ອິນໂດເນເຊຍຊອກຫາກຸ່ມນັກລົງທຶນ ຮ່ວມສ້າງ “ໂຮງໄຟຟ້ານິວເຄຼຍ”

ອິນໂດເນເຊຍຊອກຫາກຸ່ມນັກລົງທຶນ ຮ່ວມສ້າງ “ໂຮງໄຟຟ້ານິວເຄຼຍ” - image 27 - ອິນໂດເນເຊຍຊອກຫາກຸ່ມນັກລົງທຶນ ຮ່ວມສ້າງ “ໂຮງໄຟຟ້ານິວເຄຼຍ”
ອິນໂດເນເຊຍຊອກຫາກຸ່ມນັກລົງທຶນ ຮ່ວມສ້າງ “ໂຮງໄຟຟ້ານິວເຄຼຍ” - 16583075379783 - ອິນໂດເນເຊຍຊອກຫາກຸ່ມນັກລົງທຶນ ຮ່ວມສ້າງ “ໂຮງໄຟຟ້ານິວເຄຼຍ”

ວັນທີ 4 ທັນວາ, ໜ່ວຍງານເບິ່ງແຍງຄວບຄຸມພະລັງງານນິວເຄຼຍແຫ່ງຊາດອິນໂດເນເຊຍ ເປີດເຜີຍເປົ້າໝາຍພັດທະນາໂຮງໄຟຟ້ານິວເຄຼຍພາຍໃນປີ 2039 ເພື່ອບັນລຸການປ່ອຍແກັສເຮືອນແກ້ວສຸດທິເປັນສູນ ແລະ ສະໜັບສະໜູນຄວາມຕ້ອງການພະລັງງານພາຍໃນປະເທດ.

ທ່ານ ຮາເອນດຣາ ຊູເບກຕີ ຜູ້ອຳນວຍການຝ່າຍຕິດຕັ້ງ ແລະ ຄວບຄຸມວັດສະດຸນິວເຄຼຍ ສັງກັດໜ່ວຍງານເບິ່ງແຍງຄວບຄຸມພະລັງງານນິວເຄຼຍແຫ່ງຊາດອິນໂດເນເຊຍ ລະບຸວ່າ: ອິນໂດເນເຊຍກຳລັງຊອກຫາກຸ່ມນັກລົງທຶນມາສະໜັບສະໜູນເງິນທຶນສຳລັບກໍ່ສ້າງໂຮງໄຟຟ້ານິວເຄຼຍ ໂດຍຕອນນີ້ມີບໍລິສັດເອກະຊົນບໍ່ເທົ່າໃດແຫ່ງທີ່ຍິນດີຮ່ວມລົງທຶນ ເຊິ່ງຄາດຫວັງວ່າຈະມີນັກລົງທຶນເຂົ້າມາເພີ່ມຂຶ້ນ.

ທ່ານ ຊູເບກຕີ ກ່າວວ່າ: ມີການຮ່າງລະບຽບຂໍ້ບັງຄັບກ່ຽວກັບຄວາມປອດໄພຂອງໂຄງສ້າງພື້ນຖານນິວເຄຼຍ, ຈັດກຽມຕຳແໜ່ງທີ່ຕັ້ງໂຮງໄຟຟ້ານິວເຄຼຍ ແລະ ກຳນົດແຜນການດຳເນີນງານໄລຍະທົດລອງ ເຊິ່ງລ້ວນໃກ້ສຳເລັດສົມບູນແລ້ວ ໂດຍຕຳແໜ່ງທີ່ຕັ້ງນັ້ນຈະບໍ່ຢູ່ໃນພື້ນທີ່ສ່ຽງເກີດແຜ່ນດິນໄຫວ.

ທັງນີ້, ແຜນການກໍ່ສ້າງໂຮງໄຟຟ້ານິວເຄຼຍຂອງອິນໂດເນເຊຍຖືກກຳນົດພາຍໃຕ້ກົດລະບຽບຂອງລັດຖະບານວ່າດ້ວຍການດຳເນີນທຸລະກິດທີ່ມີຄວາມສ່ຽງ ໂດຍໂຮງໄຟຟ້ານິວເຄຼຍແຫ່ງໃໝ່ນີ້ມຸ່ງຈັດສັນພະລັງງານໃໝ່ ແລະ ພະລັງງານໝູນວຽນພາຍໃນປະເທດ ເພື່ອບັນລຸເປົ້າໝາຍການປ່ອຍແກັສເຮືອນແກ້ວເປັນສູນ.

ອິນໂດເນເຊຍຊອກຫາກຸ່ມນັກລົງທຶນ ຮ່ວມສ້າງ “ໂຮງໄຟຟ້ານິວເຄຼຍ” - lattana banner - ອິນໂດເນເຊຍຊອກຫາກຸ່ມນັກລົງທຶນ ຮ່ວມສ້າງ “ໂຮງໄຟຟ້ານິວເຄຼຍ”
ອິນໂດເນເຊຍຊອກຫາກຸ່ມນັກລົງທຶນ ຮ່ວມສ້າງ “ໂຮງໄຟຟ້ານິວເຄຼຍ” - lattana banner 1 - ອິນໂດເນເຊຍຊອກຫາກຸ່ມນັກລົງທຶນ ຮ່ວມສ້າງ “ໂຮງໄຟຟ້ານິວເຄຼຍ”
ອິນໂດເນເຊຍຊອກຫາກຸ່ມນັກລົງທຶນ ຮ່ວມສ້າງ “ໂຮງໄຟຟ້ານິວເຄຼຍ” -    AD conten website - ອິນໂດເນເຊຍຊອກຫາກຸ່ມນັກລົງທຶນ ຮ່ວມສ້າງ “ໂຮງໄຟຟ້ານິວເຄຼຍ”
error: Alert: ເນື້ອຫາຂ່າວມີລິຂະສິດ !!