ຈຳນວນຜູ້ເສຍຊີວິດ ຈາກເຫດແຜ່ນດິນໄຫວທີ່ ເກາະຊາວາ ປະເທດອິນໂດເນເຊຍ ເພີ່ມຂຶ້ນ 162 ຄົນ ບາດເຈັບ 326 ຄົນ

ສຳນັກຂ່າວຕ່າງປະເທດລາຍງານວ່າ: ວັນທີ 22 ພະຈິກ 2022 ນີ້, ທ່ານ ຣິດວານ ຄາມິລ ເຈົ້າແຂວງ ຊາວາ ເປີດເຜີຍວ່າ: ມີຈຳນວນຜູ້ເສຍຊີວິດຈຳນວນຫລາຍຈາກເຫດແຜ່ນດິນໄຫວໃນຄັ້ງນີ້ ລ່າສຸດພົບຜູ້ເສຍຊີວິດຢ່າງໜ້ອຍ 162 ຄົນ ບາດເຈັບຫລາຍກວ່າ 326 ຄົນ, ແຜ່ນດິນໄຫວໃນຄັ້ງນີ້ ຍັງເຮັດໃຫ້ປະຊາຊົນຫລາຍກວ່າ 13,784 ຄົນບໍ່ມີທີ່ຢູ່ອາໄສ ຂະນະທີ່ມີການຈັດຕັ້ງສູນອົບພະຍົບ 14 ຈຸດ.

ຜູ້ທີ່ເສຍຊີວິດສ່ວນໃຫຍ່ແລ້ວເປັນເດັກນ້ອຍ ເນື່ອງຈາກໃນເວລາທີ່ເກີດເຫດນັ້ນ ເປັນຊ່ວງເວລາທີ່ເດັກນ້ອຍກຳລັງຮຽນໜັງສືຢູ່ທີ່ໂຮງຮຽນ.