ເບິ່ງບານເດິກ ຕິດຕໍ່ກັນຫລາຍມື້ ອາດເຮັດໃຫ້ເກີດ “ພາວະຕາແຫ້ງ” ໄດ້ງ່າຍ
November 28, 2022 - 3:43 PM
ຊ່ວງນີ້ເປັນຊ່ວງທີ່ຢູ່ໃນລະຫວ່າງການແຂ່ງຂັນບານໂລກ ຫລາຍຄົນອາດຈະນອນເດິກ ເພື່ອເບິ່ງທີມທີ່ຕົນເອງມັກ, ແຕ່ສິ່ງທີ່ຕາມມາຫລັງຈາກເບິ່ງຈໍ ຫລື ນອນເດິກຕະຫລອດແມ່ນ ພາວະຕາແຫ້ງ (Dry Eyes) ເປັນອາການແສບຕາ ຕາແຫ້ງ, ເຄືອງຕາ, ຄັນຕາ ຮູ້ສຶກຄືມີຂີ້ຝຸ່ນຢູ່ໃນຕາຕະຫລອດເວລາ, ຕາແດງ, ອາການຕາແຫ້ງສ່ວນຫລາຍຈະບໍ່ຮ້າຍແຮງຈົນເຖິງຂັ້ນຕາບອດຮ້າຍແຮງ, ແຕ່ສາມາດເຮັດໃຫ້ແກ້ວຕາອັກເສບ, ແກ້ວຕາບໍ່ລຽບນຽນ ແລະ ເຮັດໃຫ້ເກີດຄວາມລໍາຄານໄດ້, ເຊິ່ງສາເຫດຂອງອາການຕາແຫ້ງສາມາດເກີດໄດ້ຫລາຍສະຖານະການເຊັ່ນ: ຫ້ອງແອທີ່ມີສະພາບອາກາດແຫ້ງ, ໃຊ້ສາຍຕາເປັນເວລາດົນຈາກການເບິ່ງຈໍໂທລະສັບ, ຄອມພິວເຕີ ໃນຂະນະເຮັດວຽກ ເຊິ່ງສາມາດເບິ່ງແຍງໄດ້ດັ່ງນີ້:
ການໃຊ້ສາຍຕາເປັນເວລາດົນ ອາດເຮັດໃຫ້ເກີດພາວະຕາແຫ້ງໄດ້ງ່າຍ ການຮັກສາເບື້ອງຕົ້ນແມ່ນການໃຊ້ນໍ້າຕາທຽມ (ບໍ່ຄວນເກີນມື້ລະ 4-5 ເທື່ອ) ນວດເປືອກຕາ ປະຄົບອຸ່ນ, ພັກສາຍຕາທຸກໆ 20 ນາທີ
ໃຊ້ເຄື່ອງເຮັດຄວາມຊຸ່ມໃນຫ້ອງ ເພື່ອຫລຸດອາການຕາແຫ້ງ
.
