ຍີ່ປຸ່ນຈັບ “ຄູ” ໂຮງຮຽນກຽມອະນຸບານ ທາລຸນເດັກອ່ອນສິບກໍລະນີ

- a9a42e90 73a9 11ed b9f1 cb02ab18c74f original - ຍີ່ປຸ່ນຈັບ “ຄູ” ໂຮງຮຽນກຽມອະນຸບານ ທາລຸນເດັກອ່ອນສິບກໍລະນີ
- 16583075379783 - ຍີ່ປຸ່ນຈັບ “ຄູ” ໂຮງຮຽນກຽມອະນຸບານ ທາລຸນເດັກອ່ອນສິບກໍລະນີ

ສື່ທ້ອງຖິ່ນຍີ່ປຸ່ນລາຍງານການຈັບກຸມຄູຜູ້ຍິງ 3 ຄົນ ເຊິ່ງເຄີຍເຮັດວຽກຢູ່ໂຮງຮຽນກຽມອະນຸບານຊາກຸຣະ ໂຮອິຄຸເອນ ໃນເມືອງຊູໂຊໂນະ ແຂວງຊິຊູໂອກະ ທາງຕອນກາງຂອງປະເທດ ໃນວັນທີ 4 ທັນວາ ຂໍ້ຫາກະທຳທາລຸນເດັກອ່ອນທີ່ຢູ່ໃນການເບິ່ງແຍງຂອງພວກນາງ.

ການດຳເນີນການເບື້ອງຕົ້ນເກີດຂຶ້ນຫລັງຈາກມີການເປີດເຜີຍວ່າ: ອະດີດຄູໂຮງຮຽນເອກະຊົນກຸ່ມນີ້ກ່ຽວຂ້ອງກັບກໍລະນີກະທຳທາລຸນລະຫວ່າງເດືອນມິຖຸນາ-ສິງຫາ ຈຳນວນ 15 ກໍລະນີ ເຊິ່ງລວມທັງການຈັບເດັກອາຍຸ 1 ປີຫ້ອຍຫົວ, ບັງຄັບເດັກແກ້ໂສ້ງ, ຂົ່ມຂູ່ເດັກດ້ວຍມີດ ແລະ ການກະທຳທາລຸນອື່ນໆ.

ທາງການເມືອງຊູໂຊໂນະເປີດເຜີຍວ່າ: ຄູທັງ 3 ຄົນ ເຊິ່ງເຄີຍເປັນສ່ວນໜຶ່ງຂອງຄະນະຄູ 6 ຄົນທີ່ຮັບຜິດຊອບຫ້ອງຮຽນເດັກອາຍຸ 1 ປີ ແລະ ລາອອກຈາກວຽກເມື່ອບໍ່ດົນມານີ້ ຍອມຮັບວ່າພວກນາງມີພຶດຕິກຳກະທຳທາລຸນດັ່ງກ່າວ ແຕ່ອ້າງເຫດຜົນວ່າພວກນາງພະຍາຍາມສັ່ງສອນລະບຽບວິໄນເດັກ.

ລາຍງານຂ່າວລະບຸວ່າ: ເຈົ້າໜ້າທີ່ຕຳຫລວດຈະກວດສອບບັນທຶກທີ່ໄດ້ຮັບມາ ເນື່ອງຈາກເຊື່ອວ່າຍັງເກີດການກະທຳທາລຸນຢູ່ໂຮງຮຽນແຫ່ງນີ້ ເຊິ່ງບີບບັງຄັບພະນັກງານທັງໝົດເຊັນສັນຍາວ່າຈະບໍ່ເປີດເຜີຍສິ່ງທີ່ເກີດຂຶ້ນໃນໂຮງຮຽນ ໂດຍຕຳຫລວດເຂົ້າກວດຄົ້ນໂຮງຮຽນ ເພາະຢ້ານວ່າອາດມີການທຳລາຍຫລັກຖານ.

ທ່ານ ໂຕຊິຮິໂກະ ຊາກຸຣາອິ ຜູ້ອຳນວຍການໂຮງຮຽນ ຖືກສອບສວນ ແລະ ສັ່ງໃຫ້ເຮັດບັນທຶກການປະຕິບັດງານຂອງຄູທັງ 3 ຄົນ ເຊິ່ງເປັນສ່ວນໜຶ່ງຂອງການກວດສອບພິເສດທີ່ລັດຖະບານທ້ອງຖິ່ນເລີ່ມຕົ້ນດຳເນີນການນັບແຕ່ວັນທີ 3 ທັນວາຜ່ານມາ.

ແຫລ່ງຂ່າວກ່າວອີກວ່າ: ເຈົ້າໜ້າທີ່ທ້ອງຖິ່ນເຄີຍຮຽກຮ້ອງໂຮງຮຽນແຫ່ງນີ້ຊີ້ແຈງລາຍລະອຽດກໍລະນີກະທຳທາລຸນຕໍ່ເດັກແຕ່ລະຄົນໃນກາງເດືອນສິງຫາ, ແຕ່ທາງໂຮງຮຽນ ເຊິ່ງລວມທັງຜູ້ອຳນວຍການເມີນເສີຍຕໍ່ຂໍ້ກ່າວຫາມາເຖິງ 3 ເດືອນ.

ພໍ່ຂອງນັກຮຽນຍິງຄົນໜຶ່ງເປີດເຜີຍວ່າ: ລາວຕົກໃຈຕໍ່ການເປີດເຜີຍກໍລະນີກະທຳທາລຸນໃນໂຮງຮຽນ ແລະ ບໍ່ມີທາງຈະເຂົ້າໃຈຄົນທີ່ກະທຳການຊົ່ວຮ້າຍແບບນີ້ໄດ້ ແລະ ຢ້ານວ່າການກະທຳທາລຸນດັ່ງກ່າວອາດເກີດຂຶ້ນຕໍ່ລູກສາວອາຍຸ 1 ປີຂອງລາວນຳ.

-    AD conten website - ຍີ່ປຸ່ນຈັບ “ຄູ” ໂຮງຮຽນກຽມອະນຸບານ ທາລຸນເດັກອ່ອນສິບກໍລະນີ
- lattana banner 1 - ຍີ່ປຸ່ນຈັບ “ຄູ” ໂຮງຮຽນກຽມອະນຸບານ ທາລຸນເດັກອ່ອນສິບກໍລະນີ
- lattana banner - ຍີ່ປຸ່ນຈັບ “ຄູ” ໂຮງຮຽນກຽມອະນຸບານ ທາລຸນເດັກອ່ອນສິບກໍລະນີ
error: Alert: ເນື້ອຫາຂ່າວມີລິຂະສິດ !!