ຜູ້ນຳຟີລິບປິນໄຟຂຽວຕຳຫລວດ ຂ້າຜູ້ຕໍ່ສູ້ຂັດຂືນການຈັບກຸມ

- advert banner 728 90 728x90 - ຜູ້ນຳຟີລິບປິນໄຟຂຽວຕຳຫລວດ ຂ້າຜູ້ຕໍ່ສູ້ຂັດຂືນການຈັບກຸມ

- PIC POLICE - ຜູ້ນຳຟີລິບປິນໄຟຂຽວຕຳຫລວດ ຂ້າຜູ້ຕໍ່ສູ້ຂັດຂືນການຈັບກຸມ

- new3 - ຜູ້ນຳຟີລິບປິນໄຟຂຽວຕຳຫລວດ ຂ້າຜູ້ຕໍ່ສູ້ຂັດຂືນການຈັບກຸມ

ປະທານາທິບໍດີ ​ໂຣດຣິ​ໂກ ດູ​ເຕີ​ເຕ ຂອງ​ຟີ​ລິບ​ປິນ ບອກ​ກັບ​ຕຳຫລວດ​ໃນ​ວັນ​ທີ 28 ສິງຫາ​ນີ້​ວ່າ: ສາມາດ​ຂ້າ​ຄົນ​ທີ່​ໃຊ້​ກຳລັງ​ຂັດ​ຂືນການ​ຈັບ​ກຸມ ​ເປັນ​ໄຟ​ຂຽວ​ໃຫ້​ຕຳຫລວດ​ຫລັງ​ຈາກ​ຊາວ​ຟີ​ລິບ​ປິນຫລາຍ​ພັນ​ຄົນ​ໄປ​ຮ່ວມ​ງານ​ສົບ​ຂອງ​ໄວ​ລຸ້ນຊາຍ​ທີ່​ຖືກ​ຕຳຫລວດ​ຍິງ​ໃນ​ອາທິດ​ກ່ອນ.

 

+ ເດີນໜ້າ “ຂ້າ” ລູກດຽວ ຟີລິບປິນເກັບແກ້ງຄ້າຢາ 7 ວັນ 80 ສົບ

+ ຕຳຫລວດຟີລິບປິນວິສາມັນ ຜູ້ຄ້າຢາວັນດຽວ 32 ຄົນ

- lattana 1 - ຜູ້ນຳຟີລິບປິນໄຟຂຽວຕຳຫລວດ ຂ້າຜູ້ຕໍ່ສູ້ຂັດຂືນການຈັບກຸມ

 

ປະທານາທິບໍດີ ດູ​ເຕີ​ເຕ ກ່າວ​ສູນ​ທອນ​ພົດ​ເນື່ອງ​ໃນ​ວັນ​ວິລະ​ຊົນ​ແຫ່ງ​ຊາດ ຢູ່​ສຸສານ​ວິລະ​ຊົນ ນະຄອນຫລວງ​ມະນິລາ​ ​ແຕ່​ລະຫວ່າງ​ນັ້ນ​ໄດ້​ກ່າວ​ນອກ​ເໜືອ​ສູນ​ທອນ​ພົດ​ກັບ​ຕຳຫລວດ​ເມືອງ​ທາງ​ໃຕ້​ທີ່​ນາຍົກ​ເທສະ​ມົນຕີ​ຖືກ​ສັງຫານ​ລະຫວ່າງ​ນຳ​ກຳລັງ​ບຸກຈັບ​ແກ້ງ​ຄ້າ​ຢາ​ເສບ​ຕິດ​ວ່າ: ຕຳຫລວດ​ຈຳ​ເປັນ​ຕ້ອງ​ເອົາ​ຊະນະ​ຜູ້​ຕໍ່ສູ້​ຂັດ​ຂືນການ​ຈັບ​ກຸມ​ຕາມ​ການ​ປະຕິບັດ​ໜ້າ​ທີ່, ຖ້າ​ບຸກຄົນ​ນັ້ນຂັດ​ຂືນ ​ແລະ ​ໃຊ້​ຄວາມ​ຮຸນ​ແຮງ, ທ່ານ​ຂໍ​ສັ່ງ​ໃຫ້​ຕຳຫລວດ​ສັງຫານ​ຄົນ​ແບບ​ນັ້ນ​ໄດ້​ທັນທີ. ​ເຖິງ​ຢ່າງ​ໃດ​ກໍ​ດີ ຕຳຫລວດ​ຈະ​ຕ້ອງ​ຍຶດຫລັກ​ນິຕິ​ທຳ​ລະຫວ່າງ​ການ​ປະຕິບັດ​ໜ້າ​ທີ່ ​ເພາະ​ທາງ​ການ​ບໍ່​ອະນຸຍາດ​ໃຫ້​ມີ​ການ​ຂ້າ​ຄົນ, ການ​ເຮັດ​ໃຫ້​ຄົນ​ຕາຍ​ໂດຍ​​ເຈດ​ຕະນາ ​ແລະ ການ​ຂ້າ​ນອກ​ກົດໝາຍ. ຈາກ​ນັ້ນ​ໄດ້​ໃຫ້​ບິດາ​ມານ​ດາ​ຂອງ​ນັກຮຽນ​ມັດທະຍົມ​ອາຍຸ 17 ປີ ທີ່​ຖືກ​ຕຳຫລວດ​ຍິງ​ເສຍ​ຊີວິດ​ເຂົ້າພົບ​ຢູ່​ທຳນຽບປະທານາທິບໍດີ, ​ແຕ່​ຍັງ​ບໍ່​ໄດ້​ເປີດ​ເຜີຍ​ລາຍ​ລະອຽດ​ການ​ສົນທະນາ.

- rtx2lnl7 - ຜູ້ນຳຟີລິບປິນໄຟຂຽວຕຳຫລວດ ຂ້າຜູ້ຕໍ່ສູ້ຂັດຂືນການຈັບກຸມ

ປະທານາທິບໍດີ ດູ​ເຕີ​ເຕ ​ເປີດ​ສາກ​ສົງຄາມ​ກວາດ​ລ້າງ​ຢາ​ເສບ​ຕິດ​ນັບ​ແຕ່​ຮັບຕຳ​ແໜ່​ງ​ໃນ​ກາງ​ປີ​ກ່ອນ ມີ​ຄົນ​ຖືກ​ສັງຫານ​ແລ້ວ​ຫລາຍ​ພັນ​ຄົນ, ບັນດາ​ປະ​ເທດ​ປະນາມ ​ແຕ່​ຄົນ​ໃນ​ປະ​ເທດ​ຍັງ​ບໍ່ຕໍ່ຕ້ານ ຈົນ​ເກີດ​ຄະດີ​ໄວ​ລຸ້ນຊາຍ​ຖືກ​ຕຳຫລວດ​ປາບ​ປາມ​ຢາ​ເສບ​ຕິດ​ນອກ​ເຄື່ອງ​ແບບ​ສັງຫານ​ໃນ​ວັນ​ທີ 16 ສິງຫາ, ພະຍານ ​ແລະ ກ້ອງ​ວົງ​ຈອນ​ປິດ​ຢືນຢັນ​ກົງກັນ​ວ່າ: ລາວ​ຖືກ​ລາກ​ເຂົ້າ​ໄປ​ໃນ​ມຸມ​ມືດ, ຖືກ​ຍິງ​ຢູ່​ຫົວ ​ແລະ ຖິ້ມ​ໄວ້​ຂ້າງ​ເລົ້າໝູ. ຕຳຫລວດ​ອ້າງ​ວ່າ​ເປັນ​ການ​ປ້ອງ​ກັນ​ຕົວ ​ເພາະ​ລາວ​ຍິງ​ຕຳຫລວດ​ກ່ອນ. ກະ​ແສ​ບໍ່ພໍ​ໃຈ​ເຮັດ​ໃຫ້​ຊາວ​ຟີ​ລິບ​ປິນກວ່າ​ພັນ​ຄົນ​ໄປ​ຮ່ວມ​ງານ​ສົບ​ໃນ​ວັນ​ທີ 26 ສິງຫາ ກາຍ​ເປັນ​ການ​ປະ​ທ້ວງ​ນະ​ໂຍບາຍ​ສົງຄາມ​ປາບ​ປາມ​ຢາ​ເສບ​ຕິດ​ຄັ້ງ​ໃຫຍ່.

error: Content is protected !!