ເປັນຫ່ວງນຳສະພາບ ສື່ສັງຄົມອອນລາຍ

- advert banner 728 90 728x90 - ເປັນຫ່ວງນຳສະພາບ ສື່ສັງຄົມອອນລາຍ

ໂດຍ​: ທ່ຽງ​ທຳ

- new3 - ເປັນຫ່ວງນຳສະພາບ ສື່ສັງຄົມອອນລາຍ

​ເພື່ອນ​ຜູ້​ອ່ານ​ທີ່​ພັກ​ແພງ, ກໍ​ດັ່ງ​ພວກ​ເຮົາ​ຮັບ​ຮູ້​ນຳ​ກັນ​ແລ້ວ​ວ່າ: ປັດຈຸບັນ​ແມ່ນ​ຍຸກ​ຂໍ້​ມູນ​ຂ່າວສານ​ທີ່​ບໍ່​ມີ​ເຂດ​ແດນ, ບັນດາ​ສື່​ຕ່າງໆ​ໄດ້​ເຕີບ​ໃຫຍ່​ຂະຫຍາຍຕົວ​ຂຶ້ນນັບ​ມື້ ​ໂດຍ​ສະ​ເພາະ​ແມ່ນ​ສື່​ທີ່​ເພິ່ນ​ເອີ້ນ​ວ່າ: ສື່​ໃໝ່ ຫລື ​ເວົ້າອີກ​ຢ່າງ​ໜຶ່ງ​ກໍ​ແມ່ນ​ສື່​ສັງຄົມ​ອອນ​ລາຍ ​ໄດ້​ຂະຫຍາຍຕົວ​ແຮງ​ໄປ​ທົ່ວ​ທຸກ​ສັງຄົມ ​ແລະ ຊັ້ນຄົນ​ຕ່າງໆ​ ທີ່​ໃຜໆ​ກໍ​ສາມາດ​ເປັນ​ຜູ້ນຳ​ສະ​ເໜີ​ຂ່າວ​ຄາວ​ຕ່າງໆ​ຜ່ານ​ສື່​ດັ່ງກ່າວ​ໄດ້ ​ໂດຍ​ບໍ່​ມີ​ບັນນາທິການ ​ແລ້ວ​ແຕ່​ຜູ້​ຈະ​ເຮັດ, ຜູ້​ຈະນຳ​ສະ​ເໜີ, ບາງ​ອັນ​ກໍ​ເປັນ​ຂ່າວ​ດີ, ບາງ​ອັນ​ກໍ​ເປັນ​ຂ່າວ​ຮ້າຍ, ຕົວະ​ຍົວະ​ຫລອກ​ລວງ ນັບ​ທັງ​ດ້ານ​ເສດຖະກິດ-ການ​ເມືອງ ​ແລະ ສັງຄົມ, ສຸດ​ແລ້ວ​ແຕ່​ຜູ້​ຈະ​ບໍລິ​ໂພ​ກ. ຖ້າ​ໃຜ​ມີ​ຄວາມ​ຮັບ​ຮູ້​ສູງ​ແດ່​ກໍ​ຈະ​ໄດ້​ບໍລິ​ໂພ​ກຂໍ້​ມູນ​ຂ່າວສານ​ທີ່ດີ​, ​ເປັນ​ປະ​ໂຫຍ​ດ​ໃຫ້​ແກ່​ຕົນ​ເອງ ​ແລະ ວຽກ​ງານ ​ແລະ ກົງກັນຂ້າມ ຖ້າ​ໃຜ​ບໍ່​ຮູ້​ເລືອກ​ເຟັ້ນກໍ​ຈະ​ຕົກ​ເປັນ​ເຫຍື່ອ​ຂອງ​ສື່​ທີ່​ບໍ່​ຫວັງ​ດີ​ດັ່ງກ່າວ ​ເຊິ່ງຢູ່​ປະ​ເທດ​ເຮົາ​ກໍ​ເຄີຍ​ມີ​ປາກົດການ​ນີ້​ແລ້ວ ​ແລະ ມັນ​ບໍ່​ພຽງ​ແຕ່​ຈະ​ມີ​ເປົ້າໝາຍ​ສະ​ເພາະ​ທາງ​ເສດຖະກິດ​ເທົ່າ​ນັ້ນ ​ເຊິ່ງບາງ​ສື່, ບາງ​ເວັບ​ໄຊ, ​ເຟສບຸກທີ່​ບໍ່​ເປັນ​ທາງ​ການ, ບໍ່​ມີ​ຕົວ​ຕົນ ພວກ​ຍັງ​ບືນ​ເລິກ​ໄປ​ໃສ່​ຮ້າຍ​ປ້າຍ​ສີ​ລະບອບ​ການ​ເມືອງ, ​ໃສ່​ຮ້າຍ​ປ້າຍ​ສີກາ​ນພັດທະນາ​ປະ​ເທດ​ຊາດ​ບ້ານ​ເມືອງ​ເຮົາ​ໄປ​ໃນ​ທາງ​ທີ່​ບໍ່​ດີ ​ແລະ ອື່ນໆ ​ເຊິ່ງສິ່ງ​ດັ່ງກ່າວ​ນັ້ນນັບ​ມື້ພວກ​ເຂົາ​ຍິ່ງ​ບືນ​ເລິກ​ເຂົ້າ​ໃນ​ຖັນ​ແຖວ​ພະນັກງານ​ຫລັກ​ແຫ​ລ່ງຂອງ​ພວກ​ເຮົາ​ກໍ​ມີ ​ເພື່ອ​ຫວັງ​ມ້າງ​ເພ​ທຳລາຍ​ລະບອບ​ໃໝ່​ພວກ​ເຮົາ. ດັ່ງນັ້ນ ມັນ​ເຖິງ​ເວລາ​ແລ້ວ​ທີ່​ຂະ​ແໜງ​ການ​ກ່ຽວຂ້ອງ​ຈະ​ຕ້ອງ​ໄດ້​ອອກ​ແຮງ​ກວດກາ​ຄຸ້ມ​ຄອງ ​ແລະ ສະກັດ​ກັ້ນສິ່ງ​ເປັນ​ພິດ​ໄພ​ດັ່ງກ່າວ​ແຕ່​ຫົວທີ​ແມ່ນ​ຈະ​ເປັນ​ການ​ດີ​ທີ່​ສຸດ ​ເພື່ອ​ຄວາມ​ສະຫງົບ​ສຸກ​ຂອງ​ບ້ານ​ເມືອງ​ເຮົາ.

- lattana 1 - ເປັນຫ່ວງນຳສະພາບ ສື່ສັງຄົມອອນລາຍ
error: Content is protected !!