ໄຕມາດ 3 ຂອງປີ 2022 ແຂວງບໍ່ແກ້ວຢຶດຢາບ້າໄດ້ ຢາບ້າໄດ້ 176,5 ລ້ານເມັດພ້ອມສິ່ງຜິດກົດໝາຍອີກຫລາຍລາຍການ
ພັທ ອິນວົງ ວັນນະຈອມຈັນ ຫົວໜ້າຫ້ອງຕໍາຫຼວດ ປກສ ແຂວງບໍ່ແກ້ວ ໃຫ້ສໍາພາດໃນວັນທີ 8 ພະຈິກ 2022ຜ່ານມາວ່າ: ນັບແຕ່ເດືອນສິງຫາ 2021 ເປັນຕົ້ນມາ, ເຈົ້າໜ້າທີ່ຫ້ອງຕໍາຫຼວດ ສຸມໃສ່ແກ້ໄຂບັນຫາຢາເສບຕິດໂດຍການສະກັດກັ້ນ, ເລິກຮື້-ມ້າງກຸ່ມເປົ້າໝາຍທີ່ມີການພົວພັນ-ຂົນສົ່ງຢາເສບຕິດສາມາດມ້າງຄະດີໄດ້ທັງໝົດ 318 ເລື່ອງ ກັກຕົວຜູ້ຖືກຫາໄດ້ 441 ຄົນ ຍິງ 76 ຄົນ ແລະ ຄົນຕ່າງປະເທດ ຈໍານວນ 35 ຄົນ ຍິງ 5 ຄົນ.
ຢຶດຂອງກາງ
– ຢາບ້າໄດ້ 176.506.125 ເມັດ
– ຢາໄອສ໌ ຈໍານວນ 2.681 ກິໂລກຣາມ.
– ເຮໂລອິນ 2 ກິໂລກຣາມ
– ເຄຕາມິນ 66 ກິໂລກຣາມ,
– ແປ້ງຝຸ່ນ 289 ເປົາ
– ໂຄເຄນ 47,6 ກຣາມ
– ຄາເຟອິນ 168 ກຣາມ
– ຢາຝິ່ນ 6,64 ກຣາມ
ພ້ອມຊັບສິນອື່ນໆເຊັ່ນ ເງິນກີບຈຳນວນ 258.341.000 ກີບ, ເງິນບາດ 4.120.655 ບາດ, ອາວຸດ ປືນສັ້ນ 4 ກະບອກ, ປືນແກ໋ບ 16 ກະບອກ, ປືນເຊກາເຊ 1 ກະບອກ, ລູກປືນ 87 ລູກ, ລົດໃຫຍ່ 13 ຄັນ, ລົດຈັກ 23 ຄັນ, ອາຍັດດິນພ້ອມເຮືອນ 18 ຫຼັງ, ລົງທຳລາຍສວນຝິ່ນໄດ້ 78,2 ເຮັກຕາ.
