ຄະນະກໍາມະການສັນຕິພາບ ແລະ ສາມັກຄີລາວສໍາເລັດການຢ້ຽມຢາມ ສສ.ຫວຽດນາມ

- advert banner 728 90 728x90 - ຄະນະກໍາມະການສັນຕິພາບ ແລະ ສາມັກຄີລາວສໍາເລັດການຢ້ຽມຢາມ ສສ.ຫວຽດນາມ

ໃນລະຫວ່າງວັນທີ 21-23 ສິງຫານີ້, ທ່ານ ສົມພັນ ແພງຄໍາມີ ຮອງປະທານສະພາແຫ່ງຊາດ, ປະທານຄະນະກໍາມະການສັນຕິພາບ ແລະ ສາມັກຄີລາວ ພ້ອມຄະນະໄດ້ດໍາເນີນການາຢ້ຽມຢາມ ສສ.ຫວຽດນາມຢ່າງເປັນທາງການ ແລະ ໄດ້ເຂົ້າຢ້ຽມຂໍ່ານັບທ່ານນາງ ຫງວຽນ ທິກິມເງິນ ປະທານສະພາແຫ່ງຊາດ ສສ.ຫວຽດນາມ ແລະ ທ່ານໄດ້ຕີລາຄາສູງຕໍ່ບົດບາດ ແລະ ການເຄື່ອນໄຫວມິດຕະພາບ, ການຮ່ວມມືລະຫວ່າງບັນດາອົງການຈັດຕັ້ງ, ປະຊາຊົນສອງປະເທດໃນໄລຍະຜ່ານມາແມ່ນມີຄວາມໝາຍສໍາຄັນ ແລະ ສາມາດປະກອບສ່ວນຢ່າງແທ້ຈິງເຂົ້າໃນການເສີມຂະຫຍາຍສາຍພົວພັນທີ່ເປັນມູນເຊື້ອຂອງສອງປະເທດຫວຽດນາມ-ລາວ, ຊຶ່ງຍາມໃດການນໍາສອງຝ່າຍກໍສະໜັບສະໜູນ ແລະ ສ້າງທຸກເງື່ອນໄຂສະດວກ ເພື່ອໃຫ້ບັນດາອົງການຈັດຕັ້ງ ແລະ ປະຊາຊົນສອງປະເທດໄດ້ມີການຮ່ວມມືຊ່ວຍເຫລືອເຊິ່ງກັນ ແລະ ກັນຕະຫລອດມາ.

ໃນໂອກາດນີ້, ທ່ານ ສົມພັນ ແພງຄໍາມີ ກໍໄດ້ພົບປະທ່ານ ອວງຈູລືວ ຮອງປະທານສະພາແຫ່ງຊາດຫວຽດນາມ, ປະທານຄະນະກໍາມະການສັນຕິພາບຫວຽດນາມ, ເຊິ່ງສອງຝ່າຍເຫັນດີ ສືບຕໍ່ເພີ່ມທະວີການຮ່ວມມືຂອງສອງຄະນະກໍາມະການໃນການເຄື່ອນໄຫວຕ່າງໆ ເຊັ່ນ: ແລກປ່ຽນຄະນະຜູ້ແທນຂັ້ນສູງ, ເພີ່ມທະວີການປະສານສົມທົບ ແລະ ສະໜັບສະໜູນກັນໃນການເຄື່ອນໄຫວຕ່າງໆໃນເວທີພາກພື້ນ ແລະ ສາກົນ, ແລກປ່ຽນຂໍ້ມູນຂ່າວສານກ່ຽວກັບສະພາບການ ແລະ ການເຄື່ອນໄຫວຂອງແຕ່ລະຝ່າຍ, ບັນດາບົດຮຽນວິຊາສະເພາະກ່ຽວຂ້ອງອື່ນໆ, ພ້ອມນັ້ນສອງຝ່າຍຍັງເປັນເອກະພາບໃນການປະສານສົມທົບກັນຈັດຕັ້ງການເຄື່ອນໄຫວແນະນໍາກ່ຽວກັບວັດທະນາທໍາ, ສະຖານທີ່ທ່ອງທ່ຽວຊຶ່ງກັນ ແລະ ກັນ ເພື່ອແນໃສ່ໂຄສະນາ, ສຶກສາກ່ຽວກັບຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງຫວຽດນາມ ແລະ ລາວ ໃຫ້ແກ່ປະຊາຊົນສອງປະເທດ ໂດຍສະເພາະແມ່ນຄົນຮຸ້ນໃໝ່ໃຫ້ເຂົ້າໃຈ ແລະ ສືບຕໍ່ປົກປັກຮັກສາໃຫ້ໝັ້ນຄົງຍືນຍົງ.

- 1 1 - ຄະນະກໍາມະການສັນຕິພາບ ແລະ ສາມັກຄີລາວສໍາເລັດການຢ້ຽມຢາມ ສສ.ຫວຽດນາມ
- Tiger Head 728x90 - ຄະນະກໍາມະການສັນຕິພາບ ແລະ ສາມັກຄີລາວສໍາເລັດການຢ້ຽມຢາມ ສສ.ຫວຽດນາມ

ຈາກນັ້ນ, ຄະນະຜູ້ແທນລາວ ໄດ້ພົບປະຢ້ຽມຢາມສະຫາຍ ໂດນຕອງຟອງ ຮອງປະທານຜູ້ຮັບພິຊອບສະຫະພັນບັນດາອົງການຈັດຕັ້ງມິດຕະພາບຫວຽດນາມອີກດ້ວຍ.

error: Content is protected !!