ເຫັດເພີ່ມວິຕາມິນເດດີຕໍ່ສຸຂະພາບ

- advert banner 728 90 728x90 - ເຫັດເພີ່ມວິຕາມິນເດດີຕໍ່ສຸຂະພາບ

ຮ່າງກາຍຂອງຄົນເຮົາຕ້ອງການວິຕາມິນເດທີ່ມີສ່ວນສຳຄັນຕໍ່ການດູດຊຶມທາດການຊຽມ, ເສີມສ້າງກະດູກ ແລະ ລະບົບພູມ ຕ້ານທານໃຫ້ແຂງແຮງ. ນອກຈາກການຮັບວິຕາມິນເດໃນອາຫານ ເຊັ່ນ : ປາ, ອາຫານເສີມປະເພດຊີຣຽວ, ນົມ ແລະ ນຳ້ໝາກ ກ້ຽງແລ້ວ ຮ່າງກາຍເຮົາຍັງສາມາດສ້າງເອງຈາກການໄດ້ຮັບແສງແດດທີ່ຈະປ່ຽນຄໍເລສເຕີໂຣນໃນຜິວໜັງໃຫ້ເປັນວິຕາມິນເດ  ແລະ ເນື່ອງຈາກຄົນຈຳນວນຫລາຍໄດ້ຮັບວິຕາມິນເດບໍ່ພຽງພໍ ຜ່ານການກິນອາຫານຢ່າງດຽວຍິ່ງໃນປະເທດທີ່ມີແສງແດດໜ້ອຍ ອາກາດເຢັນ ແລະ ຄຶ້ມຕະຫລອດປີ ຍິ່ງສ່ຽງທີ່ຈະຂາດວິຕາມິນເດຊະນິດນີ້, ແຕ່ປະຈຸບັນ ນັກວິທະຍາສາດດ້ານອາຫານສາມາດຫາທາງເລືອກໃໝ່ໃຫ້ແກ່ຄົນກຸ່ມນີ້ ໂດຍໃຊ້ແສງອັລຕຣາໄວໂອເລດສ້າງວິຕາມິນເດໃນເຫັດ ເຊິ່ງເປັນອາຫານຖືກປາກຄົນທົ່ວໂລກ.

- new3 - ເຫັດເພີ່ມວິຕາມິນເດດີຕໍ່ສຸຂະພາບ

ທ່ານ ໄມເຄິລ ຄາລາຣາສ ນັກວິໄຈມະຫາວິທະຍາໄລ ເພນຊິລ  ວາເນຍ ສະເຕດ ກ່າວວ່າ : ການສາຍແສງອັລຕຣາໄວໂອເລດລົງເທິງພື້ນຜິວຂອງເຫັດພຽງບໍ່ເທົ່າໃດວິນາທີກໍຫລາຍພໍຈະຈຸດຂະບວນການທາງເຄມີປ່ຽນສານປະກອບຄ້າຍຄືຄໍເລສເຕີໂຣນໃນເຫັດໃຫ້ເປັນວິຕາມິນເພີ່ມຂຶ້ນໄດ້ເຖິງ 100%.

ນັກວິໄຈກ່າວວ່າ : ເຫັດຮັກສາວິຕາມິນເດໄວ້ດົນເປັນອາທິດໃນຕູ້ເຢັນ, ການກິນເຫັດ 1 ຄາບ ເທົ່າກັບການໄດ້ຮັບວິຕາມິນເດ 600 IUS ( 15 ໄມໂຄຣກຣາມ) ເຊິ່ງເປັນປະລິມານທີ່ຮ່າງກາຍຕ້ອງການຕໍ່ມື້ ແລະ ເຖິງຈະເປັນໄປໄດ້ວ່າການຮັບວິຕາມິນເດຫລາຍເກີນໄປອາດເປັນຜົນຮ້າຍຕໍ່ຮ່າງກາຍເຖິງຂັ້ນເຈັບປ່ວຍໄດ້, ແຕ່ລະດັບອັນຕະລາຍທີ່ວ່ານີ້ແມ່ນການຮັບວິຕາມິນເດສູງຫລາຍ ເຊິ່ງເປັນເລື່ອງຍາກທີ່ຮ່າງກາຍຈະໄດ້ຮັບເຖິງລະດັບນັ້ນໂດຍບັງເອີນ.

- lattana 1 - ເຫັດເພີ່ມວິຕາມິນເດດີຕໍ່ສຸຂະພາບ
error: Content is protected !!