ໜ່ວຍງານປັບສະຖານະພາບແຮງງານລາວປະຈຳ​ໄທ​ເປີດ​​ໃຫ້​ບໍລິການຢ່າງ​ເປັນ​ທາງ​ການແລ້ວ

- advert banner 728 90 728x90 - ໜ່ວຍງານປັບສະຖານະພາບແຮງງານລາວປະຈຳ​ໄທ​ເປີດ​​ໃຫ້​ບໍລິການຢ່າງ​ເປັນ​ທາງ​ການແລ້ວ

ຫ້ອງການໜ່ວຍງານປັບສະຖານະພາບແຮງງານລາວ ປະຈຳ​ໄທ, ​ໄດ້​ເປີດ​ໃຫ້​ບໍລິການຢ່າງ​ເປັນ​ທາງ​ການໃນວັນທີ 28 ສິງຫານີ້, ທີ່ສູນການຄ້າໄອທີ ສະແຄຣ ຊັ້ນ 3 (IT Square), ​ຢູ່ຖະໜົນແຈ້ງວັດທະນະ, ເຂດຫລັກ 4 ກຸງເທບມະຫານະຄອນ, ໂດຍມີໜ້າ​ທີ່ດຳເນີນການອອກເອກະສານໃຫ້ ກຸ່ມແຮງງານທີ່ມີບັດສີບົວ (ບັດສີຊົມພູ), ທີ່ທາງການໄທໄດ້ຂຶ້ນທະບຽນໃວ້​ແລ້ວ​ນັ້ນ, ​ໂດຍ​ສະ​ເພາະ​ກຸ່ມທີ່ເຮັດວຽກກ່ຽວ​ກັບການປະມົງທາງ​ທະເລ ແລະ ແປຮູບ ສັດນໍ້າ​ເປັນ​ຕົ້ນ, ຊຶ່ງ​ຈະໝົດອາຍຸໃນວັນທີ 1 ພະຈິກນີ້, ໂດຍຈະເຮັດວຽກ​ແຕ່ວັນຈັນ-ວັນເສົາ, ເວລາ 8:30-16:30 ໂມງ,

- new3 - ໜ່ວຍງານປັບສະຖານະພາບແຮງງານລາວປະຈຳ​ໄທ​ເປີດ​​ໃຫ້​ບໍລິການຢ່າງ​ເປັນ​ທາງ​ການແລ້ວ

ທ່ານ ພົງ​ສະຫວັນ ​ໄຊ​ໂກສີ ຮອງ​ຫົວໜ້າ​ກົມ​ຄຸ້ມ​ຄອງ​ແຮງ​ງານ, ຫົວໜ້າ​ໜ່ວຍ​ງານ​ປັບ​ສະຖານະ​ພາບ​ແຮງ​ງານ​ລາວ ປະຈຳ​ໄທ ​ໃຫ້​ຮູ້​ວ່າ: ສຳລັບຜູ້​ທີ່​ຕ້ອງການ​ປັບ​ສະຖານະ​ພາບ ຕ້ອງ​ໃຫ້ຜູ້ໃຊ້ແຮງງານ (ນາຍຈ້າງ) ​ແລະ ຜູ້ອອກ ແຮງງານ​ເອງ ໄປຕິດຕໍ່ທີ່ສໍານັກງານຈັດຫາງານກຸງເທບມະຫານະຄອນ, ​ໃນພື້ນ ທີ 1-10 ຫລື ສຳນັກງານຈັດຫາງານປະຈຳຈັງຫວັດ, ​ໄດ້ທຸກຈັງຫວັດຕັ້ງແຕ່ ວັນທີ 25 ສິງຫານີ້​ເປັນ​ຕົ້ນ​ໄປ, ເພື່ອຈອງຄິວ ແລະ ຂໍໜັງສືອະນຸຍາດອອກ ນອກພື້ນທີ່ໄປພິສູດສັນຊາດນຳໜ່ວຍງານຂອງ​ພວກ​ເຮົາຢ່າງ​ຮີບ​ດ່ວນ, ຫລັງ​ຈາກ​ນັ້ນ ຜູ້​ອອກ​ແຮງ​ງານ​ຕ້ອງ​ໄດ້​ກະກຽມ​ເອກະສານ​ດັ່ງ​ນີ້: ບັດສີບົວ (ສີຊົມພູ) ທີ່ທາງການໄທອອກໃຫ້, ໃບຄິວທີ່ໄດ້ລົງທະບຽນໃວ້, ໜັງສືຮັບຮອງການອະນຸ ຍາດອອກນອກພື້ນທີ່, ເອກະສານສ່ວນຕົວໃດໜຶ່ງທີ່ສາມາດສະແດງວ່າເປັນພົນ ລະເມືອງລາວເພື່ອຢັ້ງຢືນເຊັ່ນ: ສຳເນົາສຳມະໂນຄົວ, ໜັງສືຜ່ານແດນ, ບັດ ຜ່ານແດນ, ບັດປະຈຳຕົວ, ໃບຂັບຂີ່ ​ແລະ ອື່ນໆ​ຢ່າງ​​ໃດ​ຢ່າງ​ໜຶ່ງ, ພ້ອມ​ນີ້ ກໍໃຫ້ນາຍຈ້າງ ​ແລະ ຜູ້ອອກແຮງງານນຳເອົາເອກະສານທີ່ກ່ຽວຂ້ອງເຊັ່ນ: ບັດ ຊີໄອ (CI), ບັດອະນຸຍາດເຮັດວຽກຢູ່ຕ່າງປະເທດ ແລະ ບັດສີບົວກັບໄປພົວ ພັນທີ່ສຳນັກງານຈັດຫາງານກຸງເທບມະຫານະຄອນພື້ນທີ່ 1-10 ຫລື ສຳນັກ ງານຈັດຫາງານຈັງຫວັດທີ່ຕົນເອງເຮັດວຽກຢູ່, ເພື່ອຂໍອະນຸຍາດເຮັດວຽກໃນ ປະເທດໄທຢ່າງ​ຖືກຕ້ອງ​ຕາມ​ກົດໝາຍ, ພາຍໃນໄລຍະ 15 ວັນ.
ທ່ານ​ຫົວໜ້າ​ໜ່ວຍ​ງານ ກ່າວ​ວ່າ: ໜ່ວຍງານຂອງ​ຕົນ ຈະປິດ​ໃຫ້​ບໍລິການໃນວັນທີ 15 ມີນາ 2018, ດັ່ງນັ້ນ ຈຶ່ງຮຽກຮ້ອງ​ໃຫ້ກຸ່ມຜູ້ອອກແຮງ ງານທີ່ມີບັດສີບົວທີ່ຈະຫໝົດອາຍຸໃນວັນທີ 1 ພະຈິກນີ້ ແລະ ກຸ່ມທີ່ຈະຫມົດ ອາຍຸໃນວັນທີ 31 ມີນາ 2018, ໃຫ້ຮີບຮ້ອນ​ເຂົ້າ​ໄປປັບສະຖານະພາບແຮງ ງານເພື່ອໃຫ້ຖືກຕ້ອງຕາມລະບຽບການທີ່​ວາງ​ອອກ​ຢ່າງ​ເຂັ້ມ​ງວດ.

- lattana 1 - ໜ່ວຍງານປັບສະຖານະພາບແຮງງານລາວປະຈຳ​ໄທ​ເປີດ​​ໃຫ້​ບໍລິການຢ່າງ​ເປັນ​ທາງ​ການແລ້ວ
error: Content is protected !!