ຕຳຫລວດ ກາຕ້າ ບຸກຍຶດຈັບ ຂັນບານໂລກປອມ ທີ່ຂາຍໃນໂລກອອນລາຍ

ທາງການ ກາຕ້າ ຍຶດ ແລະ ດຳເນີນຄະດີຜູ້ຄອບຄອງຂັນບານໂລກ ປອມ ຈຳນວນ 144 ອັນ ຈາກການຈັບກຸມຂອງ ກົມປ້ອງກັນ ແລະ ປາບປາມອາຊະຍາກຳທາງໄຊເບີ ສຳນັກງານສອບສວນຄະດີອາຍາ ຮ່ວມກັບຄະນະກຳມະການຄຸ້ມຄອງຊັບສິນທາງປັນຍາ.

ກະຊວງມະຫາດໄທຂອງກາຕ້າ ລະບຸວ່າ : ການຄອບຄອງຂັນບານໂລກປອມນັ້ນຜິດກົດຫມາຍຂໍ້ 10 ກ່ຽວກັບມາດຕະການເປັນ ເຈົ້າພາບບານໂລກ ຂອງກາຕ້າ ເຊິ່ງຂັນລາງວັນດັ່ງກ່າວຖືກເຮັດຂຶ້ນ ແລະ ຂາຍໃນໂລກອອນລາຍແຫ່ງຫນຶ່ງ ເຊິ່ງເຈົ້າໜ້າທີ່ຕຳ ຫລວດໄດ້ຈັບກຸມ ແລະ ກຽມຂະຫຍາຍຜົນ.

ທາງການ ກາຕ້າ ເຮັດວຽກຮ່ວມກັບຝ່າຍສິດທິປະໂຫຍດຂອງຟີຟາຢ່າງໃກ້ຊິດ ໂດຍສະເພາະເລື່ອງການລະເມີດລິຂະສິດ ໃນບານໂລກທຸກຮູບແບບ.