ສປປ ເກົາຫລີ ຊ້ອມຮົບໂຈມຕີ ເກາະດ່ານໜ້າຂອງ ສ.ເກົາຫລີ

- advert banner 728 90 728x90 - ສປປ ເກົາຫລີ ຊ້ອມຮົບໂຈມຕີ ເກາະດ່ານໜ້າຂອງ ສ.ເກົາຫລີ

- upexuz1q - ສປປ ເກົາຫລີ ຊ້ອມຮົບໂຈມຕີ ເກາະດ່ານໜ້າຂອງ ສ.ເກົາຫລີ

- new3 - ສປປ ເກົາຫລີ ຊ້ອມຮົບໂຈມຕີ ເກາະດ່ານໜ້າຂອງ ສ.ເກົາຫລີ

ຜູ້ນຳ​ສູງ​ສຸດ​ຂອງ​ລັດຖະບານ​ພຽງ​ຢາງ​ຊົມ​ການ​ຊ້ອມ​ຮົບ​​ໂຈມ​ຕີ​ເກາະ​ດ່ານ​ໜ້າ​ຂອງ ສ.​ເກົາຫລີ 2 ​ເກາະ ທີ່​ຕັ້ງຢູ່​ໃກ້​ເສັ້ນ​ແບ່ງ​ຊາຍ​ແດນ​ໃນ​ທະ​ເລ​ເຫລືອງ ທ່າມກາງ​ບັນຍາກາດ​ເຄັ່ງ​ຕຶງ​ຄັ້ງ​ໃໝ່​ຢູ່​ແຫລມ​ເກົາຫລີ.

- NjpUs24nCQKx5e1BbCyFQJnqpSbmAovG35Q8MdeXsVB - ສປປ ເກົາຫລີ ຊ້ອມຮົບໂຈມຕີ ເກາະດ່ານໜ້າຂອງ ສ.ເກົາຫລີ

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນຫລວງ​ເຊ​ອຸນ ຂອງ ສ.​ເກົາຫລີ ​ໃນ​ວັນ​ທີ 26 ສິງຫາ​ວ່າ: ສຳນັກ​ຂ່າວ​ກາງ​ເກົາຫລີ (KCNA) ລາຍ​ງານ​ວ່າ​: ທ່ານ ກິມ ຈອງ​ອຶນ ຜູ້ນຳ​ສູງ​ສຸດ​ຂອງ ສປປ ​ເກົາຫລີ ລົງພື້ນທີ່​ສັງ​ເກດ​ການ​ການ​ເຝິກ​ຊ້ອມ​ຮົບ​ຄັ້ງຍິ່ງ​ໃຫຍ່​ຂອງ​ກອງທັບ​ປະຊາຊົນ​ເກົາຫລີ (KPA) ​ເຊິ່ງ​ເປັນ​ການ​ກຽມ​ຄວາມ​ພ້ອມ​ຂອງ​ທະຫານ​ໃນ​ການ​ໂຈ​ມຕີ​ເກາະ​ແບ​ງນາຍ​ອງ ​ແລະ ​ເກາະ​ຍອນ​ພະ​ຍອງ ​ໂດຍ​ເກາະ​ທັງ​ສອງ​ແຫ່ງ​ຕັ້ງຢູ່​ໃກ້​ກັບ​ເສັ້ນຈຳກັດ​ຕອນ​ເໜືອ (NLL) ທີ່​ສະຫະ​ປະຊາ​ຊາດ (UN) ​ໃຊ້​ແບ່ງ​ອານາ​ເຂດ​ຂອງ​ທະ​ເລ​ເຫລືອງ​ໃຫ້ ສປປ ​ເກົາຫລີ ​ແລະ ສ.​ເກົາຫລີ ​ແລະ ທັງ​ສອງ​ປະ​ເທດ​ຍຶດ​ເປັນ​ເສັ້ນ​ແບ່ງ​ຊາຍ​ແດນ​ທາງ​ທະ​ເລ​ຈົນ​ເຖິງ​ປັດຈຸບັນ.

- lattana 1 - ສປປ ເກົາຫລີ ຊ້ອມຮົບໂຈມຕີ ເກາະດ່ານໜ້າຂອງ ສ.ເກົາຫລີ

- NjpUs24nCQKx5e1BbCyFQJnqpSbmAo05n0svxV0l3ax - ສປປ ເກົາຫລີ ຊ້ອມຮົບໂຈມຕີ ເກາະດ່ານໜ້າຂອງ ສ.ເກົາຫລີ

ທັງ​ນີ້, ລາຍ​ງານ​ດັ່ງກ່າວ​ຂອງ KCNA ​ເກີດ​ຂຶ້ນ​ໃນ​ເວລາ​ດຽວ​ກັບ ສປປ ​ເກົາຫລີ ຍິງ​ລູກ​ສອນ​ໄຟ​ໄລຍະ​ໃກ້ 3 ລູກ ອອກ​ຈາກ​ແຂວງ​ຄັງ​ວອນ ​ໃນ​ພາກ​ຕາ​ເວັນ​ອອກ​ຂອງ​ປະ​ເທດ ​ໃນ​ຕອນ​ຮຸ່ງ​ເຊົ້າຂອງ​ວັນ​ທີ 26 ສິງຫາ​ຕາມ​ເວລາ​ທ້ອງ​ຖິ່ນ ​ໂດຍ​ລູກ​ສອນ​ໄຟ​ເດີນທາງ​ມຸ່ງ​ໄປ​ທາງ​ທິດຕາ​ເວັນ​ອອກສຽງ​ເໜືອ​ເປັນ​ໄລຍະ​ທາງ​ປະມານ 250 ກິ​ໂລ​ແມັດ ກ່ອນ​ຕົກລົງ​ໃນ​ທະ​ເລ​ຍີ່ປຸ່ນ ​ເຊິ່ງການ​ເຄື່ອນ​ໄຫວ​ນີ້​ເກີດ​ຂຶ້ນ​ໃນ​ໄລຍະ​ທີ່​ກອງ​ທັບ ສ.​ເກົາຫລີ ​ແລະ ອາ​ເມ​ລິ​ກາ​ຢູ່​ໃນ​ໄລຍະ​ຊ້ອມ​ຮົບ​ປະຈຳ​ຮ່ວມ​ກັນ ທີ່​ຈະ​ສິ້ນສຸດ​ໃນ​ວັນ​ທີ 31 ສິງຫາ​ນີ້ ​ແລະ ທ່ານ ​ເຣັກ ທິວ​ເລີ​ສັນ ລັດຖະມົນຕີ​ການ​ຕ່າງປະ​ເທດ​ອາ​ເມ​ລິ​ກາ ຫາ​ກໍ​ກ່າວ​ໃນຕົ້ນອາທິດ​ວ່າ: ລັດຖະບານ​ພຽງ​ຢາງ​ມີ​ທ່າ​ທີ​​ເຢັນຂຶ້ນ ​ເນື່ອງຈາກ​ຍັງ​ບໍ່​ມີ​ການ​ຍິງ​ລູກ​ສອນ​ໄຟ​ອີກ ຫລັງ​ທົດ​ລອງ​ລູກ​ສອນ​ໄຟ​ຂ້າມ​ທະ​ວີ​ບ (ICBM) 2 ຄັ້ງ​ໃນ​ເດືອນ​ຜ່ານ​ມາ.

- NjpUs24nCQKx5e1BbCyFQJnqpSbmAowcdPbSHVlyo52 - ສປປ ເກົາຫລີ ຊ້ອມຮົບໂຈມຕີ ເກາະດ່ານໜ້າຂອງ ສ.ເກົາຫລີ

error: Content is protected !!