ກະສິກໍາລາວ-ໄທຫາລືການຮ່ວມມືສອງຝ່າຍ

- advert banner 728 90 728x90 - ກະສິກໍາລາວ-ໄທຫາລືການຮ່ວມມືສອງຝ່າຍ

ໃນວັນທີ 28 ສິງຫານີ້, ກົມປູກຝັງກະຊວງກະສິກໍາ ແລະ ປ່າໄມ້ ແລະ ກົມວິຊາການກະເສດ ແລະ ສະຫະກອນຣາຊະອານາຈັກໄທໄດ້ຮ່ວມກັນ ປຶກສາຫາລືດ້ານວິຊາການກ່ຽວກັບການຮ່ວມມືສອງຝ່າຍຂຶ້ນຢູ່ທີ່ນະຄອນຫຼວງວຽງຈັນ, ຝ່າຍລາວນໍາໂດຍທ່ານ ວິໄລສຸກ ເຄນນະວົງ ຫົວໜ້າກົມປູກຝັງ ແລະ ຝ່າຍໄທນໍາໂດຍທ່ານ ຊູວິດ ໄຊກຽດຕິຍົດ ອະທິການບໍດີ ກົມວິຊາການກະເສດ ແລະ ສະຫະກອນ ພ້ອມດ້ວຍວິຊາການທັງສອງຝ່າຍເຂົ້າຮ່ວມ.

- new3 - ກະສິກໍາລາວ-ໄທຫາລືການຮ່ວມມືສອງຝ່າຍ

ເພື່ອສືບຕໍ່ຜັນຂະຫຍາຍເນື້ອໃນຂອງບົດບັນທຶກຄວາມເຂົ້າໃຈກ່ຽວກັບການຮ່ວມມືດ້ານການກະສິກໍາລະຫວ່າງກະຊວງກະສິກໍາ ແລະ ປ່າໄມ້ ສປປ ລາວ ແລະ ກະຊວງກະເສດ ແລະ ສະຫະກອນ ແຫ່ງຣາຊະອານາຈັກໄທ ທີ່ໄດ້ລົງນາມໃນປີ 2013 ຜ່ານມາ ແລະ ທັງສອງຝ່າຍໄດ້ຮ່ວມກັນປຶກສາຫາລື, ແລກປ່ຽນບົດຮຽນເຊິ່ງກັນ ແລະ ກັນ ແລະ ລາຍງານຄວາມຄືບໜ້າກ່ຽວກັບການຈັດຕັ້ງປະຕິບັດວຽກງານການປ້ອງກັນ ແລະ ຄວບຄຸມການລະບາດຂອງຕັກແຕນຝຸງໄມ້ປ່ອງຢູ່ບັນດາແຂວງພາກເໜືອຂອງລາວ ແລະ ການເປີດຕະຫລາດສິນຄ້າກະສິກໍາອີກຈໍານວນໜຶ່ງ  ເພື່ອສືບຕໍ່ວາງແຜນການຮ່ວມມືໃນຕໍ່ໜ້າ, ເພື່ອສ້າງຄວາມເຂັ້ມແຂງໃຫ້ແກ່ການປ້ອງກັນ ແລະ ຄວບຄຸມການລະບາດຂອງຕັກແຕນຝຸງໄມ້ປ່ອງຢູ່ ສປປ ລາວ, ການກວດສອບພືດ ແລະ ຜະລິດຕະພັນພືດທີ່ນໍາເຂົ້າ-ສົ່ງອອກ, ການຄຸ້ມຄອງປັດໄຈການຜະລິດ, ການປ້ອງກັນພືດ ແລະ ການຜະລິດກະສິກໍາອິນຊີໃຫ້ເຕີບໃຫຍ່ຂະຫຍາຍຕົວ.

- lattana 1 - ກະສິກໍາລາວ-ໄທຫາລືການຮ່ວມມືສອງຝ່າຍ
error: Content is protected !!