ກຳຈັດຄວາມຂັດແຍ່ງຢູ່ບ່ອນເຮັດວຽກ

- advert banner 728 90 728x90 - ກຳຈັດຄວາມຂັດແຍ່ງຢູ່ບ່ອນເຮັດວຽກ

ຍ້ອນຢູ່ບ່ອນເຮັດວຽກແມ່ນສະຖານທີ່ໆມີຄົນຫລາຍຄົນມາຢູ່ຮ່ວມກັນ ເມື່ອທຸກຄົນເກີດມາຕ່າງຄົນກໍຕ່າງມີຄວາມຮູ້ສຶກນຶກຄິດ ເປັນຂອງຕົນເອງ ການມາຢູ່ຮ່ວມກັນຫລາຍໆຄົນກໍອາດມີຄວາມຂັດແຍ່ງກັນຂຶ້ນມາໄດ້, ແຕ່ມື້ນີ້ເຮົານຳເອົາແນວທາງໃນການ ສ້າງຄວາມສາມັກຄີໃນອົງກອນມາແນະນຳ ໂດຍແນວຄິດເຫລົ່ານີ້ສາມາດເອົາໄປປະຍຸກໃຊ້ໃນສະຖານທີ່ອື່ນ ຫລື ກຸ່ມສັງຄົມອື່ນໄດ້ຄືກັນ.

- 1 1 - ກຳຈັດຄວາມຂັດແຍ່ງຢູ່ບ່ອນເຮັດວຽກ
- Tiger Head 728x90 - ກຳຈັດຄວາມຂັດແຍ່ງຢູ່ບ່ອນເຮັດວຽກ
  1. ມີເປົ້າໝາຍດຽວກັນ ແລະ ເປັນເປົ້າໝາຍທີ່ຈະແຈ້ງ :  ລອງກວດຫາເບິ່ງວ່າເປົ້າໝາຍໃນອົງກອນມີຄວາມຈະແຈ້ງຫລືບໍ່ ແລະ ຄວາມຂັດແຍ່ງທີ່ເກີດຂຶ້ນນັ້ນເກີດຈາກຄວາມຢາກໃຫ້ອົງກອນເຂົ້າໄປສູ່ເປົ້າໝາຍໃຫ້ໄດ້ຫລາຍທີ່ສຸດ ຫລືບໍ່ ຫລື ເກີດຈາກຄວາມຜິດພາດຂອງຝ່າຍໃດຝ່າຍໜຶ່ງກັນແທ້ ຫາກສາມາດຫາຕົ້ນຕໍ ແລະ ຈຸດປະສົງຂອງແຕ່ລະຝ່າຍໄດ້ ກໍຈະສາມາດປ້ອງກັນບັນຫາທີ່ຈະເກີດຂຶ້ນໃນອະນາຄົດໄດ້.
  2. ພະນັກງານຄວນແຍກເລື່ອງວຽກ ແລະ ເລື່ອງສ່ວນໂຕອອກຈາກກັນ : ໂດຍສ່ວນຫລາຍແລ້ວຄວາມບໍ່ພໍໃຈໃນເລື່ອງສ່ວນ ໂຕນີ້ແມ່ນຈຸດເລີ່ມຕົ້ນຂອງຄວາມຂັດແຍ່ງ ແລະ ການກັ່ນແກ້ງ ຫລື ຫາເລື່ອງໃສ່ກັນຢູ່ບ່ອນເຮັດວຽກ ເຊິ່ງຫາກເປັນແບບນີ້ອົງການຄົງໄປບໍ່ລອດ. ການແກ້ໄຂກໍຄືການສ້າງຄວາມຮູ້ຈັກກັນໃນອົງກອນໃຫ້ຫລາຍຂຶ້ນ ອາດເປັນການໄປພັກຜ່ອນດ້ວຍກັນ ຫລື ໄປເຮັດກິດຈະກຳດ້ວຍກັນ ເພື່ອຫລຸດແຮງກະທົບກະແທກກັນລະຫ່ວາງພະແນກໃຫ້ໄດ້ຫລາຍຂຶ້ນ ທັງຄວນພະຍາຍາມຫລີກເວັ້ນການລົມກັນເລື່ອງອ່ອນໄຫວຕ່າງໆ ບໍ່ວ່າຈະແມ່ນສາສະໜາ, ການເມືອງ ເປັນຕົ້ນ.
  3. ຕ້ອງເປັນອົງກອນທີ່ມີຄວາມຍຸຕິທຳ : ເຈົ້າຂອງກິດຈະການ, ເຈົ້າຂອງບໍລິສັດ ຫລື ແມ່ນແຕ່ຫົວໜ້າວຽກຄວນມີຄວາມຍຸຕິ ທຳໃຫ້ແກ່ລູກນ້ອງ, ໃຫ້ກຽດທຸກຄົນເທົ່າກັນ, ບໍ່ເລືອກບ່ອນຮັກບ່ອນຊັງ, ຫາກຢາກຮ້າຍໃຫ້ຄົນທີ່ຜິດກໍຄວນເຮັດຢູ່ບ່ອນທີ່ສາມາດ ຮ້າຍໄດ້ສອງຕໍ່ສອງ ບໍ່ຮ້າຍປະຈານຕໍ່ໜ້າຄົນອື່ນໃຫ້ເສຍໃຈເສຍໜ້າ ເພາະເຂົາອາດຈະບໍ່ຢູ່ກັບທ່ານອີກຕໍ່ໄປ ລວມໄປເຖິງເຮັດໃຫ້ພະນັກງານຄົນອື່ນເສຍຂັວນໄປນຳ ແລະ ຫາກເປັນຄວາມຂັດແຍ່ງລະຫ່ວາງພະນັກງານນຳກັນເອງຄວນເອີ້ນມາລົມກັນດ້ວຍສະ ຕິ ແລະ ໃຈເຢັນ ບໍ່ແມ່ນໄປທ້າຕີກັນນອກຫ້ອງປະຊຸມ, ຫາຂໍ້ຍຸຕິທີ່ເປັນທຳກັບສອງຝ່າຍເປັນ Win – Win Situation ເພື່ອໃຫ້ທຸກຄົນສາມາດເຮັດວຽກຕໍ່ໄປໄດ້ໂດຍບໍ່ເສຍໜ້າ ຫລື ເສຍກຳລັງໃຈ ລວມໄປເຖິງຫາກມີບັນຫາໃນອົງກອນທຸກຄົນຄວນຫາທາງຖອຍ ຫລື ເສຍສະຫລະແດ່ ເພື່ອປະໂຫຍດຂອງສ່ວນລວມ ແລະ ຢ່າລືມວ່າການແກ້ໄຂປັບປຸງລະບົບເພື່ອໃຫ້ການເຮັດວຽກມີປະສິດທິພາບຫລາຍຂຶ້ນນັ້ນມີປະໂຫຍດຫລາຍຕໍ່ໃນອະນາຄົດຫລາຍທີ່ສຸດ.
  4. ມີການຈັດການບັນຫາຢ່າງໄວ ບໍ່ໝັກໝົມໄວ້ : ບໍ່ຄວນປ່ອຍປະລະເລີຍໃຫ້ບັນຫາກາຍຈາກເລື່ອງນ້ອຍເປັນເລື່ອງໃຫຍ່ ຫາກມີໃຜຈັກຄົນທີ່ເປັນສາຍສືບໃນອົງກອນທີ່ຊ່ວຍເບິ່ງແຍງ ແລະ ແຈ້ງບັນຫາກໍໜ້າຈະດີຄືກັນ ເຊິ່ງສ່ວນຫລາຍແລ້ວບັນຫາໃນການເຮັດວຽກມັກຈະເປີດເຜີຍໃນເວລາພັກທ່ຽງ, ໄລຍະພັກດື່ມກາເຟ ຫລື ຫລັງເລີກວຽກໄປແລ້ວ.
  5. ທຳຄວາມເຂົ້າໃຈ : ເຮັດຄວາມເຂົ້າໃຈວ່າທຸກຄົນມາຈາກຄົນລະພໍ່ລະແມ່, ມີພື້ນຖານ, ມີມາດຕະຖານ ແລະ ຄວາມເຂົ້າໃຈ ຕະຫລອດຈົນການຕີຄວາມໝາຍທີ່ແຕກຕ່າງກັນໄດ້ ລວມໄປເຖິິງອາຍຸ, ການສຶກສາ, ແນວຄິດ ແລະ ຄວາມເຊື່ອ ກໍເຮັດໃຫ້ຄົນເຮົາແຕກຕ່າງກັນໄດ້ຄືກັນ, ການຍອມຮັບຄວາມແຕກຕ່າງນີ້ ແລ້ວພະຍາຍາມຫາທາງແກ້ໄຂບັນຫາດ້ວຍສະຕິ ຈະສາມາດປ້ອງກັນບັນຫາທີ່ຈະເກີດຂຶ້ນໄດ້ໃນອະນາຄົດ ແລະ ໃນທີ່ສຸດອົງກອນກໍຈະມີຄວາມສາມັກຄີຫລາຍຂຶ້ນ ເພາະຕ່າງຄົນກໍຕ່າງຍອມຮັບຄວາມແຕກຕ່າງໃນກັນ ແລະ ກັນໄດ້.
error: Content is protected !!