ປກສ ແຂວງວຽງຈັນ ມອບລົດຈັກ 1 ຄັນ ທີ່ຖືກຄົນບໍ່ດີລັກໄປມາຄືນເຈົ້າຂອງເດີມ
December 2, 2022 - 10:58 AM

ໃນວັນທີ 1 ທັນວາ 2022 ນີ້, ເຈົ້າໜ້າທີ່ພະແນກຕໍາຫລວດສຶບສວນ-ສອບສວນ ຫ້ອງຕໍາຫລວດ ປກສ ແຂວງວຽງຈັນ ໄດ້ມອບລົດຈັກຈໍານວນ 1 ຄັນ ຄືນເຈົ້າຂອງເດີມ, ເຊິ່ງລົດຈັກຄັນດັ່ງກ່າວແມ່ນຖືກຄົນບໍ່ດີລັກໄປ ແລະ ເຈົ້າໜ້າທີ່ພະແນກຕຳຫລວດຈະລາຈອນສົມທົບກັບເຈົ້າໜ້າທີ່ພະແນກຕໍາຫລວດສືບສວນ-ສອບສວນ ຫ້ອງຕໍາຫລວດ ປກສ ແຂວງວຽງຈັນ ສາມາດເກັບກູ້ຄືນມາໄດ້ໃນຄັ້ງວັນທີ 27 ຕຸລາ 2022 ຜ່ານມາ.
ດັ່ງນັ້ນ, ວັນທີ 1 ທັນວາ 2022 ເຈົ້າໜ້າທີ່ຈຶ່ງໄດ້ນຳເອົາລົດຈັກເວບ100 ສີຟ້າດໍາ ຈໍານວນ 1 ຄັນ ມາມອບຄືນໃຫ້ເຈົ້າຂອງເດີມ ຕາງໜ້າມອບລົດຈັກດັ່ງກ່າວໂດຍ ທ່ານ ພັທ ແສງເພັດ ສຸທຳມະວົງ ຫົວໜ້າພະແນກຕໍາຫລວດສືບສວນ-ສອບສວນ ຫ້ອງຕຳຫລວດ ປກສ ແຂວງ ຮັບໂດຍແມ່ນ ທ່ານ ສີໄລ ກຳມະກອນ ຢູ່ບ້ານດອນກອຍ ເມືອງໄຊເສດຖາ ນະຄອນຫລວງວຽງຈັນ.