ພາສາທີ່ມີໂອກາດໄດ້ວຽກເຮັດຫລາຍທີ່ສຸດໃນອັງກິດ ແລະ ທົ່ວໂລກ

- advert banner 728 90 728x90 - ພາສາທີ່ມີໂອກາດໄດ້ວຽກເຮັດຫລາຍທີ່ສຸດໃນອັງກິດ ແລະ ທົ່ວໂລກ

ໃນປະຈຸບັນນີ້, ເວົ້າກັນວ່າການຮຽນຮູ້ພຽງແຕ່ 2 ພາສາ ຄື ພາສາລາວ ແລະ ພາສາອັງກິດ ອາດບໍ່ພຽງພໍຕໍ່ການເຮັດວຽກໃນ ອະນາຄົດ ໂດຍສະເພາະຫລັງການເປີດປະຊາຄົມອາຊຽນ ຈຶ່ງຈຳເປັນຕ້ອງຮຽນຮູ້ພາສາທີ 3 ໄວ້ອີກ ເພື່ອອະນາຄົດຂອງເຮົາເອງ. ມື້ນີ້ພວກເຮົາມີຜົນສຳຫລວດໜ້າສົນໃຈຈາກທາງອັງກິດວ່າຜູ້ຈັດການບໍລິສັດຕ່າງໆແນະນຳໃຫ້ຮຽນພາສາຫຍັງມາຈັດເປັນ 10 ອັນດັບພາສາທີ່ມີໂອກາດໄດ້ວຽກເຮັດຫລາຍທີ່ສຸດໃນອັງກິດ.

- new3 - ພາສາທີ່ມີໂອກາດໄດ້ວຽກເຮັດຫລາຍທີ່ສຸດໃນອັງກິດ ແລະ ທົ່ວໂລກ
- lattana 1 - ພາສາທີ່ມີໂອກາດໄດ້ວຽກເຮັດຫລາຍທີ່ສຸດໃນອັງກິດ ແລະ ທົ່ວໂລກ
  1. Portuguese ປັອກຕຸຍການ : ເນື່ອງຈາກການຈະເລີນເຕີບໃຫຍ່ຂອງອາເມລິກາ ໂດຍສະເພາະເບຣຊິນ ທີ່ໄດ້ເປັນເຈົ້າພາບບານໂລກ 2014 ຕິດຕາມມາໂດຍໂອລິມປິກເກມ 2016 ຈຶ່ງເປັນໂອກາດອັນດີທີ່ເສດຖະກິດຈະຂະຫຍາຍໂຕ, ການຈ້າງງານ ແລະ ໂອກາດເຮັດວຽກຂອງຄົນເວົ້າພາສາ Portuguese ໄດ້ກໍຍ້ອມມີຫລາຍຂຶ້ນ.
  2. Japanese ພາສາຍີ່ປຸ່ນ : ໃນເມືອງລາວກໍມີຄົນຍີ່ປຸ່ນມາອາໄສຢູ່ຫລາຍ ລວມເຖິງບໍລິສັດຍີ່ປຸ່ນທ່ີມາລົງທຶນອີກນັບບໍ່ຖ້ວນ ການຮຽນພາສາຍີ່ປຸ່ນຈຶ່ງເປັນໂອກາດອັນດີໃຫ້ເຮົາໄດ້ມີວຽກເຮັດທັງໃນປະເທດ ແລະ ຕ່າງປະເທດ.
  3. Russian ພາສາຣັສເຊຍ : ຈາກຜົນສຳຫລວດຫລ້າສຸດພົບວ່າ ຣັສເຊຍເປັນປະເທດເສດຖະກິດທີ່ເປັນເປົ້າໝາຍຫລັກຂອງທາງອັງກິດ, ມີການຈະເລີນເຕີບໃຫຍ່ຂອງທ່າອ່ຽງການບໍລິໂພກພາຍໃນປະເທດທີ່ນຳເຂົ້າສິນຄ້າຈາກຕ່າງຊາດຫລາຍຂຶ້ນຢ່າງໄວວາ.
  4. Cantonese ພາສາຈີນກວາງຕຸ້ງ : ມີຄົນເວົ້າພາສາຈີນກາງເປັນພາແມ່ຫລາຍກ່ວາ 70 ລ້ານຄົນທົ່ວໂລກ ທັງຍັງເປັນພາສາລາຊະການຂອງທາງຮົງກົງເຊິ່ງໜ້າລົງທຶນ ແລະ ມີຄວາມຈະເລີນເຕີບໃຫຍ່ທາງເສດຖະກິດສູງຫລາຍໃນອາຊີ ການຮຽນຮູ້ພາສາຈີນຈຶ່ງຊ່ວຍໄດ້ເປັນຢ່າງດີ.
  5. Arabic ພາສາອາຣະບິກ : ແຫ່ລງເສດຖະກິດທີ່ສຳຄັນຂອງໂລກ ໜຶ່ງໃນນັ້ນແມ່ນຕາເວັນອອກກາງ ໂດຍສະເພາະປະເທດກາຕາທີ່ເສດຖີລ້ວນແຕ່ຂົນເງິນໄປລົງທຶນໃນຕ່າງປະເທດຢ່າງມະຫາສານ ການໄດ້ຮຽນຮູ້ພາສານີ້ປຽບດັ່ງກັບການເປີດໂລກທຸລະກິດໃຫ້ກ້ວາງຂຶ້ນ.
  6. Polish ພາສາໂປລິສ : ບັນດາຜູ້ຈັດການໃນອັງກິດປະມານ 19% ເຫັນກົງກັນວ່າປະເທດໂປແລນແມ່ນອີກປະເທດໜຶ່ງທີ່ມີອັດຕາການບໍລິໂພກເຕີບໃຫຍ່ ແລະ ສັ່ງນຳເຂົ້າສິນຄ້າຈາກອັງກິດສູງຫລາຍ. ໃນອະນາຄົດອາດຈະໄດ້ເຫັນຫຍັງທີ່ໜ້າສົນໃຈຈາກປະເທດນີ້ກໍເປັນໄດ້ ແລະ ຍັງມີຊາວຕ່າງຊາດທີ່ຮູ້ພາສານີ້ບໍ່ຫລາຍ.
  7. Mandarin ພາສາຈີນກາງ : ພາສາທີ່ມີຄົນເວົ້າກັນຫລາຍທີ່ສຸດໃນໂລກ ແລະ ຍັງເປັນພາສາລາຊະການຂອງປະເທດ ຈີນ ປະເທດທີ່ມີເສດຖະກິດໃຫຍ່ອັນດັບຕົ້ນຕໍຂອງໂລກ ເຊິ່ງຖືກຕີລາຄາວ່າຈະກ້າວຂຶ້ນເປັນຜູ້ນຳຂອງໂລກຍຸກໃໝ່ ໂດຍຈະເປັນ ເລື່ອງທີ່ດີທີ່ເຮົາຈະຝຶກຮຽນຮູ້ພາສານີ້ໄວ້.
  8. Spanish ພາສາແອດສະປາຍ : ນອກຈາກຈະໃຊ້ໃນປະເທດແອດສະປາຍແລ້ວ ຍັງຖືເປັນພາສາທີ່ໃຊ້ຫລາຍເປັນອັນດັບ 2 ຂອງໂລກ ໂດຍສະເພາະໃນທະວີບອາເມລິກາໃຕ້ ເຊິ່ງໄລຍະຫລັງມີການເຕີບໃຫຍ່ທາງເສດຖະກິດທີ່ໜ້າສົນໃຈ ໂດຍຜົນການສຳຫລວດກ່ວາ 37% ເຫັນກົງກັນວ່າພາສາແອດສະປາຍນີ້ຈຳເປັນຕໍ່ໂລກທຸລະກິດໃນອະນາຄົດ.
  9. French ພາສາຝຣັ່ງ : ເຖິງວ່າໄລຍະຫລັງຄວາມນິຍົມຂອງການຮຽນຮູ້ພາສາຝຣັ່ງຈະຫລຸດໜ້ອຍລົງ ແລະ ມີການເນັ້ນເປີດຫລັກສູດພາສາອັງກິດໃນປະເທດຝຣັ່ງຫລາຍຂຶ້ນ, ແຕ່ຫລ້າສຸດຜູ້ຈັດການບໍລິສັດກ່ວາ 49% ຢັ້ງຢືນວ່າພາສາຝຣັ່ງຈຳເປັນຕໍ່ບໍລິສັດຢ່າງຫລາຍ.
  10. German ພາສາເຢຍລະມັນ : ປະເທດເຢຍລະມັນມີຂະໜາດເສດຖະກິດໃຫຍ່ທີ່ສຸດໃນເອີຣົບ ພ້ອມກັບເຕັກໂນໂລຊີທີ່ໜ້າ ສົນໃຈມີຊື່ສຽງເປັນລະດັບໂລກ ຈຶ່ງບໍ່ແປກໃຈທີ່ບໍລິສັດອັງກິດລ້ວນແຕ່ຢາກຈະຈ້າງຄົນທີ່ຮູ້ຈັກພາສາເຢຍລະມັນເພື່ອເຂົ້າມາເຮັດ ວຽກນຳ ເພາະສາມາດຫາຜົນປະໂຫຍດຈາກປະເທດໃຫຍ່ນີ້ໄດ້.
error: Content is protected !!