ເຄັດລັບຄຸນນະພາບທີ່ດີເພື່ອອາຍຸທີ່ຍືນຍາວ

- Untitled design - ເຄັດລັບຄຸນນະພາບທີ່ດີເພື່ອອາຍຸທີ່ຍືນຍາວ

- 2902 300x162 - ເຄັດລັບຄຸນນະພາບທີ່ດີເພື່ອອາຍຸທີ່ຍືນຍາວ     ຄຸນນະພາບຊີວິດທີ່ດີມີຫົວໃຈສຳຄັນຢູ່ 4 ຢ່າງຄື :

  1. ຮ່າງກາຍທີ່ແຂງແຮງ (Biological).
  2. ຈິດໃຈທີ່ມີຄວາມສຸກ (Phychological).
  3. ວິນຍານ ຫລື ຄວາມພາກພູມໃຈໃນໂຕເອງ.
  4. ສັງຄົມດີໆທີ່ຢູ່ອ້ອມໂຕ (Social) ເຊັ່ນ : ລູກ, ຫລານ, ຍາດພີ່ນ້ອງ ແລະ ໝູ່ອ້ອມໂຕ.

ນອກຈາກນີ້, ຍັງມີອີກຫລາຍປັດໄຈງ່າຍໆທີ່ຈະຊ່ວຍໃຫ້ທ່ານມີອາຍຸຍືນຍາວຂຶ້ນໄດ້ ເຊິ່ງມີຄື :

  1. ອາຫານ : ໄລຍະອາຍຸ 50 ປີ ເປັນໄວທີ່ຄວນຈະຊ່ວຍປະຄັບປະຄອງການເຮັດວຽກຂອງແຊນນັບລ້ານໆແຊນທີ່ຢູ່ໃນຮ່າງກາຍໃຫ້ເຮັດວຽກໄດ້ຢ່າງເປັນປົກກະຕິ ເພາະໄວນີ້ມີການເສື່ອມຖອຍຂອງລະບົບການເຮັດວຽກໃນອະໄວຍະວະທຸກລະບົບ ແລະ ລະບົບການເຜົາຜານອາຫານ (metabolism) ດັ່ງນັ້ນ, ຄວນຫລຸດປະລິມານອາຫານລົງ ໃຫ້ພໍດີກັບການໃຊ້ພະລັງງານແທ້ ຄືປະມານ 1.500 ກິໂລກາລໍຣີຕໍ່ມື້ ແລະ ກິນອາຫານໃຫ້ຄົບ 5 ໝວດ, ກິນຜັກ ແລະ ໝາກໄມ້ ມື້ລະ 5 ຈານນ້ອຍ.
  2. ອາກາດ : ຖ້າໄດ້ອົກຊີແຊນທີ່ດີຈາກສະຖານທີ່ອັນປອດໂປ່ງ ເຊັ່ນ : ຢູ່ສວນສາທາລະນະໃນຕອນເຊົ້າໆຈະເຮັດໃຫ້ເລືອດຟອກໄປລ້ຽງຮ່າງກາຍມີປະລິມານອົກຊີແຊນທີ່ພຽງພໍ ເຮັດໃຫ້ແຊນມີຄຸນນະພາບ ສົ່ງຜົນໃຫ້ອະໄວຍະວະທຸກພາກສ່ວນເຮັດວຽກ ໄດ້ຢ່າງມີປະສິດທິພາບ. ຄວນຢູ່ໃນສິ່ງແວດລ້ອມທີ່ດີ, ຫລີກເວັ້ນຄວັນຈາກທໍ່ລົດ ຫລື ໂຮງງານ ຕະຫລອດຮອດສຽງດັງທີ່ມາຈາກເຄື່ອງຈັກຕ່າງໆ ໂດຍອາດຈະມີການປູກຕົ້ນໄມ້ອ້ອມໆເຮືອນ ແລະ ສ້າງຮົ້ວທີ່ໜາແໜ້ນ.
  3. ອອກກຳລັງກາຍ : ຊ່ວຍເຮັດໃຫ້ຄົງສະພາບການເຮັດວຽກຂອງກ້າມຊີ້ນ, ຂໍ້ຕໍ່ຕ່າງໆ ແລະ ເຮັດໃຫ້ການຟອກເລືອດໄຫລວຽນໄປລ້ຽງຮ່າງກາຍ ແລະ ເລືອດທີ່ໄປລ້ຽງຫົວໃຈໄດ້ຢ່າງດີ ເຮັດໃຫ້ຮ່າງກາຍ ແລະ ຫົວໃຈເຮັດວຽກໄດ້ຄ່ອງແຄ້ວຂຶ້ນ. ຜູ້ເຖົ້າຄວນອອກກຳລັງກາຍຢ່າງສະໝໍ່າສະເໝີທຸກມື້ ຫລື ຢ່າງໜ້ອຍອາທິດລະ 3 ເທື່ອ ເທື່ອລະປະມານ 30 ນາທີ.
  4. ອະນາໄມ :

– ບໍ່ສູບຢາ ເນື່ອງຈາກໄວເສື່ອມຖອຍ ການສູບຢາຈະເຮັດໃຫ້ຖົງລົມປອດເຮັດວຽກບໍ່ໄດ້ເຕັມທີ່ ເນື່ອງຈາກມີຄາບນິໂກຕິນ ແລະ ສານພິດອື່ນໆທີ່ປົນເປື້ອນຢູ່ໃນຢາສູບໄປຈັບຕິດໃນຫລອດລົມ ແລະ ຖົງລົມປອດ.

– ບໍ່ດື່ມເຫລົ້າ ຫລື ເຄື່ອງດື່ມທີ່ມີອານກໍຮໍ ຕະຫລອດຈົນຢາເສບຕິດປະເພດຕ່າງໆ.

– ສັງເກດອາການຜິດປົກກະຕິຂອງຮ່າງກາຍ ແລະ ຈິດໃຈໄວນີ້ມີການປ່ຽນແປງ ຖ້າສັງເກດພົບຄວາມຜິດປົກກະຕິໃນໄລຍະເລີ່ມຕົ້ນຈະເຮັດໃຫ້ການປິ່ນປົວໄດ້ຜົນດີໄວ.

- Wave100S AD to Website 2020 0 - ເຄັດລັບຄຸນນະພາບທີ່ດີເພື່ອອາຍຸທີ່ຍືນຍາວ

– ກວດສຸຂະພາບປະຈຳປີຢ່າງສະໝໍ່າສະເໝີ.

  1. ແສງຕາເວັນ : ການຮັບແສງແດດອ່ອນໆໃນຕອນເຊົ້າເພື່ອໃຫ້ໄດ້ຮັບວິຕາມິນເດຢ່າງພຽງພໍ ຈະຊ່ວຍໃນການດູດຊຶມທາດການຊຽມ ແລະ ຟົສຟໍຂອງຮ່າງກາຍສາມາດປ້ອງກັນ ແລະ ຂັດຂວາງການເກີດພະຍາດກະດູກຜ່ອຍໄດ້.
  2. ອາລົມ : ຜູ້ເຖົ້າຈະມີອາລົມປ່ຽນແປງງ່າຍ ເຊັ່ນ : ໝຸດໝັດ, ໃຈຮ້າຍງ່າຍ ເຮັດໃຫ້ຂາດສະຕິໃນການພິຈາລະນາເຫດຜົນຈົນເກີດຄວາມຂັດແຍ່ງກັບບຸກຄົນອື່ນໄດ້ງ່າຍ ຕ້ອງຫາວິທີໃນການຄວບຄຸມອາລົມ ເຊິ່ງມີຫລາຍວິທີຄື : ການຝຶກສະມາທິ, ການສຶກສາທຳມະ ຈະຊ່ວຍໃຫ້ເກີດອາລົມຜ່ອນຄາຍ ແລະ ມີສະຕິຫລາຍຂຶ້ນ.
  3. ກິດຈະກຳຍາມວ່າງ : ຄວນມີເພື່ອດຶງຄວາມສົນໃຈ ຫລື ຫລຸດການໝົກໝຸ້ນໃນສິ່ງທີ່ເຮັດໃຫ້ບໍ່ສະບາຍໃຈ ເປັນການໃຊ້ເວລາວ່າງໃຫ້ເປັນປະໂຫຍດ.
  4. ອາຈົມ, ຍ່ຽວ : ຖ້າມີບັນຫາເລື່ອງຖ່າຍຍາກ ຫລື ຖ່າຍແຫລວ ສົ່ງຜົນໃຫ້ມີສານພິດຕົກຄ້າງໃນຮ່າງກາຍ ອາດເຮັດໃຫ້ ເກີດພະຍາດມະເຮັງລຳໄສ້ໄດ້ຖ້າ ເປັນເລື້ອຍໆການປ້ອງກັນການຖ່າຍຍາກຈຶ່ງຄວນກິນອາຫານທີ່ມີຜັກ, ຜັກໄມ້ຫລາຍໆ ແລະ ອອກກຳລັງກາຍຢ່າງສະໝໍ່າສະເໝີ.
  5. ອຸປະຕິເຫດ : ລະມັດລະວັງບໍ່ໃຫ້ເກີດອຸປະຕິເຫດໂດຍວິທີການຕ່າງໆ ເຊັ່ນ : ສາຍຕາຍາວຕ້ອງໃສ່ແວ່ນຕາ, ຫູໄດ້ຍິນບໍ່ດີ ຕ້ອງໄປກວດເພື່ອແກ້ໄຂ, ສິ່ງແວດລ້ອມທີ່ເໝາະສົມຕ້ອງໄປປັບສະພາບແວດລ້ອມໃຫ້ເໝາະສົມ.
  6. ອະນາຄົດ : ຈະຕ້ອງມີການກຽມເງິນ ແລະ ບ່ອນຢູ່ອາໃສ ເພື່ອເປັນຫລັກປະກັນໃນການດຳລົງຊີວິດເມື່ອອາຍຸຫລາຍຂຶ້ນ.
- WhatsApp Image 2020 05 27 at 5 - ເຄັດລັບຄຸນນະພາບທີ່ດີເພື່ອອາຍຸທີ່ຍືນຍາວ
- WhatsApp Image 2020 05 27 at 5 - ເຄັດລັບຄຸນນະພາບທີ່ດີເພື່ອອາຍຸທີ່ຍືນຍາວ
error: Alert: ເນື້ອຫາຂ່າວມີລິຂະສິດ !!