ຕື່ນນອນ 5:00 ໂມງເຊົ້າດີຕໍ່ຮ່າງກາຍ ແລະ ສະໝອງ

- advert banner 728 90 728x90 - ຕື່ນນອນ 5:00 ໂມງເຊົ້າດີຕໍ່ຮ່າງກາຍ ແລະ ສະໝອງ

ຕໍ່ໄປນີ້ແມ່ນປະໂຫຍດດີໆຈາກການຕື່ນນອນໃນເວລາ 5:00 ໂມງເຊົ້າ ທີ່ຈະເຮັດໃຫ້ຮ່າງກາຍ ແລະ ສະໝອງຂອງທ່ານມີປະສິດທິພາບຫລາຍຂຶ້ນ.

– ຕື່ນນອນໄວຊ່ວຍຫລຸດຂໍ້ຜິດພາດໃນການໃຊ້ຊີວິດ : ນັກທຸລະກິດທີ່ປະສົບຄວາມສຳເລັດມັກຈະຮູ້ດີວ່າລະບົບຮ່າງກາຍຂອງເຮົາຈະເຮັດວຽກໄດ້ດີ ແລະ ເຕັມທີ່ທີ່ສຸດໃນເວລາ 5:00 ໂມງເຊົ້າ ເຊິ່ງບາງຄົນອາດຈະໃຊ້ເວລານີ້ໄປກັບການແລ່ນອອກກຳລັງກາຍ ຫລື ເຂົ້າສູນອອກກຳລັງກາຍ ເຊິ່ງໃນໄລຍະເວລາດັ່ງກ່າວຈະຊ່ວຍໃຫ້ຮ່າງກາຍເຮັດວຽກໄດ້ດີ ແລະ ສະໝອງກໍຖືກອອກກຳລັງກາຍໄປນຳ ຖ້າທ່ານຢາກປະສົບຄວາມສຳເລັດໃນອາຊີບ ລອງຕື່ນນອນຕອນເຊົ້າແລ້ວໄປອອກກຳລັງກາຍເບິ່ງ ແລະ ເມື່ອທ່ານຕື່ນນອນແຕ່ເຊົ້າເປັນກິດຈະວັດແລ້ວ ທ່ານຈະພົບວ່າທ່ານຈະບໍ່ຄ່ອຍໃຊ້ຊີວິດຜິດພາດຫລາຍຄືແຕ່ກ່ອນ.

– ທ່ານມີເວລາເຖິງ 2 ຊົ່ວໂມງທີ່ຈະເຮັດໃຫ້ຊີວິດຂອງທ່ານດີຂຶ້ນ : ຈາກຕາຕະລາງເວລາຂອງທ່ານ ທ່ານມີເວລາອີກ 2 ຊົ່ວ ໂມງຫລັງຈາກອອກກຳລັງກາຍໃນຕອນເຊົ້າ ແລະ ຫລາຍຄົນກໍເລືອກທີ່ຈະງົດໃຊ້ໂທລະສັບ ຫລື ອິນເຕີເນັດໃນໄລຍະເວລານີ້ນຳ ເພາະໄລຍະເວລາ 2 ຊົ່ວໂມງນັ້ນແມ່ນເວລາພັກຜ່ອນລະວ່າງມື້ຂອງທ່ານ ຈາກວຽກງານວິໄຈພົບວ່າທ່ານບໍ່ຄວນໃຫ້ມີສິ່ງໃດມາ ລົບກວນໃນເວລານັ້ນ ເພື່ອທີ່ສະໝອງຂອງເຮົາຈະເຮັດວຽກໄດ້ຢ່າງມີປະສິດທິພາບໃນລະຫວ່າງມື້.

- 1 1 - ຕື່ນນອນ 5:00 ໂມງເຊົ້າດີຕໍ່ຮ່າງກາຍ ແລະ ສະໝອງ
- lattana 1 - ຕື່ນນອນ 5:00 ໂມງເຊົ້າດີຕໍ່ຮ່າງກາຍ ແລະ ສະໝອງ

– ຫາກຢາກຈະຟື້ນຟູສະພາບຮ່າງກາຍ ແລະ ຈິດໃຈທີ່ອິດເມື່ອຍອ່ອນເພຍ ລອງເຮັດຕາມຕາຕະລາງຕໍ່ໄປນີ້ :

  1. ທ່ານຄວນຕັ້ງໂມງປຸກໃນເວລາ 04:55 ໂມງ ຕັ້ງເຜື່ອໄວ້ 5 ນາທີ ເພື່ອທີ່ຈະໄດ້ບັງຄັບໂຕເອງໃຫ້ລຸກອອກຈາກຕຽງ ຫລື ໃຊ້ເວລາ 5 ນາທີນັ້ນເພື່ອບິດຄີງ ແລະ ກຽມໂຕຕື່ນນອນ ໂດຍເລີ່ມເກັບເຄື່ອງຂອງໄປອອກກຳລັງກາຍ ແລະ ກຽມນຳ້ດື່ມໃຫ້ຮຽບຮ້ອຍ ເຊິ່ງທ່ານຄວນຈະຮອດບ່ອນອອກກຳລັງກາຍໃນເວລາ 05:10 – 05:15 ໂມງ. ຫລັງຈາກນັ້ນກໍໃຊ້ເວລາທີ່ເຫລືອອອກກຳລັງກາຍໃຫ້ເຕັມທີ່ ສິ່ງສຳຄັນທ່ານຄວນຈະຮູ້ແຜນການ, ລຳດັບກ່ອນຫລັງໃຫ້ດີ ເພື່ອບໍ່ໃຫ້ເສຍເວລາໄປກັບການ ອອກກຳລັງກາຍຫລາຍເກີນໄປ.
  2. ກ່ອນ 7:00 ໂມງເຊົ້າ ທ່ານຕ້ອງກັບມາເຮືອນ ແລະ ກະກຽມກິນເຂົ້າເຊົ້າ ພ້ອມທັງວາງແຜນການກ່ອນຈະໄປເຮັດວຽກ ບໍ່ວ່າຈະແມ່ນກວດເຊັກອີເມວ ຫລື ລອງຄິດໄອເດຍໃໝ່ໆເພື່ອມາປັບວຽກຂອງໂຕເອງ ບາງເທື່ອກໍຂຽນ ຫລື ອ່ານສິ່ງທີ່ຕ້ອງເຮັດໄປ ນຳເພື່ອກຽມລາຍລະອຽດຫາກມື້ໃດຈະມີການປະຊຸມ.
  3. ແລະ ໄລຍະເວລາທີ່ວຸ່ນວາຍກຳລັງຈະມາເຖິງແມ່ນເວລາ 8:00 – 9:00 ໂມງ ເພາະມັນເປັນໄລຍະເວລາທີ່ທ່ານອາດຈະ ຖືກລົບກວນຈາກການໂທເຂົ້າມາຈາກລູກຄ້າ ຫລື ແມ່ນແຕ່ລູກນ້ອງຂອງທ່ານເອງ ເຊິ່ງລອງຄິດເບິ່ງວ່າຫາກທ່ານນອນໃນເວລານີ້ ທ່ານອາດຈະບໍ່ທັນໄດ້ກຽມໂຕເຮັດຫຍັງເລີຍ. ການຕື່ນນອນແຕ່ເຊົ້າຈະຊ່ວຍໃຫ້ທ່ານມີເວລາເຮັດໃຫ້ສຸຂະພາບແຂງແຮງ ແລະ ເພີ່ມປະສິດທິພາບໃນການເຮັດວຽກໄດ້ແນ່ນອນ.
error: Content is protected !!