຊຶ່ງຄາດວ່າຈະມີຜົນທີ່ໄດ້ຮັບ​ເພີ່ມທະວີ, ໂດຍຜ່ານການເພີ່ມຈຳນວນການປະຕິບັດງານໃນພາກສະໜາມຈາກ 4 ຄັ້ງເປັນ 5 ຄັ້ງຕໍ່ປີ, ລວມທັງການຊ່ວຍເຫລືອດ້ານມະນຸດສະທຳ, ສ້າງໂຮງຮຽນ, ໂຮງໝໍ ແລະ ອື່ນໆ ໃຫ້ແກ່ທ້ອງຖິ່ນໃນເຂດທີ່ມີການປະຕິບັດວຽກງານດັ່ງກ່າວ.

ໃນໂອກາດນີ້, ຝ່າຍລາວ ໄດ້ຢືນຢັນຄືນທີ່ຈະສືບຕໍ່ໃຫ້ການຮ່ວມມືບົນພື້ນ ຖານເງື່ອນໄຂ ແລະ ຄວາມອາດສາມາດຕົວຈິງຂອງຝ່າຍລາວ ແລະ ໄດ້ສະແດງ ແລະ ຕີລາຄາສູງຕໍ່ການຊ່ວຍເຫລືອຂອງລັດຖະບານລາວ, ໂດຍສະເພາະໃນວຽກງານ MIA ທີ່ເປັນສ່ວນປະກອບສຳຄັນໃຫ້ແກ່ການຂະຫຍາຍການຮ່ວມມືຂອງສອງປະເທດໃນໄລຍະ 30 ກວ່າປີທີ່ຜ່ານມາ, ພ້ອມທັງໄດ້ຢືນຢັນຈະສືບຕໍ່ໃຫ້ການຊ່ວຍເຫລືອດ້ານມະນຸດສະທຳແກ່ປະຊາຊົນລາວ ເພື່ອປະກອບສ່ວນເສີມຂະຫຍາຍການພົວພັນຮ່ວມມືລະຫວ່າງສອງປະເທດລາວ-ອາເມລິກາໃຫ້ມີບັນຍາກາດຟົດຟື້ນຍິ່ງຂຶ້ນ.

- lattana 1 - ລາວ-ອາເມລິກາຫາລືການສໍາຫລວດຊອກຫາຮ່ອງຮອຍ ແລະ ສິ່ງເສດເຫລືອທະຫານອາເມລິກາທີ່ຫາຍສາບສູນໃນປາງສົງຄາມຢູ່ລາວ
- 1 1 - ລາວ-ອາເມລິກາຫາລືການສໍາຫລວດຊອກຫາຮ່ອງຮອຍ ແລະ ສິ່ງເສດເຫລືອທະຫານອາເມລິກາທີ່ຫາຍສາບສູນໃນປາງສົງຄາມຢູ່ລາວ

ການປະຕິບັດນະໂຍບາຍດ້ານມະນຸດສະທຳອັນສະເໝີຕົ້ນສະເໝີປາຍ ດັ່ງກ່າວ, ໄດ້ດຳເນີນມາແຕ່ປີ 1982, ຊຶ່ງໃນຕົວຈິງແມ່ນພົບຄວາມຫຍຸ້ງຍາກຫລາຍຢ່າງ ເປັນຕົ້ນ: ສະພາບດິນຟ້າອາກາດ ແລະ ສະພາບແວດລ້ອມທີ່ທຸລະກັນດານ, ແຕ່ສາມາດຂຸດຄົ້ນພົບສິ່ງເສດເຫລືອຈຳນວນ 279 ກໍລະນີ ໃນຈຳນວນທັງໝົດ 573 ກໍລະນີ ແລະ ຍັງຈະສືບຕໍ່ຊອກຫາອີກ 294 ກໍລະນີ, ສິ່ງນີ້ໄດ້ສະແດງໃຫ້ເຫັນເຖິງຄວາມເອົາໃຈໃສ່ຂອງລັດຖະບານ ແລະ ປະຊາຊົນສອງປະເທດ.

error: Content is protected !!