ໂຄງການເຊື່ອມຕໍ່ລະບົບ POS ຈະສາມາດຄຸ້ມຄອງບັນດາຫົວໜ່ວຍທຸລະກິດໄດ້ດີຂຶ້ນ

- advert banner 728 90 728x90 - ໂຄງການເຊື່ອມຕໍ່ລະບົບ POS ຈະສາມາດຄຸ້ມຄອງບັນດາຫົວໜ່ວຍທຸລະກິດໄດ້ດີຂຶ້ນ

ໂຄງການພັດທະນາ ແລະ ເຊື່ອມຕໍ່ຂໍ້ມູນ (POS) ເຄື່ອງບັນທຶກການ ຂາຍສິນຄ້າ ແລະ ການບໍລິການມີການຕິດຕັ້ງເຊື່ອມຕໍ່ລະບົບນໍາບັນດາຫົວ ໜ່ວຍທຸລະກິດໄດ້ຮັບຜົນດີ, ສາມາດຮູ້ໄດ້ຈາກການຂາຍສິນຄ້າ, ການບໍລິ ການແຕ່ລະວັນ, ພ້ອມດຽວກັນນີ້ລັດສາມາດແຈ້ງເຕືອນໄດ້ເປັນປະຈຳເຖິງ ຫົວໜ່ວຍທຸລະກິດໃດບໍ່ໃຫ້ການຮ່ວມມືຈະສະເໜີຄະນະສະເພາະກິດກ່າວ ເຕືອນຖ້າຍັງລະເມີດຈະແຈ້ງໃຫ້ຂະແໜງການການຄ້າໂຈະການດຳເນີນ ທຸລະກິດ.

ຫົວໜ້າກົມສ່ວຍສາອາກອນ ກະຊວງການເງິນ ໄດ້ລາຍງານຄວາມຄືບ ໜ້າໂຄງການພັດທະນາການຕິດຕັ້ງ ແລະ ເຊື່ອມຕໍ່ຂໍ້ມູນເຄື່ອງບັນທຶກການ ຂາຍສິນຄ້າ ແລະ ການບໍລິການຕໍ່ກອງປະຊຸມດັ່ງກ່າວ, ຊຶ່ງໄດ້ຈັດຂຶ້ນໃນວັນ ທີ 30 ສິງຫານີ້, ທີ່ກະຊວງການເງິນ, ນະຄອນຫລວງວຽງຈັນ, ໂດຍການ ເປັນປະທານຂອງທ່ານ ສົມດີ ດວງດີ ຮອງນາຍົກລັດຖະມົນຕີ, ລັດຖະມົນຕີ ກະຊວງການເງິນ, ມີຜູ້ຕາງໜ້າພະແນກການເງິນ ນະຄອນຫລວງວຽງຈັນ (ນວ), ອາກອນປະຈໍາເມືອງ 9 ເມືອງ ແລະ ບັນດາພາກສ່ວນທີ່ກ່ຽວຂ້ອງ ເຂົ້າຮ່ວມວ່າ: ໂຄງການພັດທະນາການຕິດຕັ້ງ ແລະ ເຊື່ອມຕໍ່ຂໍ້ມູນເຄື່ອງບັນ ທຶກການຂາຍສິນຄ້າ ແລະ ການບໍລິການໄລຍະທີ 3, ເຊິ່ງແມ່ນໄລຍະການ ຂະຫຍາຍຕົວຕິດຕັ້ງ ແລະ ການນໍາໃຊ້ລະບົບຕິດຕາມອາກອນຢູ່ຈຸດເກັບເງິນ ຕົວຈິງ ແລະ ເຂົ້າເຖິງຖານຂໍ້ມູນລາຍຮັບຈາກການຂາຍສິນຄ້າ ແລະ ການ ບໍລິການຈາກເຄື່ອງບັນທຶກດັ່ງກ່າວຂອງຫົວໜ້ວຍທຸລະກິດຂັ້ນສູນກາງ, ນະ ຄອນຫລວງ ແລະ 5 ເມືອງໃນນະຄອນຫລວງວຽງຈັນທີ່ເປັນຈຸດສຸມໃນການ ຈັດຕັ້ງປະຕິບັດເບື້ອງຕົ້ນໄປພ້ອມກັບການຮັບຮອງເອົາໃບເກັບເງິນຂອງຫົວ ໜ່ວຍທຸລະກິດທີ່ມີເງື່ອນໄຂຖືກຕ້ອງ.

ປັດຈຸບັນໄດ້ສຳເລັດການຂຶ້ນແຜນເປົ້າໝາຍການຕິດຕັ້ງ ແລະ ເຊື່ອມຕໍ່ ຂໍ້ມູນບົດບັນທຶກການຂາຍສິນຄ້າຈໍານວນທັງໝົດ 1.200 ຫົວໜ່ວຍ, ສໍາລັບ ເຄື່ອງອຸປະກອນທີ່ນໍາເຂົ້າມາຈັດຕັ້ງປະຕິບັດໃນໂຄງການຕົວຈິງມີ: ເຄື່ອງບັນ ທຶການຂາຍສິນຄ້າ ແລະ ການບໍລິການ (CRS) ແລະ ອຸປະກອນເຊື່ອມຕໍ່ ທັງໝົດ.

ຫົວໜ້າກົມ ກ່າວວ່າ: ຜ່ານການຕິດຕັ້ງ ແລະ ເຊື່ອມຕໍ່ຂໍ້ມູນ (ລະບົບ) ປະຕິບັດຕົວຈິງນໍາບັນດາຫົວໜ່ວຍວິສາຫະກິດໄດ້ຮັບຜົນດີຫລາຍດ້ານ, ສາ ມາດຮູ້ໄດ້ລາຍຮັບຈາກການຂາຍສິນຄ້າ ແລະ ການບໍລິການຂອງຫົວໜ່ວຍ ວິສາຫະກິດເປັນແຕ່ລະວັນ, ອາທິດ ແລະ ເດືອນຈາກຂໍ້ມູນຕົວຈິງທີ່ໄດ້ຈາກ ລະບົບເຫັນວ່າຫົວໜ່ວຍທີ່ຢູ່ໃນລະບອບອາກອນມູນຄ່າເພີ່ມຖືບັນຊີມາດຕະ ຖານ, ການນໍາໃຊ້ໃບເກັບເງິນກໍ່ຈະມີຂໍ້ມູນການມອບພັນທະອາກອນທຽບໃສ່ ໄລຍະຜ່ານມາແມ່ນມີລາຍຮັບເພີ່ມຂຶ້ນ.

- Tiger Head 728x90 - ໂຄງການເຊື່ອມຕໍ່ລະບົບ POS ຈະສາມາດຄຸ້ມຄອງບັນດາຫົວໜ່ວຍທຸລະກິດໄດ້ດີຂຶ້ນ
- 1 1 - ໂຄງການເຊື່ອມຕໍ່ລະບົບ POS ຈະສາມາດຄຸ້ມຄອງບັນດາຫົວໜ່ວຍທຸລະກິດໄດ້ດີຂຶ້ນ

ຄຽງຄູ່ກັບການຈັດຕັ້ງປະຕິບັດດັ່ງກ່າວໃນຜ່ານມາເຫັນວ່າຫົວໜ່ວຍທຸ ລະ ກິດສ່ວນຫລາຍແມ່ນຍັັງບໍ່ທັນໃຫ້ຄວາມຮ່ວມມືໃນການຕິດຕັ້ງເຄື່ອງບັນ ທຶກການຂາຍສິນຄ້າ ແລະ ການບໍລິການ CRS ແລະ ເຊື່ອມຕໍ່ຂໍ້ມູນ Smart Port, BareBone PC ຍ້ອນຢ້ານໄປລົບກວນ ຫລື ມ້າງລະບົບ ທີ່ມີແລ້ວເຮັດໃຫ້ເຄື່ອງ ຫລື ລະບົບບໍ່ມີຄວາມສະຖຽນ ຫລື ເປ່ເພ, ຫົວໜ່ວຍ ທຸລະກິດຄືກັນ ຫລື ຄ້າຍຄືກັນມີການຊັ່ງຊາ, ປຽບທຽບກັນເຮັດໃຫ້ການຕິດ ຕັ້ງ ແລະ ການເຊື່ອມຕໍ່ຂໍ້ມູນຈິ່ງຊັກຊ້າ. ນອກນັ້ນ, ຍັງມີບາງຫົວໜ່ວຍທຸລະ ກິດມີການຈົ່ມວ່າຖ້າເພີ່ມການເກັບອາກອນມູນຄ່າເພີ່ມ 10% ຈະເຮັດໃຫ້ສິນ ຄ້າລາຄາເພີ່ມຂຶ້ນ ລູກຄ້າຈະບໍ່ເຂົ້າມາຊື້ສິນຄ້າ ຫລື ມາໃຊ້ບໍລິການ ແລະ ຍັງມີບາງທຸລະກິດທີ່ໄດ້ມີການຕິດຕັ້ງເຄື່ອງບັນທຶກດັ່ງກ່າວແລ້ວແຕ່ນໍາໃຊ້ບໍ່ເປັນ, ບໍ່ປ້ອນຂໍ້ມູນເຂົ້າເຄື່ອງ, ມີການຖອດສາຍ, ບໍ່ອອກໃບເກັບເງິນ, ບໍ່ມີພະນັກງານຂາຍປະຈໍາຖ້າວ່າຈ້າງພະນັກງານຂາຍຈະເຮັດໃຫ້ມີຄ່າໃຊ້ຈ່າຍເພີ່ມຂຶ້ນ.

ເຖິງຢ່າງໃດກໍຕາມຖ້າຫາກຫົົວໜ່ວຍທຸລະກິດໃດຫາກບໍ່ໃຫ້ຄວາມຮ່ວມມືໃນການຕິດຕັ້ງເຄື່ອງບັນທຶກການຂາຍສິນຄ້າດັ່ງກ່າວຄະນະຮັບຜິດຊອບຈະໄດ້ນໍາສະເໜີໃຫ້ຄະນະສະເພາະກິດຂຶ້ນກັບນະຄອນຫລວງ ແລະ ເມືອງທີ່ໄດ້ ຮັບການແຕ່ງຕັ້ງກ່າວຕັກເຕືອນ ແລະ ເຮັດບົດບັນທຶກ, ຖ້າຍັງລະເມີດ ແລະ ຝ່າຝືນຈະນໍາໃຊ້ມາດຕະການທີ່ລະບຸໄວ້ໃນ 2 ນິຕິກໍາ ແລະ ຈະແຈ້ງໃຫ້ຂະ ແໜງການຄ້າໂຈະການດຳເນີນທຸລະກິດຊົ່ວຄາວ, ຖ້າຍັງສືບຕໍ່ບໍ່ປະຕິບັດຈະ ກ້າວໄປເຖິງໂຈະການດຳເນີນທຸລະກິດຖາວອນ.

error: Content is protected !!