ເຈົ້າ​ໜ້າທີ່​ກວດກາ​ແຮງ​ງານຕ້ອງ​ເຂັ້ມງວດເຂັ້ມງວດວຽກງານຈຶ່ງຈະມີ​ປະສິດທິຜົນ

- advert banner 728 90 728x90 - ເຈົ້າ​ໜ້າທີ່​ກວດກາ​ແຮງ​ງານຕ້ອງ​ເຂັ້ມງວດເຂັ້ມງວດວຽກງານຈຶ່ງຈະມີ​ປະສິດທິຜົນ

​ວັນ​ທີ 29 ສິງຫາ​ນີ້, ທ່ານຫົວໜ້າ​ກົມ​ຄຸ້ມ​ຄອງ​ແຮງ​ງານ, ກະຊວງ​ແຮງ​ງານ ​ແລະ ສະຫວັດ​ດີກາ​ນສັງຄົມ ໄດ້​ແຈ້ງ​ໃຫ້​ຊາບວ່າ: ​ເພື່ອ​ເຮັດ​ໃຫ້​ການ​ກວດກາ​ແຮງ​ງານ​ມີ​ປະສິດທິຜົນ ​ແລະ ສຳ​ເລັດ​ຕາມ​ແຜນ​ງານ​ທີ່​ກຳນົດ​ໄວ້​ໃນ​ແຕ່ລະ​ໄລຍະ, ພ້ອມ​ທັງຮັບປະກັນ​ໃຫ້​ຜູ້​ອອກ​ແຮງ​ງານ ​ແລະ ຜູ້​ໃຊ້​ແຮງ​ງານ ​ໄດ້​ປະຕິບັດ​ພັນທະ​ຊຶ່ງ​ກັນ ​ແລະ ກັນ​ຢ່າງ​ຖືກຕ້ອງ​ຕາມ​ລະບຽບ​ການ​, ​ໂດຍ ຫລີກ​ລ່ຽງບັນຫາ​ຂໍ້​ຂັດ​ແຍ່ງ​ແຮງ​ງານ ​ແລະ ​ເພື່ອ​ປົກ​ປ້ອງ​ສິດຜົນປະ​ໂຫຍ​ດ​ໃຫ້​ແກ່​ຜູ້​ອອກ​ແຮງ​ງານ ​ແລະ ຜູ້​ໃຊ້​ແຮງ​ງານ​ນັ້ນ, ກະຊວງ​ແຮ​ງງານ ​ແລະ ສະຫວັດດີ​ການ​ສັງຄົມ ກໍ​ຄື​ກົມ​ຄຸ້ມ​ຄອງ​ແຮງ​ງານ ​ໄດ້ບັງຄັບ​ໃຊ້​ຂໍ້​ຕົກລົງ​ວ່າ​ດ້ວຍ​ການຈັດ​ຕັ້ງ ​ແລະ ການ​ເຄື່ອນ​ໄຫວ​ຂອງ​ເຈົ້າ​ໜ້າ​ທີ່​ກວດກາ​ແຮງ​ງານ ສະບັບ​ເລກທີ 4277/ຮສສ, ໄດ້​ລະບຸ​ໄວ້​ວ່າ: ​ເຈົ້າ​ໜ້າ​ທີ່​ກວດກາ​ແຮງ​ງານ​ທີ່​ຖືກ​ຄັດ​ເລືອກ​ ​ແລະ ​ແຕ່ງ​ຕັ້ງ​ຊຸດໃໝ່​ນີ້ ຖື​ວ່າ​ເປັນ​ເຈົ້າ​ໜ້າ​ທີ່​ແຫ່ງ​ຊາດ ປະຈຳ​ຢູ່​ສູນ​ກາງ ​ແລະ ທ້ອງ​ຖິ່ນ ລວມມີທັງ​ໝົດ 77 ຄົນ, ​ໂດຍ​ຫລຸດ​ລົງ​ຈາກ 348 ຄົນໃນເມື່ອກ່ອນ, ຊຶ່ງ​ເຈົ້າ​ໜ້າ​ທີ່​ທຸກ​ຄົນ​ມີໜ້າ​ທີ່​ເປັນ​ນັກ​ພັດທະນາ​ສະຖານ​ທີ່​ເຮັດ​ວຽກ, ນັກ​ໂຄສະນາ​ກົດໝາຍ, ​ເປັນ​ຜູ້​ບັງຄັບ​ໃຊ້​ກົດໝາຍ ​ແລະ ລະບຽບ​ການ​ຄຸ້ມ​ຄອງ​ແຮງ​ງານ​ຢູ່​ຫົວໜ່ວຍ​ແຮງ​ງານ​ທົ່ວ​ປະ​ເທດ​ໃຫ້​ມີ​ປະສິດທິພາບ ​ແລະ ປະສິດທິ​ຜົນ, ​ໂດຍ​ມີ​ການ​ວາງ​ແຜນ​ຕິດຕາມ​ກວດກາ ​ແລະ ຈັດ​ຕັ້ງ​ປະຕິບັດ​ວຽກ​ງານ​ກວດກາ​ແຮງ​ງານຢ່າງເຂັ້ມງວດ ແລະ ຮູ້ນຳ​ໃຊ້​ມາດ​ຕະການ​​ລົງ​ໂທດ​ດ້ວຍ​ການ​ປັບ​ໄໝ, ຮັບປະກັນ​ການ​ສະໜອງ​ຂໍ້​ມູນ​ທາງ​ດ້ານ​ວິຊາ​ການ ​ແລະ ​ໃຫ້​ຄຳ​ແນະນຳ​ແກ່​ຜູ້​ໃຊ້​ແຮງ​ງານ ​ແລະ ຜູ້​ອອກ​ແຮ​ງານ​​ໃຫ້​ສ່ອດຄ່ອງ ແລະ ຮູ້ນຳ​ເອົາ​ບັນຫາ​ທີ່​ເຫັນ​ວ່າມີການ​ລະ​ເມີດ, ​ມາ​ແຈ້ງ​ຕໍ່​ອົງການ​ກ່ຽວ​ຂ້ອງ​ທັນທີ, ພ້ອມລາຍ​ງານ​ຜົນ​ການ​ກວດກາ​ປະຈຳ​ເດືອນ​ໃຫ້​ຄະນະ​ເປັນ​ປົກກະຕິ, ບໍ່​ສ້າງ​ຜົນ​ປະ​ໂຫຍ​ດ​ໃຫ້​ກັບ​ຝ່າຍ​ໃດ​ຝ່າຍ​ໜຶ່ງ, ບໍ່​ສ້າງ​ຄວາມ​ເສື່ອ​ມ​ເສຍ​ໃຫ້​ແກ່​ອົງ​ກອນ ​ແລະ ບໍ່​ເປັນ​ຜົນ​ກະທົບ​ທາງ​ລົບ​ຕໍ່​ສາຍ​ພົວພັນ​ລະຫວ່າງ​ຜູ້​ໃຊ້​ແຮງ​ງານ ​ແລະ ຜູ້​ອອກ​ແຮງ​ງານຢ່າງ​ເດັດຂາດ.

- new3 - ເຈົ້າ​ໜ້າທີ່​ກວດກາ​ແຮງ​ງານຕ້ອງ​ເຂັ້ມງວດເຂັ້ມງວດວຽກງານຈຶ່ງຈະມີ​ປະສິດທິຜົນ

ຂະນະ​ດຽວ​ກັນ, ​ເຈົ້າ​ໜ້າ​ທີ່ກວດກາ​ແຮງ​ງານ ສາມາດ​ເຂົ້າ​ໄປ​ດຳ​ເນີນ​ການ​ກວດກາ​ແຮ​ງງານ​ຢູ່​ທຸກ​ຫົວໜ່ວຍ​ແຮ​ງງານ ​ແລະ ສະ​ຖານ​ທີ່​ເຮັດ​ວຽກ​ໄດ້​ທຸກ​ເວລາ​ທັງ​ກາງ​ເວັນ ​ແລະ ກາງຄືນ, ​ໂດຍ​ບໍ່​ມີ​ການ​ແຈ້ງ​ໃຫ້​ຫົວໜ່ວຍ​ທຸລະ​ກິດ​ຊາບ​ລ່ວງ​ໜ້າກໍ​ໄດ້, ດຳ​ເນີນ​ການ​ກວດກາ​ທຸກ​ໜ້າ​ວຽກ, ທຸກ​ຂະ​ບວນການ​ເຮັດ​ວຽກ, ​ເຄື່ອງ​ຈັກ, ​ເຄື່ອງມື, ວັດຖຸ ​ແລະ ອຸປະກອນ​ທຸກ​ຢ່າງ​​ໄດ້​ໃນ​ທັນທີ, ພ້ອມ​ທັງ ສາມາດ​ສອບ​ຖາມ​ເອົາ​ຂໍ້​ມູນ ​ແລະ ​ເອກ​ະສານ​ກ່ຽວຂ້ອງ​ຈາກ​ຜູ້​ໃຊ້​ແຮງ​ງານ, ຜູ້​ອອກ​ແຮງ​ງານ​​ໄດ້ທຸກ​ເວລາ, ນອກ​ນີ້ ຖ້າ​ພົບ​ບັນຫາ​ທຸລະ​ກິດ​ບໍ່​ຖືກຕ້ອງ, ​ເຈົ້າໜ້າ​ທີ່​ສາມາດ​ສັ່ງ​ໂຈະ​ການ​ຜະລິດ​ຊົ່ວຄາວ​ແຕ່​ບໍ່​ເກີນ​ 15 ວັນ, ​ໂດຍ​ຜູ້​ໃຊ້​ແຮງ​ງານ​ຕ້ອງ​ຈ່າຍ​ຄ່າ​ແຮງ​ງານ​ໃຫ້​ຜູ້ອອກ​ແຮງ​ງານ​ເຕັມ​ຕາມ​ປົກກະຕິ, ສ່ວນການຈະ​ສືບ​ຕໍ່​ໃຫ້​ດຳ​ເນີນ​ການ​ຜະລິດ​ ​ຫລື ຢຸດ​ການ​ຜະລິດ​ຖາວອນ​ນັ້ນ ​ແມ່ນ​ຂຶ້ນ​ກັບ​ຜົນ​ການ​ວິ​ເຄາະ​ທີ່​ມີ​ຫລັກ​ຖານ​ຮັດກຸມ ​ແລະ ສອດຄ່ອງ​ຕາມ​ລະບຽບກົດໝາຍ​ ພິ​ເສດ ​ເຈົ້າ​ໜ້າ​ທີ່ ​ມີ​ສິດສະ​ແດງ​ຕົວ​ດ້ວຍ​ການ​ແຈ້ງ​ບັດ​ເຈົ້າ​ໜ້າ​ທີ່​ກວດ​ກາ​ແຮງ​ງານ ຫລື ບໍ່​ສະ​ແດງ​ຕົວ​ຕໍ່ຫົວໜ່ວຍ​ແຮງ​ງານກໍ​ໄດ້ ​ໃນ​ກໍລະ ນີ​ຫາກ​​ເຫັນ​ວ່າການ​ສະ​ແດງ​ຕົວ​ນັ້ນ ອາດ​ມີ​ຜົນ​ກະທົບ​ຕໍ່​ການ​ປະຕິບັດ​ໜ້າ​ທີ່ ຫລື ອາດ​ມີ​ຄວາມ​ເປັນ​ອັນຕະລາຍ​ຕໍ່​ຕົນ​ເອງ.

- lattana 1 - ເຈົ້າ​ໜ້າທີ່​ກວດກາ​ແຮງ​ງານຕ້ອງ​ເຂັ້ມງວດເຂັ້ມງວດວຽກງານຈຶ່ງຈະມີ​ປະສິດທິຜົນ
error: Content is protected !!