ປະທານທະນາຄານ-ນັກທຸລະກິດ ຫວຽດນາມ 50 ກວ່າຄົນຂຶ້ນສານຂໍ້ຫາສໍ້ໂກງ

- advert banner 728 90 728x90 - ປະທານທະນາຄານ-ນັກທຸລະກິດ ຫວຽດນາມ 50 ກວ່າຄົນຂຶ້ນສານຂໍ້ຫາສໍ້ໂກງ

ປະທານ​ທະນາຄານ ​ແລະ ນັກທຸລະກິດ​ 51 ຄົນ​ເດີນທາງ​ຂຶ້ນສານ​ຢູ່​ຫວຽດນາມ​ໃນ​ວັນ​ທີ 28 ສິງຫາ​ນີ້ ​ເພື່ອ​ຮັບ​ຟັງ​ການ​ພິຈາລະນາ​ຄະດີ​ສໍ້​ໂກງ ປ່ອຍ​ສິນ​ເຊື່ອ​ຜິດ​ກົດໝາຍ​ເປັນ​ເງິນ​ຈຳ​ນວນ​ມະຫາສານ, ພາຍຫລັງ​ລັດຖະບານ​ສັ່ງ​ປາບ​ປາມ​ການ​ສໍ້​ລາດ​ບັງ​ຫລວງ​ຢ່າງ​ໜັກ​ພາຍ​ໃນ​ປະ​ເທດ.

- new3 - ປະທານທະນາຄານ-ນັກທຸລະກິດ ຫວຽດນາມ 50 ກວ່າຄົນຂຶ້ນສານຂໍ້ຫາສໍ້ໂກງ

ທ່ານ ຫ່າ ວັນ ຖຳ ອະດີດ​ປະທານ​ທະນາຄານ​ໂອ​ຊຽນ ​ເຊິ່ງ​ເປັນ​ໜຶ່ງ​ໃນ​ຈຳ​ເລີຍ 51 ຄົນ ຖືກ​ກ່າວ​ຫາ​ວ່າ​ເປັນ​ຜູ້​ອະນຸມັດ​ສິນ​ເຊື່ອ​ເປັນ​ເງິນ 23 ລ້ານ​ໂດ​ລາ​ສະຫະລັດ ​ໃຫ້​ແກ່​ບໍລິສັດ​ອະສັງຫາລິມະ​ຊັບ​ແຫ່ງ​ໜຶ່ງ​ໂດຍ​ບໍ່​ມີ​ຫລັກ​ຊັບ​ຄ້ຳປະກັນ ​ໃນ​ປີ 2012 ສົ່ງ​ຜົນ​ໃຫ້​ທະນາຄານ​ຕ້ອງ​ປະສົບກັບ​ສະພາບ​ລົ້ມລະລາຍ. ນອກຈາກ​ທ່ານ​ແລ້ວ ຈຳ​ເລີຍ​ສ່ວນ​ຫລາຍ​ເຊິ່ງລ້ວນ​ເປັນ​ອະດີດ​ພະນັກງານ​ທະນາຄານ​ຂອງ​ທະນາຄານ​ໂອ​ຊຽນ ຕ່າງ​ຖືກຕັ້ງຂໍ້​ຫາ​ທີ່​ກ່ຽວຂ້ອງ​ກັບ​ການ​ປ່ອຍ​ສິນ​ເຊື່ອ​ຜິດ​ກົດໝາຍ​.

ສານ​ຢູ່​ຫວຽດນາມ​ເລີ່​ມ​ເປີດ​ການ​ພິຈາລະນາ​ຄະດີ​ດັ່ງກ່າວ​ໃນ​ວັນ​ທີ 28 ສິງຫາ​ເປັນ​ວັນ​ທຳ​ອິດ ​ແລະ ມີ​ກຳນົດ​ສຳ​ເລັດ​ໃນ 20 ວັນ. ກ່ອນ​ໜ້າ​ນີ້ ຈຳ​ເລີຍ​ທັງ​ໝົດ​ເຄີຍ​ຖືກ​ນຳ​ຕົວ​ຂຶ້ນສານ​ມາ​ແລ້ວ​ຄັ້ງໜຶ່ງ​ໃນ​ເດືອນ​ມີນາ, ​ແຕ່​ສານ​ສັ່ງ​ໃຫ້​ເລື່ອນ​ພິຈາລະນາ​ຄະດີ​ອອກ​ໄປ ​ເພື່ອ​ມີ​ການ​ສອບ​ສວນ​ເພີ່ມ​ອີກ.

- lattana 1 - ປະທານທະນາຄານ-ນັກທຸລະກິດ ຫວຽດນາມ 50 ກວ່າຄົນຂຶ້ນສານຂໍ້ຫາສໍ້ໂກງ

ກ່ອນ​ໜ້າ​ນີ້, ຫວຽດນາມ​ສັ່ງ​ຈຳ​ຄຸກ​ພະນັກງານ​ທະນາຄານ​ແລ້ວ​ຫລາຍ​ຄົນ​ຈາກ​ຫລາຍ​ຄະດີ, ​ແຕ່​ຜູ້​ຊ່ຽວຊານ​ດ້ານ​ກົດໝາຍ​ເຫັນ​ວ່າ: ບົດ​ລົງ​ໂທດ​ສຳລັບ​ເຈົ້າໜ້າ​ທີ່​ລັດຖະບານ​ທີ່​ກະທຳ​ຄວາມ​ຜິດ​ຖານ​ສໍ້​ລາດ​ບັງ​ຫລວງ​ຍັງ​ບໍ່​ເຂັ້ມງວດ​ພຽງພໍ.

error: Content is protected !!