ບາງອາຫານຖ້າກິນບໍ່ຖືກເວລາກໍບໍ່ມີປະໂຫຍດ

- advert banner 728 90 728x90 -      ບາງອາຫານຖ້າກິນບໍ່ຖືກເວລາກໍບໍ່ມີປະໂຫຍດ
  1. ໝາກແອັບເປິ້ນ ຫ້າມກິນກ່ອນນອນ : ເພາະໝາກແອັບເປິ້ນອຸດົມໄປດ້ວຍໄຟເບີ ແລະ ສານອາຫານຫລວງຫລາຍ, ແຕ່ໝາກໄມ້ຊະນິດນີ້ເໝາະສົມກັບການກິນໃນຕອນເຊົ້າຫລາຍກ່ວາ ເພາະໝາກແອັບເປິ້ນຈະຊ່ວຍຫລຸດຄໍເລສເຕີໂຣນ ແລະ ຊ່ວຍຫລຸດນຳ້ຕານໃນເລືອດໄດ້ດີ. ສ່ວນເຫດຜົນທີ່ຫ້າມກິນໃນຕອນແລງ ຫລື ກ່ອນນອນ ກໍຍ້ອນວ່າໄຟເບີໃນໝາກແອັບເປິ້ນບໍ່ຈຳເປັນເທົ່າໃດໃນຕອນກ່ອນຈະນອນ ເຊິ່ງອາດເຮັດໃຫ້ຍ່ອຍຍາກ ແລະ ເພີ່ມກົດໃນກະເພາະອາຫານ.
  2. ໝາກກ້ຽງ ບໍ່ເໝາະສົມສຳລັບເຂົ້າເຊົ້າ : ເຂົ້າເຊົ້າເຮົາຕ້ອງອີ່ມ ແລະ ການກິນໝາກກ້ຽງຢ່າງດຽວຈະໄປເຮັດໃຫ້ເກີດແກ໊ສໃນກະເພາະອາຫານ, ແຕ່ທ່ານສາມາດກິນໝາກກ້ຽງໄດ້ໝົດມື້ ເພາະຈະໄປຊ່ວຍລະບົບຍ່ອຍໃຫ້ເຮັດວຽກດີຂຶ້ນ ແລະ ຊ່ວຍກະຕຸ້ນການເຜົາຜານ.
  3. ໝາກກ້ວຍ ເໝາະສົມກິນຕອນສວາຍ ບໍ່ແມ່ນຕອນແລງ : ເພາະຫາກກິນຕອນແລງຈະເຮັດໃຫ້ເກີດຂີ້ກະເທີ່ ແລະ ຍັງໄປລົບກວນການເຮັດວຽກຂອງລະບົບຍ່ອຍອາຫານນຳອີກ.
  4. ໂຢເກິດ ເໝາະສຳລັບກິນຕອນແລງຫລາຍກ່ວາຕອນເຊົ້າ : ການກິນໂຢເກິດໃນຕອນເຊົ້າສາມາດເຮັດໄດ້, ແຕ່ອາດໃຫ້ພະລັງງານບໍ່ພຽງພໍ ແລະ ຈະເຮັດໃຫ້ເກີດກົດໃນກະເພາະອາຫານໄດ້, ແຕ່ການກິນເປັນຄາບແລງຈະເຮັດໃຫ້ນອນຫລັບສະບາຍແນ່ນອນ. ດັ່ງນັ້ນ, ໃຜຫິວຕອນເດິກກໍສາມາດກິນໂຢເກິດໄດ້ເລີຍ.
  5. ໝາກເລັ່ນ ເໝາະສຳລັບຕອນເຊົ້າ : ເພາະໝາກເລັ່ນຈະໄປຊ່ວຍກະຕຸ້ນລະບົບເຜົາຜານໃຫ້ເຮັດວຽກດີ, ຊ່ວຍກະຕຸ້ນການເຮັດວຽກຂອງລຳໄສ້ໃນຕອນເຊົ້າ, ແຕ່ຖ້າກິນຕອນແລງຈະບໍ່ດີປານໃດ ເພາະຈະເຮັດໃຫ້ກະເພາະອາຫານຂອງທ່ານມີກົດຫລາຍເກີນໄປ.
  6. ມັນຝຮັ່ງ ເໝາະສຳລັບເຂົ້າເຊົ້າ : ມັນຝຣັ່ງອຸດົມໄປດ້ວຍແຮ່ທາດ ແລະ ຄໍເລສເຕີໂຣນຕໍ່າ, ແຕ່ໃຫ້ພະລັງງານສູງ. ດັ່ງນັ້ນ, ຈຶ່ງເໝາະສົມກິນຕອນເຊົ້າ ຖ້າກິນຕອນແລງຈະອີ່ມແໜ້ນທ້ອງເກີນໄປ ແລະ ໄດ້ກາລໍຣີສູງເກີນໄປ.
  7. ຊິ້ນສັດ ເໝາະສຳລັບຕອນສວາຍ : ຊີ້ນສັດເກືອບທຸກຊະນິດອຸດົມໄປດ້ວຍທາດເຫລັກທີ່ຊ່ວຍເຮັດໃຫ້ຮ່າງກາຍບໍ່ອິດເມື່ອຍອ່ອນເພຍ ແລະ ຊ່ວຍຕ້ານພະຍາດ ເຊິ່ງການເລືອກກິນຊີ້ນສັດເໝາະສົມກັບຕອນກາງເວັນ ເພາະຫາກເປັນຕອນກາງຄືນຈະບໍ່ດີ ເພາະຊີ້ນສັດໃຊ້ເວລາຍ່ອຍດົນປະມານ 5 – 6 ຊົ່ວໂມງ ຖ້າກິນເດິກກໍຈະນອນບໍ່ຫລັບ ແລະ ຍັງໄປທຳລາຍລະບົບຍ່ອຍອາຫານຂອງທ່ານນຳ.
  8. ຖົ່ວ ເໝາະສຳລັບຕອນສວາຍ : ຖົ່ວມີປະໂຫຍດຫລວງຫລາຍ ທັງຊ່ວຍຫລຸດນຳ້ຕານໃນເລືອດ ແລະ ຊ່ວຍໃຫ້ຫົວໃຈແຂງແຮງ, ແຕ່ຖ້າໄປກິນຕອນແລງກໍຈະເຮັດໃຫ້ຕຸ້ຍ ຍ້ອນໃນຖົ່ວມີໄຂມັນສູງ.
  9. ຊັອກໂກແລັດດຳ ເໝາະສຳລັບຕອນເຊົ້າ ບໍ່ແມ່ນເຂົ້າໜົມກິນຫລິ້ນ : ຊັອກໂກແລັດດຳຈະຊ່ວຍໃຫ້ທ່ານນານເຖົ້າ ເພາະມີສານຕ້ານອະນຸມູນອິດສະລະສູງ, ຫລຸດຄວາມສ່ຽງຂອງພະຍາດຫົວໃຈ, ແຕ່ຖ້າເອົາໄວ້ກິນຫລິ້ນໝົດມື້ຕ້ອງລະວັງຕຸ້ຍ ເພາະໄຂມັນຫລາຍສົມຄວນ.
  10. ເຂົ້າ ເໝາະສົມສຳລັບກິນຕອນສວາຍ ບໍ່ແມ່ນຕອນກາງຄືນ : ເຂົ້າແມ່ນຄາໂບໄຮເດຣດ ຊ່ວຍໃຫ້ເຮົາມີພະລັງງານໃນການໃຊ້ຊີວິດໄປໝົດມື້, ແຕ່ຖ້າກິນເປັນເຂົ້າແລງກໍບໍ່ເໝາະສົມກັບຄົນທີ່ຢາກຫລຸດນຳ້ໜັກປານໃດ.
- lattana 1 -      ບາງອາຫານຖ້າກິນບໍ່ຖືກເວລາກໍບໍ່ມີປະໂຫຍດ
- new3 -      ບາງອາຫານຖ້າກິນບໍ່ຖືກເວລາກໍບໍ່ມີປະໂຫຍດ
error: Content is protected !!