ສປປ ເກົາຫລີ ຍິງລູກສອນໄຟຂ້າມປະເທດຍີ່ປຸ່ນ

- advert banner 728 90 728x90 - ສປປ ເກົາຫລີ ຍິງລູກສອນໄຟຂ້າມປະເທດຍີ່ປຸ່ນ
- 97579575  97579354 mediaitem97578813 - ສປປ ເກົາຫລີ ຍິງລູກສອນໄຟຂ້າມປະເທດຍີ່ປຸ່ນ
ສ.ເກົາຫລີ ຮັບຊົມຂ່າວການຍິງລູກສອນໄຟຂອງ ສປປ ເກົາຫລີ ທາງໂທລະພາບ

ກອງທັບ ສ.​ເກົາຫລີ ​ແຈ້ງວ່າ: ​ໃນ​ຕອນ​ຂ້ອນ​ແຈ້ງ​ຂອງ​ວັນ​ທີ 29 ສິງຫາ, ສປປ ​ເກົາຫລີ ​ໄດ້​ຍິງ​ລູກ​ສອນ​ໄຟ​ລູກ​ໜຶ່ງ​ຈາກ​ທາງ​ຕາ​ເວັນ​ອອກ​ຂອງ​ນະຄອນຫລວງ​ພຽງ​ຢາງ ​ໂດຍ​ລູກ​ສອນ​ໄຟ​ດັ່ງກ່າວ​ລອຍ​ຂ້າມ​ນ່ານຟ້າ​ເໜືອ​ເກາະ​ຮອກ​ໄກ​ໂດ​ຂອງ​ຍີ່ປຸ່ນ ກ່ອນ​ຈະ​ແຕກ​ລະ​ເບີດ​ອອກ​ເປັນ 3 ສ່ວນ ​ແລະ ຕົກລົງ​ໃນ​ມະຫາ​ສະໝຸດ​ປາຊີ​ຟິກ.

- new3 - ສປປ ເກົາຫລີ ຍິງລູກສອນໄຟຂ້າມປະເທດຍີ່ປຸ່ນ

ມີ​ລາຍ​ງານ​ວ່າ: ລູກ​ສອນ​ໄຟ​ດັ່ງກ່າວ​ຄ້າຍຄື​ກັບ​ລູກ​ສອນ​ໄຟ​ໄລຍະ​ໃກ້​ທີ່ ສປປ ​ເກົາຫລີ ຍິງ​ທົດ​ລອງ​ໃນ​ວັນ​ທີ 26 ສິງຫາ ​ໂດຍ​ໄດ້​ລອຍ​ເປັນ​ໄລຍະ​ທາງ​ແນວ​ຮາບ​ທັງ​ໝົດ 2.700 ກິ​ໂລ​ແມັດ ​ແລະ ຂຶ້ນສູ່​ຈຸດ​ສູງ​ສຸດ​ຈາກ​ພື້ນທີ່​ໃນ​ລະດັບ 550 ກິ​ໂລ​ແມັດ. ສະຖານີ​ໂທລະພາບ NHK ຂອງ​ຍີ່ປຸ່ນ​ລະບຸ​ວ່າ: ຍັງ​ບໍ່​ມີ​ລາຍ​ງານ​ຄວາມ​ເສຍ​ຫາຍ​​ແຕ່​ຢ່າງ​ໃດ.

- 4bruojes - ສປປ ເກົາຫລີ ຍິງລູກສອນໄຟຂ້າມປະເທດຍີ່ປຸ່ນ
ນາຍົກລັດຖະມົນຕີ ຊິນໂຊ ອາເບະ ຜູ້ນຳຍີ່ປຸ່ນ

​ເຖິງ​ວ່າ​ໄລຍະ​ຜ່ານ​ມາ ສປປ ​ເກົາຫລີ ຈະ​ຍິງ​ທົດ​ລອງ​ລູກ​ສອນ​ໄຟ​ເລື້ອຍໆ, ​ແຕ່​ການ​ຍິງ​ລູກ​ສອນ​ໄຟ​ຄັ້ງນີ້ ຖື​ເປັນຄັ້ງທຳ​ອິດ​ໃນ​ຮອບ 8 ປີ​ທີ່​ຍິງ​ຂ້າມ​ດິນ​ແດນ​ຂອງ​ຍີ່ປຸ່ນ.

​ເຫດ​ດັ່ງກ່າວ​ເຮັດ​ໃຫ້​ມີ​ການ​ປະກາດ​ເຕືອນ​ໄພ​ສຸກ​ເສີນ​ທົ່ວ​ພາກ​ເໜືອ​ຂອງ​ຍີ່ປຸ່ນ ​ໂດຍ​ທາງ​ການ​ບອກ​ໃຫ້​ປະຊາຊົນ​ຫລົບ​ໄພ​ລູກ​ສອນ​ໄຟ​ໃນ​ອາຄານ​ທີ່​ໝັ້ນຄົງ​ແຂງ​ແຮງ ຫລື ຊັ້ນ​ໃຕ້​ດິນ. ​ແຕ່​ຢ່າງ​ໃດ​ກໍ​ຕາມ ບໍ່​ພົບ​ວ່າ​ກອງ​ກຳລັງ​ປ້ອງ​ກັນ​ຕົນ​ເອງ​ຂອງ​ຍີ່ປຸ່ນ​ໄດ້​ພະຍາຍາມ​ຍິງ​ສະກັດ​ລູກ​ສອນ​ໄຟ​ດັ່ງກ່າວ.

- lattana 1 - ສປປ ເກົາຫລີ ຍິງລູກສອນໄຟຂ້າມປະເທດຍີ່ປຸ່ນ
- 7c9z063n - ສປປ ເກົາຫລີ ຍິງລູກສອນໄຟຂ້າມປະເທດຍີ່ປຸ່ນ
ລະບົບຕໍ່ຕ້ານລູກສອນໄຟແພທຣິອອດ ຕັ້ງຢູ່ໃນເຂດກະຊວງປ້ອງກັນປະເທດຂອງຍີ່ປຸ່ນ

ສ່ວນ​ນາຍົກລັດຖະມົນຕີ ຊິນ​ໂຊ ອາ​ເບະ ຂອງ​ຍີ່ປຸ່ນ​ ຖະ​ແຫລ​ງວ່າ: ​ເຫດ​ການ​ດັ່ງກ່າວ​ຖື​ເປັນ​ການ​ຂົ່ມຂູ່​ຄຸກ​ຄາມ​ຈາກ ສປປ ​ເກົາຫລີ ຢ່າງ​ຮ້າຍ​ແຮງ​ແບບ​ບໍ່​​ເຄີຍ​ປາກົດ​ມາ​ກ່ອນ, ທັງ​ເປັນ​ໄພ​ໃຫຍ່​ຫລວງ​ທີ່​ທຳລາຍ​ສັນຕິພາບ ​ແລະ ຄວາມ​ໝັ້ນຄົງ​ໃນ​ພາກພື້ນ. ທ່ານ ອາ​ເບະ ຍັງ​ໃຫ້​ຄຳ​ໝັ້ນວ່າ​ລັດຖະບານ​ຈະ​ເຮັດ​ທຸກ​ທາງ​ເພື່ອ​ປົກ​ປ້ອງ​ຊີວິດ ​ແລະ ສະຫວັດດີ​ພາບ​ຂອງ​ປະຊາຊົນ​ຍີ່ປຸ່ນ.

​ໃນ​ອະດີດ ສປປ ​ເກົາຫລີ ​ເຄີຍ​ຍິງ​ຈະ​ຫລວດ​ຂ້າມ​ປະ​ເທດ​ຍີ່ປຸ່ນ​ມາ​ແລ້ວ 2 ຄັ້ງ ​ໃນ​ປີ 1998 ​ແລະ 2009, ​ແຕ່​ຜ່ານ​ມາ ສປປ ​ເກົາຫລີ ອ້າງ​ວ່າ​ເປັນ​ການ​ຍິງ​ຈະ​ຫລວດ​ສົ່ງ​ດາວ​ທຽມ​ຂຶ້ນສູ່​ວົງ​ໂຄຈອນ ບໍ່​​ໄດ້​ເປັນ​ການ​ຍິງ​ລູກ​ສອນ​ໄຟ​ແຕ່​ຢ່າງ​ໃດ.

error: Content is protected !!