ເພື່ອຄວາມໂປ່ງໃສ! ການເງິນເມືອງຈັນທະບູລີ ຫັນການຄຸ້ມຄອງເກັບລາຍຮັບເຂົ້າງົບປະມານຜ່ານລະບົບເອເລັກໂຕຣນິກ

- advert banner 728 90 728x90 - ເພື່ອຄວາມໂປ່ງໃສ! ການເງິນເມືອງຈັນທະບູລີ ຫັນການຄຸ້ມຄອງເກັບລາຍຮັບເຂົ້າງົບປະມານຜ່ານລະບົບເອເລັກໂຕຣນິກ

ໂດຍ: ກະຊວງການເງິນ

- new3 - ເພື່ອຄວາມໂປ່ງໃສ! ການເງິນເມືອງຈັນທະບູລີ ຫັນການຄຸ້ມຄອງເກັບລາຍຮັບເຂົ້າງົບປະມານຜ່ານລະບົບເອເລັກໂຕຣນິກ

ເພື່ອຄວາມໂປງໃສ!  ສາມາດກວດສອບໄດ້ການຈັດຕັ້ງປະຕິບັດໜ້າທີ່ວິຊາສະເພາະຂອງພະນັກງານຂະແໜງການເງິນ, ຫ້ອງການ-ການເງິນເມືອງຈັນທະບູລີ,​ ຈິ່ງໄດ້ເປີດນຳໃຊ້ການເກັບລາຍຮັບສ່ວຍສາອາກອນດ້ວຍລະບົບເອເລັກໂຕຣນິກ ແລະ ການມອບອາກອນຜ່ານປ່ອງບໍລິການ, ATM ແລະ ຜ່ານລະບົບ Mobile Banking ຂອງທະນາຄານພັດທະນາລາວ.

ທ່ານ ນາງ ໄຊສົມບັດ ວົງພັກດີ ຫົວໜ້າຫ້ອງການ-ການເງິນເມືອງຈັນທະບູລີ  ໄດ້ລາຍງານໃນພິທີເປີດການຄຸ້ມຄອງ ນໍາໃຊ້ການເກັບລາຍຮັບສ່ວຍສາອາກອນດ້ວຍລະບົບເອເລັກໂຕຣນິກ ແລະ ການມອບອາກອນຜ່ານລະບົບທະນາຄານ ໃນວັນທີ 24 ສິງຫານີ້, ທີ່ຫ້ອງການ-ການເງິນເມືອງຈັນທະບູລີວ່າ: ເມືອງຈັນທະບູລີ ເປັນເມືອງທໍາອິດຂອງນະຄອນຫລວງວຽງຈັນ ທີ່ໄດ້ມີການເປີດນໍາໃຊ້ການຄຸ້ມຄອງຈັດເກັບລາຍຮັບສ່ວຍສາອາກອນດ້ວຍລະບົບເອເລັກໂຕຣນິກ ແລະ ການມອບລາຍຮັບສ່ວຍສາອາ ກອນຜ່ານລະບົບທະນາຄານ, ລະບົບດັ່ງກ່າວເອີ້ນວ່າ GFIS ເຊິ່ງໄດ້ມີການເລີ່ມທົດລອງນໍາໃຊ້ທຳອິດທີ່ຕະຫລາດເຊົ້າຊ໊ອບປີງມໍ ໃນເດືອນມີນາ 2012, ຕໍ່ມາໃນເດືອນເມສາ 2012, ໂດຍພະແນກສ່ວຍສາອາກອນໄດ້ນຳໃຊ້ລະບົບດັ່ງກ່າວເຂົ້າໃນການຄຸ້ມຄອງວິສາຫະກິດທີ່ຂຶ້ນກັບການຄຸ້ມຄອງ, ອອກທະບຽນອາກອນຢູ່ນະຄອນຫລວງວຽງຈັນ (ບໍ່ລວມເອົາຂັ້ນເມືອງ) ຊຶ່ງໄດ້ຮັບຜົນສຳເລັດເປັນທີ່ຮຽບຮ້ອຍທີ່ໜ້າພໍ່ໃຈ: ເຮັດໃຫ້ສອງຂະແໜງການຄື: ສ່ວຍສາອາກອນ ແລະ ຄັງເງິນປະຈຳນະຄອນຫລວງ ສາມາດໄລ່ລຽງລາຍຮັບໄດ້ທັນທີ ແລະ ມີການກວດກາເຊິ່ງກັນ ແລະ ກັນ ສຳລັບເມືອງຈັນທະບູລີເປັນເມືອງທຳອິດໄດ້ຖືກຄັດເລືອກເປັນເມືອງທົດລອງ ນໍາໃຊ້ລະບົບດັ່ງກ່າວເຮັດໃຫ້ການຄຸ້ມຄອງເກັບລາຍຮັບດັ່ງກ່າວ.

ທ່ານ ຫົວໜ້າຫ້ອງການ-ການເງິນເມືອງຈັນທະບູລີ ໃຫ້ຮູ້ອີກວ່າ: ການຄຸ້ມຄອງເກັບລາຍຮັບສ່ວຍສາອາ ກອນດ້ວຍລະບົບເອເລັກໂຕຣນິກຈະຊ່ວຍໃຫ້ການສະຫລຸບລາຍງານສະດວກສະບາຍ, ການສ້າງແຜນລາຍງານມີຄວາມຊັດເຈນ,ທີ່ສໍາຄັນຊ່ວຍປັບປຸງແຜນວິທີເຮັດວຽກເພີ່ມປະສິດທິພາບໃນການຄຸ້ມຄອງເກັບລາຍຮັບໃຫ້ມີປະ ສິດທິພາບ, ມີຄວາມໂປ່ງໃສ, ຍຸຕິທຳ ແລະ ສາມາດກວດສອບໄດ້ລະຫວ່າງໜ່ວຍງານສ່ວຍສາອາກອນ, ຄັງເງິນແຫ່ງຊາດປະຈໍາເມືອງ, ນອກຈາກນີ້ຍັງສາມາດກວດກາລາຍຮັບໄດ້ເປັນນາທີຕໍ່ນາທີ ແລະ ການສະຫລຸບລາຍງານຂັ້ນເທິງໄດ້ສະດວກວ່ອງໄວກວ່າເກົ່າ.

- lattana 1 - ເພື່ອຄວາມໂປ່ງໃສ! ການເງິນເມືອງຈັນທະບູລີ ຫັນການຄຸ້ມຄອງເກັບລາຍຮັບເຂົ້າງົບປະມານຜ່ານລະບົບເອເລັກໂຕຣນິກ

ພ້ອມດຽວກັນນັ້ນ, ລະບົບດັ່ງກ່າວຍັງສ້າງຄວາມສະດວກໃຫ້ຜູ້ປະກອບການສາມາດໂອນເງິນ, ມອບເງິນ ສົດເຂົ້າບັນຊີທະນາຄານທຸລະກິດທີ່ຄັງເງິນແຫ່ງຊາດປະຈໍາເມືອງເປີດໄວ້ໂດຍບໍ່ຈໍາເປັນຕ້ອງເອົາເງິນສົດມາມອບຢູ່ຄັງເງິນແຫ່ງຊາດປະຈໍາເມືອງ ແລະ ຖ້າຜູ້ປະກອບການທີ່ນອນຢູ່ໃນລະບົບຖືບັນຊີຫາກມີຄວາມຕ້ອງການ ພ້ອມຈະນໍາໃຊ້ເຄື່ອງມື (ລະບົບດັ່ງກ່າວນີ້) ທາງສະຖາບັນໄອທີ, ກະຊວງການເງິນ ແລະ ກົມສ່ວຍສາອາກອນສາມາດ ລົງຕິດຕັ້ງລະບົບຄຸ້ມຄອງອາກອນໃຫ້ນໍາໃຊ້ຢຸ່ກັບບໍລິສັດ-ຫ້າງຮ້ານຂອງຜູ້ປະກອບການສາມາດສ້າງໃບຈ້າງຢູ່ຫົວໜ່ວຍທຸລະກິດ ແລະ ມອບພັນທະຜ່ານທາງລະບົບທະນາຄານໄດ້ເລີຍ ໂດຍບໍ່ຈໍາເປັນເຂົ້າມາຫາໜ່ວຍງານສ່ວຍສາອາກອນອີກ ຫລື ໂອນຜ່ານບັນຊີທະນາຄານກໍ່ຖືໄດ້ປະຕິບັດພັນທະຄົບຖ້ວນ ແລະຖືກຕ້ອງແລ້ວ (ສ່ວນຕົວເລກພັນທະອາກອນ ແມ່ນທະນາຄານກັບຄັງເງິນແຫ່ງຊາດຈະປະສານເອົາຕົວເລັກດັ່ງກ່າວ, ສ່ວນໃບຮັບເງິນແມ່ນຖືເອົາ “ໃບແຈ້ງມີ” ຂອງທະນະຄານເລີໂດຍບໍ່ໄດ້ມາຂຽນໃບຮັບເງິນຈາກຄັງເງິນແຫ່ງຊາດຕື່ມອີກ).

ນອກຈາກນັ້ນ, ການກວດກາໜີ້ຄ້າງມອບ ແລະ ຫົວໜ່ວຍທີ່ມາມອບແຕ່ລະປະເພດອາກອນແມ່ນສາມາດເຫັນໄດ້ໃນແຕ່ລະມື້, ອາທິດ, ເດືອນ ແລະ ໝົດປີການຄຸ້ມເກັບລາຍຮັບດ້ວຍລະບົບ GFIS ສາມາດຄຸ້ມຄອງຕິດຕາມການເກັບລາຍຮັບສ່ວຍສາອາກອນໄດ້ທຸກແຫລ່ງລາຍຮັບ, ມີຄວາມໂປ່ງໃສ, ຍຸຕິທໍາ. ນອກຈາກນີ້, ຍັງສາມາດກວດສອບໄດ້ໃນການຈັດຕັ້ງປະຕິບັດໜ້າທີ່ວິຊາສະເພາະຂອງພະນັກງານຂະແໜງການເງິນໃຫ້ໂປງໃສ, ເກັບ ກໍາຂໍ້ມູນກໍ່ມີຄວາມປອດໄພ ແລະ ຊັດເຈນຮັບປະກັນການຕົກເຮ່ຍເສຍຫາຍຂອງລາຍຮັບງົບປະມານແຫ່ງລັດ. ສ່ວນການເປີດນໍາໃຊ້ການເກັບລາຍຮັບສ່ວຍສາອາກອນດ້ວຍລະບົບເອເລັກໂຕຣນິກ ແລະ ການມອບອາກອນຜ່ານລະບົບທະນາ ຄານ, ຈະໄດ້ເລີ່ມຈັດຕັ້ງປະຕິບັດນັບແຕ່ວັນທີ 1 ກັນຍາ 2017 ເປັນຕົ້ນໄປໃຫ້ທຸກພື້ນຖານທຸລະກິດທີ່ຂຶ້ນທະບຽນອາກອນນຳໜ່ວຍງານສ່ວຍສາອາກອນປະຈຳເມືອງຈັນທະບູລີທີ່ມອບອາກອນລະບົບມອບເໝົາ, ມອບອາກອນຕາມລາຍຮັບຕົວຈິງ,​ ເສຍພາສີທີ່ດິນ, ອາກອນຂັ້ນບ້ານຄຸ້ມຄອງເກັບ ແລະ ລາຍຮັບວິຊາການ, ຄ່າທຳນຽມຕ່າງໆ ແລະ ຄ່າບໍລິການໃຫ້ເລີ່ມຈັດຕັ້ງປະຕິບັດ ແລະ ການນຳໃຊ້ລະບົບດັ່ງກ່າວເພື່ອເຮັດໃຫ້ການເກັບລາຍຮັບຈາກສ່ວຍສາອາກອນມີຄວາມຊັດເຈນ, ຖືກຕ້ອງເກັບລາຍຮັບຕົວຈິງຂອງຜູ້ປະກອບການ ແລະ ມີຄວາມສະດວກສະບາຍໃນການມອບພັນທະອາກອນປະເພດຕ່າງໆຕາມກຳນົດເວລາ ແລະ ສາມາດກວດກາໄດ້ລະຫວ່າງຄັງເງິນປະຈຳເມືອງ, ທະນາຄານ ແລະ ສ່ວຍສາອາກອນ.

ສຳລັບການຈັດຕັ້ງປະຕິບັດຈັດເກັບລາຍຮັບເຂົ້າງົບປະມານແຫ່ງລັດປີ 2017 ຫ້ອງການ-ການເງິນເມືອງຈັນທະບູລີ ໄດ້ຕົວເລກມອບໝາຍຈາກພະແນກການເງິນ ນວ ທັງໝົດ 69,9 ຕື້ກວ່າກີບໃນນັ້ນ, ລາຍຮັບຈາກສ່ວຍສາອາກອນ 69,4 ຕື້ກວ່າກີບ, ລາຍຮັບຈາກໜ່ວຍງານຊັບສິນຂອງລັດ 480 ລ້ານກີບ ໂດຍໄດ້ແບ່ງອອກເປັນ 4 ງວດຄື: ງວດທີ 1 ນັບແຕ່ເດືອນ 1-3/2017, ງວດທີ 2 ແຕ່ເດືອນ 4-6/2017, ງວດ 3 ແຕ່ເດືອນ 7-9/2017 ແລະ ງວດ 4 ແຕ່ເດືອນ 10-12/2017.

error: Content is protected !!