ທ່ານຮອງລັດຖະມົນຕີ ຖວທ ຮຽກຮ້ອງບັນນາທິການຂ່າວອາຊີຊ່ວຍໂຄສະນາ ປີທ່ອງທ່ຽວລາວ 2018

- advert banner 728 90 728x90 - ທ່ານຮອງລັດຖະມົນຕີ ຖວທ ຮຽກຮ້ອງບັນນາທິການຂ່າວອາຊີຊ່ວຍໂຄສະນາ ປີທ່ອງທ່ຽວລາວ 2018

ໃນໂອກາດຕ້ອນຮັບບັນນາທິການຂ່າວເຄືອຂ່າຍຂ່າວອາຊີ ເມື່ອວັນທີ 25 ສິງຫານີ້, ທ່ານ ສະຫວັນຄອນ ລາດຊະມຸນຕຣີ ຮອງລັດຖະມົນຕີກະຊວງຖະແຫລງຂ່າວ, ວັດທະນະທຳ ແລະ ທອ່ງທ່ຽວ,ໄດ້ຮຽກຮ້ອງໃຫ້ບັນດາບັນນາທິການ ຊ່ວຍໂຄສະ ນາປີທ່ອງທ່ຽວລາວ 2018.

ຄະນະບັນນາທິການຂອງເຄືອຂ່າຍດັ່ງກ່າວ ຊຶ່ງປະກອບມີອົງການສື່ມວນຊົນຊັ້ນນຳ 24 ອົງການຈາກ 20 ປະເທດ ເນື່ອງໃນໂອ ກາດເດີນທາງມາປະຊຸມ ຢູ່ນະຄອນຫຼວງວຽງຈັນ ເປັນເວລາ 2 ວັນ ແຕ່ວັນທີ 24-25 ສິງຫາ 2017.

ທ່ານຮອງລັດຖະມົນຕີ ໄດ້ສະແດງຄວາມຍິນດີຕ້ອນຮັບ ແລະ ຊົມເຊີຍການປະກອບສ່ວນຂອງບັນດາອົງການສື່ມວນຊົນ ເຂົ້າໃນ ການຮ່ວມມືເພື່ອພັດທະນາເສດຖະກິດ-ສັງຄົມ ຂອງພາກພື້ນ ແລະ ສ້າງຄວາມເຂົ້າໃຈຊຶ່ງກັນ ແລະ ກັນ ແລະ ໃນໂອກາດນີ້, ທ່ານໄດ້ຮຽກຮ້ອງໃຫ້ບັນດາບັນນາທິການຂອງເຄືອຂ່າຍຂ່າວອາຊີ ຊ່ວຍໂຄສະນາເຜີຍແຜ່ກ່ຽວ ກັບປີທ່ອງທ່ຽວລາວ ຊຶ່ງຈະໄດ້ ຈັດຂຶ້ນໃນປີ 2018 ແລະ ພ້ອມນີ້ ທ່ານຍັງໄດ້ຕອບຄຳຖາມທີ່ບັນດາບັນນາທິການໄດ້ຍົກຂຶ້ນ ໂດຍສະເພາະກ່ຽວ ກັບສະພາບ ການພັດທະນາເສດຖະກິດ-ສັງຄົມ ຢູ່ ສປປ.ລາວ.

ທ່ານສະຫວັນຄອນ ກ່າວວ່າ: ສປປ.ລາວ ໄດ້ວາງເປົ້າໝາຍເພື່ອຫຼຸດພົ້ນອອກຈາກສະພາວະປະເທດດ້ອຍພັດທະນາ ໃນປີ 2020 ແລະ ກ້າວຂຶ້ນເປັນປະເທດມີລາຍໄດ້ປານກາງ ໃນປີ 2030 ແລະ ໄດ້ຊີ້ໃຫ້ເຫັນວ່າ: ສປປ ລາວຈະປະຕິບັດຕາມເປົ້າໝາຍການ ພັດທະນາແບບຍືນຍົງ (SDG) ຂອງອົງການສະຫະປະຊາຊາດ ໝາຍວ່າ ການພັດທະນາຂອງທຸກຂະແໜງການຢູ່ລາວ ຈະຕ້ອງປະ ຕິບັດຕາມເປົ້າໝາຍການພັດທະນາແບບຍືນຍົງ ແລະ ເພື່ອບັນລຸເປົ້າໝາຍໄດ້ນັ້ນ, ສປປ.ລາວ ໄດ້ດຳເນີນຫຼາຍໂຄງການໃຫຍ່ຄື: ໂຄງການກໍ່ສ້າງເສັ້ນທາງລົດໄຟລາວ-ຈີນການປັບປຸງສະໜາມບິນ ແລະ ຖະໜົນຫົນທາງ.ທັງໝົດນີ້ ແມ່ນເພື່ອຫັນໃຫ້ ສປປ.ລາວ ຈາກປະເທດບໍ່ມີທາງອອກສູ່ທະເລເປັນປະເດທເຊື່ອມຕໍ່ທະເລ.

- lattana 1 - ທ່ານຮອງລັດຖະມົນຕີ ຖວທ ຮຽກຮ້ອງບັນນາທິການຂ່າວອາຊີຊ່ວຍໂຄສະນາ ປີທ່ອງທ່ຽວລາວ 2018
- 1 1 - ທ່ານຮອງລັດຖະມົນຕີ ຖວທ ຮຽກຮ້ອງບັນນາທິການຂ່າວອາຊີຊ່ວຍໂຄສະນາ ປີທ່ອງທ່ຽວລາວ 2018

ນອກນັ້ນ ລັດຖະບານລາວຍັງໄດ້ສ້າງເຂດເສດຖະກິດສະເພາະ ແລະ ເຂດເສດຖະກິດພິເສດຫຼາຍແຫ່ງຢູ່ຫຼາຍແຂວງທົ່ວ ປະເທດ ເພື່ອດຶງດູດນັກລົງທຶນ ແລະ ພ້ອມນັ້ນ ລັດຖະບານຍັງໃຫ້ຄວາມສຳຄັນແກ່ການພັດທະນາຊັບພະຍາກອນມະນຸດ ໂດຍໄດ້ລົງທຶນ ໃສ່ຂະແໜງການ ດັ່ງກ່າວເປັນຈຳນວນຫຼວງຫຼາຍ ແລະ ຍັງໄດ້ສົ່ງເສີມໃຫ້ພາກເອກະຊົນລົງທືນໃສ່ຂະແໜງການສຶກສາ ເພື່ອປະ ກອບສ່ວນເຂົ້າ ໃນການພັດທະນາຊັບພະຍາກອນມະນຸດ.

ຄຽງຄູ່ກັນນັ້ນ ລັດຖະບານຍັງໄດ້ສົ່ງເສີມການທ່ອງທ່ຽວ ເຊິ່ງເປັນຂະແໜງໜຶ່ງທີ່ສຳຄັນຕໍ່ການພັດທະນາ ເສດຖະກິດ- ສັງຄົມຂອງຊາດ.

error: Content is protected !!