ໄຊຍະບູລີມີຜູ້ຕິດເຊື້ອໄຂ້ຍຸງລາຍສູງເຖິງ 150 ກໍລະນີ

- advert banner 728 90 728x90 - ໄຊຍະບູລີມີຜູ້ຕິດເຊື້ອໄຂ້ຍຸງລາຍສູງເຖິງ 150 ກໍລະນີ

ສາທາລະນາແຂວງໄຊຍະບູລີ ໄດ້ລາຍງານໃຫ້ຮູ້ວ່າ: ປັດຈຸບັນຢູ່ທົ່ວແຂວງມີຜູ້ຕິດເຊື້ອໄຂ້ຍຸງລາຍສູງເຖິງ 150 ກໍລະນີແລ້ວ, ສ່ວນຫລາຍຢູ່ເມືອງໄຊຍະບູລີ, ປາກລາຍ, ເມືອງພຽງ, ທົ່ງມີໄຊ ແລະ ເມືອງຄອບ ໃນຈໍານວນ 36 ບ້ານ, ສະເພາະກຸ່ມທີ່ພົບຫລາຍກວ່າໝູ່ແມ່ນອາຍຸລະຫວ່າງ 15-45 ປີ.

- new3 - ໄຊຍະບູລີມີຜູ້ຕິດເຊື້ອໄຂ້ຍຸງລາຍສູງເຖິງ 150 ກໍລະນີ

ຫົວໜ້າພະແນກສາທາລະນະສຸກແຂວງ ກ່າວວ່າ: ຜ່ານມາແຂວງໄຊຍະບູລີ ກໍໄດ້ມີການລະບາດຂອງໄຂ້ຍຸງລາຍມາແລ້ວໃນປີ 1997 ແຕ່ຮ້າຍແຮງກວ່າໝູ່ແມ່ນປີ 2013 ມີເຖິງ 1.661 ກໍລະນີ ແລະ ມີຜູ້ເສຍຊີວິດ 1 ຄົນ. ການລະບາດໃນປີນີ້ຮ້າຍແຮງກວ່າໝູ່ແມ່ນຢູ່ເມືອງປາກລາຍມີ 25 ບ້ານ, ຮອງລົງມາແມ່ນເມືອງໄຊຍະບູລີມີ 7 ບ້ານ, ສາເຫດທີ່ພາໃຫ້ເກີດການແຜ່ລະບາດໄຂ້ຍຸງລາຍປີນີ້, ຍ້ອນວ່າການປ້ອງກັນຍັງເຮັດບໍ່ທັນໄດ້ດີ, ການປະກອບສ່ວນການເປັນເຈົ້າການຂອງຊຸມຊົນຍັງມີໜ້ອຍ, ເຊິ່ງສະແດງອອກໃນການສໍາຫລວດໜອນນໍ້າຕາມເຮືອນປະຊາຊົນແມ່ນສູງ ແລະ ມີຄວາມສ່ຽງ 5% ອີກດ້ານໜຶ່ງແມ່ນການເຄື່ອນໄຫວຄວບຄຸມ ແລະ ປ້ອງກັນໄຂ້ຍຸງລາຍຂອງວິຊາການຍັງບໍ່ທັນເອົາໃຈໃສ່ເຮັດຢ່າງຈິງຈັງ ຈຶ່ງພາໃຫ້ເກີດການລະບາດຂອງໄຂ້ຍຸງລາຍຫລາຍຂຶ້ນ.

- lattana 1 - ໄຊຍະບູລີມີຜູ້ຕິດເຊື້ອໄຂ້ຍຸງລາຍສູງເຖິງ 150 ກໍລະນີ
error: Content is protected !!