ເຈົ້າແຂວງເຊກອງ ພົບປະໂອ້ລົມ ແລະ ມອບເຄື່ອງນຸ່ງຫົ່ມຕ້ານໄພໜາວໃຫ້ປະຊາຊົນບ້ານໂລຍ ເມືອງກະລຶມ

ເຈົ້າແຂວງເຊກອງ ພົບປະໂອ້ລົມ ແລະ ມອບເຄື່ອງນຸ່ງຫົ່ມຕ້ານໄພໜາວໃຫ້ປະຊາຊົນບ້ານໂລຍ ເມືອງກະລຶມ -  e1672200145943 - ເຈົ້າແຂວງເຊກອງ ພົບປະໂອ້ລົມ ແລະ ມອບເຄື່ອງນຸ່ງຫົ່ມຕ້ານໄພໜາວໃຫ້ປະຊາຊົນບ້ານໂລຍ ເມືອງກະລຶມ
ເຈົ້າແຂວງເຊກອງ ພົບປະໂອ້ລົມ ແລະ ມອບເຄື່ອງນຸ່ງຫົ່ມຕ້ານໄພໜາວໃຫ້ປະຊາຊົນບ້ານໂລຍ ເມືອງກະລຶມ - kitchen vibe - ເຈົ້າແຂວງເຊກອງ ພົບປະໂອ້ລົມ ແລະ ມອບເຄື່ອງນຸ່ງຫົ່ມຕ້ານໄພໜາວໃຫ້ປະຊາຊົນບ້ານໂລຍ ເມືອງກະລຶມ

ດ້ວຍຄວາມເປັນຫ່ວງເປັນໄຍຂອງການນໍາພັກ-ລັດ ຕໍ່ການດໍາລົງຊີວິດຂອງປະຊາຊົນບັນດາເຜົ່າ, ໃນວັນທີ 27 ທັນວາ 2022 ທ່ານ ເຫລັກໄຫລ ສີວິໄລ ເຈົ້າແຂວງເຊກອງ ພ້ອມຄະນະໄດ້ລົງພົບປະຢ້ຽມຢາມ ແລະ ໂອ້ລົມປະຊາຊົນບ້ານໂລຍ ເມືອງກະລຶມ, ໂດຍມີທ່ານ ອໍບົວລາ ອ່ອນມະໄລວົງ ເຈົ້າເມືອງກະລຶມ, ມີຄະນະພັກຮາກຖານ-ຄະນະໜ່ວຍພັກ, ອົງການປົກຄອງບ້ານ ແລະ ປະຊາຊົນພາຍໃນບ້ານດັ່ງກ່າວ ຕ້ອນຮັບຢ່າງອົບອຸ່ນ.

ທ່ານ ຄໍາມອນ ທໍາມະວົງສັກ ຮອງນາຍບ້ານໂລຍ ລາຍງານວ່າ: ບ້ານໂລຍ ແມ່ນບ້ານໜຶ່ງທີ່ຂຶ້ນກັບກຸ່ມ I ສອງຄອນເມືອງກະລຶມ ແຂວງເຊກອງ ເຊິ່ງຫ່າງຈາກເທສະບານເມືອງປະມານ 15 ກິໂລແມັດ, ມີເນື້ອທີ່ການປົກຄອງທັງໝົດ 1.439,2 ເຮັກຕາ, ປະກອບມີ 3 ຊົນເຜົ່າ, 96 ຫລັງຄາເຮືອນ, 143 ຄອບຄົວ, ມີພົນລະເມືອງທັງໝົດ 607 ຄົນ, ຍິງ 306 ຄົນ, ປະຊາຊົນມີອາຊີບເຮັດໄຮ່, ເຮັດນາ ແລະ ລ້ຽງສັດເປັນຕົ້ນຕໍ ເຊິ່ງພາຍໃນບ້ານມີເນື້ອທີ່ນາ 35,7 ເຮັກຕາ, ເນື້ອທີ່ໄຮ່ 115 ເຮັກຕາ ແລະ ມີສັດລ້ຽງ300 ກວ່າໂຕ; ໄລຍະຜ່ານມາ ພາຍໃຕ້ການນໍາພາ-ຊີ້ນໍາຂອງຄະນະບໍລິຫານງານພັກເມືອງກະລຶມ ກໍ່ຄື ຄະນະພັກ, ອົງການປົກຄອງບ້ານ ແລະ ຄວາມສາມັກຄີເປັນເຈົ້າຕົນເອງຂອງປະຊາຊົນ ໄດ້ສຸມໃສ່ພັດທະນາເສດຖະກິດຄອບຄົວ ຕາມທ່າແຮງບົ່ມຊ້ອນ ແລະ ຄວາມອາດສາມາດຕົວຈິງ ອັນໄດ້ເຮັດໃຫ້ຊີວິດການເປັນຢູ່ຂອງປະຊາຊົນນັບມື້ດີຂຶ້ນເປັນກ້າວໆ.

ເຈົ້າແຂວງເຊກອງ ພົບປະໂອ້ລົມ ແລະ ມອບເຄື່ອງນຸ່ງຫົ່ມຕ້ານໄພໜາວໃຫ້ປະຊາຊົນບ້ານໂລຍ ເມືອງກະລຶມ - Visit Laos Visit SALANA BOUTIQUE HOTEL - ເຈົ້າແຂວງເຊກອງ ພົບປະໂອ້ລົມ ແລະ ມອບເຄື່ອງນຸ່ງຫົ່ມຕ້ານໄພໜາວໃຫ້ປະຊາຊົນບ້ານໂລຍ ເມືອງກະລຶມ

ໂອກາດນີ້, ທ່ານ ເຈົ້າແຂວງເຊກອງ ໄດ້ມີຄໍາເຫັນໂອ້ລົມ ແລະ ຊີ້ນໍາໃຫ້ຄະນະພັກ-ອົງການປົກຄອງບ້ານ ສືບຕໍ່ສຶກສາອົບຮົມພໍ່ແມ່ປະຊາຊົນໃຫ້ຮັບຮູ້, ເຂົ້າໃຈ ແລະ ປະຕິບັດລະບຽບກົດຂອງພັກ-ລັດວາງອອກຢ່າງເຂັ້ມງວດ; ຮັກສາມູນເຊື້ອຄວາມດຸໝັ່ນ, ມູນເຊື້ອຄວາມສາມັກຄີ ແລະ ມູນເຊື້ອຮັກບ້ານເກີດເມືອງນອນຂອງປະຊາຊົນບັນດາເຜົ່າ, ສົ່ງເສີມຄວາມສະເໝີພາບບົດບາດຍິງ-ຊາຍ; ຂະຫຍາຍເນື້ອທີ່ການຜະລິດ ໂດຍສະເພາະເນື້ອທີ່ນາຕາມບ່ອນທີ່ມີເງື່ອນໄຂໃຫ້ຫລາຍຂຶ້ນ; ປະຕິບັດຫລັກການອະນາໄມ 3 ສະອາດ, ສົ່ງເສີມໃຫ້ລູກ-ຫລານຂອງຕົນໃຫ້ໄດ້ຮັບການສຶກສາຢ່າງທົ່ວເຖິງ; ລຶບລ້າງການເຊື່ອຖືງົມງວາຍ, ປະຕິບັດວຽກງານປ້ອງກັນຊາດ-ປ້ອງຄວາມສະຫງົບ, ຕ້ານ ແລະ ສະກັດກັ້ນສະພາບບັນຫາປະກົດການຫຍໍ້ທໍ້ຕ່າງໆບໍ່ໃຫ້ເກີດຂຶ້ນພາຍໃນບ້ານຂອງຕົນ, ນໍາພາປະຊາຊົນພັດທະນາເສດຖະກິດຄອບຄົວ ດ້ວຍການປູກ, ການລ້ຽງ ແລະ ການບໍລິການຄ້າຂາຍ ເພື່ອໃຫ້ຄອບຄົວຫຼຸດພົ້ນອອກຈາກຄວາມທຸກຍາກ.

ພ້ອມນີ້, ທ່ານເຈົ້າແຂວງໄດ້ມອບຜ້າຫົ່ມ 100 ຜືນ, ເສື້ອກັນໜາວຜູ້ໃຫຍ່ 100 ໂຕ ແລະ ເສື້ອກັນໜາວເດັກນ້ອຍ 100 ໂຕ ໃຫ້ອົງການປົກຄອງບ້ານນໍາໄປແບ່ງປັນໃຫ້ປະຊາຊົນຢ່າງເໝາະສົມ.

ເຈົ້າແຂວງເຊກອງ ພົບປະໂອ້ລົມ ແລະ ມອບເຄື່ອງນຸ່ງຫົ່ມຕ້ານໄພໜາວໃຫ້ປະຊາຊົນບ້ານໂລຍ ເມືອງກະລຶມ - 3 - ເຈົ້າແຂວງເຊກອງ ພົບປະໂອ້ລົມ ແລະ ມອບເຄື່ອງນຸ່ງຫົ່ມຕ້ານໄພໜາວໃຫ້ປະຊາຊົນບ້ານໂລຍ ເມືອງກະລຶມ
ເຈົ້າແຂວງເຊກອງ ພົບປະໂອ້ລົມ ແລະ ມອບເຄື່ອງນຸ່ງຫົ່ມຕ້ານໄພໜາວໃຫ້ປະຊາຊົນບ້ານໂລຍ ເມືອງກະລຶມ - 4 - ເຈົ້າແຂວງເຊກອງ ພົບປະໂອ້ລົມ ແລະ ມອບເຄື່ອງນຸ່ງຫົ່ມຕ້ານໄພໜາວໃຫ້ປະຊາຊົນບ້ານໂລຍ ເມືອງກະລຶມ
ເຈົ້າແຂວງເຊກອງ ພົບປະໂອ້ລົມ ແລະ ມອບເຄື່ອງນຸ່ງຫົ່ມຕ້ານໄພໜາວໃຫ້ປະຊາຊົນບ້ານໂລຍ ເມືອງກະລຶມ - 5 - ເຈົ້າແຂວງເຊກອງ ພົບປະໂອ້ລົມ ແລະ ມອບເຄື່ອງນຸ່ງຫົ່ມຕ້ານໄພໜາວໃຫ້ປະຊາຊົນບ້ານໂລຍ ເມືອງກະລຶມ