ຮອງລັດຖະມົນຕີ ປກສ ເນັ້ນກໍາລັງປ້ອງກັນໂຄງການກໍ່ສ້າງທາງລົດໄຟລາວ-ຈີນໃຫ້ຮັບປະກັນຄວາມປອດໄພ 100%

- advert banner 728 90 728x90 - ຮອງລັດຖະມົນຕີ ປກສ ເນັ້ນກໍາລັງປ້ອງກັນໂຄງການກໍ່ສ້າງທາງລົດໄຟລາວ-ຈີນໃຫ້ຮັບປະກັນຄວາມປອດໄພ 100%

ໃນໂອກາດເຂົ້າຮ່ວມເປັນປະທານພິທີມອບ-ຮັບຄໍາສັ່ງຂອງລັດຖະມົນຕີກະຊວງປ້ອງກັນຄວາມສະຫງົບວ່າດ້ວຍການເພີ່ມທະວີວຽກງານປ້ອງກັນໂຄງການກໍ່ສ້າງເສັ້ນທາງລົດໄຟລາວ-ຈີນ, ໃນວັນທີ 29 ສິງຫານີ້ຢູ່ກອງບັນຊາການປ້ອງກັນເຄື່ອນທີ່ຂອງທ່ານຮອງລັດຖະມົນຕີກະຊວງປ້ອງກັນຄວາມສະຫງົບ ພົນຕີ ກົງທອງ ພົງວິຈິດ, ໂດຍທ່ານໄດ້ເນັ້ນໃຫ້ກໍາລັງວິຊາສະເພາະເອົາໃຈໃສ່ຮັກສາຄວາມສະຫງົບ ແລະ ຄວາມເປັນລະບຽບຮຽບຮ້ອຍປອດໄພຮອບດ້ານ, ມີການປະສານສົມທົບແໜ້ນລະຫວ່າງກົມກອງຂັ້ນສູນກາງ ແລະ ທ້ອງຖິ່ນໃນການສ້າງແຜນປ້ອງກັນ, ຈັດວາງກໍາລັງຢ່າງລະອຽດປະຈໍາການ 24 ຊົ່ວໂມງ ເພື່ອປະຕິບັດໜ້າທີ່ປ້ອງກັນ ແລະ ຕິດຕາມການເຄື່ອນໄຫວຂອງກຸ່ມຄົນບໍ່ດີທີ່ອາດຈະກໍ່ຄວາມບໍ່ສະຫງົບໃນສັງຄົມ ເພື່ອຮັບປະກັນໃຫ້ໂຄງການກໍ່ສ້າງທາງລົດໄຟລາວ-ຈີນແຕ່ນີ້ຮອດປີ 2021 ມີຄວາມສະຫງົບປອດໄພ 100%.

- new3 - ຮອງລັດຖະມົນຕີ ປກສ ເນັ້ນກໍາລັງປ້ອງກັນໂຄງການກໍ່ສ້າງທາງລົດໄຟລາວ-ຈີນໃຫ້ຮັບປະກັນຄວາມປອດໄພ 100%

ຂະນະທີ່, ກອງບັນຊາການປ້ອງກັນທີ່ຕັ້ງ ໃຫ້ຮູ້ວ່າ: ກົມກອງຕົນໄດ້ຈັດສັນກໍາລັງ 70 ກວ່າຄົນເຂົ້າປ້ອງກັນໂຄງການສໍາຄັນດັ່ງກ່າວ, ຊຶ່ງມີທັງໝົດ 7 ຈຸດ ຄື: ສຳນັກງານໃຫຍ່ບໍລິສັດກໍ່ສ້າງເສັ້ນທາງລົດໄຟເລກ 2 ສປຈີນ ຕັ້ງຢູ່ບ້ານສະພັງເມິກເມືອງໄຊທານີ, ສຳນັກງານໃຫຍ່ບໍລິສັດກໍ່ສ້າງເສັ້ນທາງລົດໄຟເລກ 2 ຢູ່ບ້ານໜອງພະຍາເມືອງໄຊທານີ, ໂຮງງານເບຕົງ ແລະ ສາງເກັບມ້ຽນເຄື່ອງກໍ່ສ້າງບ້ານນາຄູນເມືອງນາຊາຍທອງ, ສະຖານີໃຫຍ່ ແລະ ແລວ ທາງບ້ານນາຊັບເມືອງນາຊາຍທອງ, ສຳນັກງານໃຫຍ່ຂອງບໍລິສັດກໍ່ສ້າງທາງລົດໄຟລາວ-ຈີນຢູ່ບ້ານແຈ້ງສະຫວ່າງເມືອງນາຊາຍທອງ, ໂຮງງານເບຕົງ ແລະ ແຄ້ມຕັ້ງຢູ່ບ້ານໃໝ່ເມືອງໂພນໂຮງ ແລະ ສຳນັກງານຂອງບໍລິສັດຢູ່ບ້ານນາເລົ່າເມືອງໂພນໂຮງແຂວງວຽງຈັນໃຫ້ມີຄວາມຮັບປະກັນ.

- lattana 1 - ຮອງລັດຖະມົນຕີ ປກສ ເນັ້ນກໍາລັງປ້ອງກັນໂຄງການກໍ່ສ້າງທາງລົດໄຟລາວ-ຈີນໃຫ້ຮັບປະກັນຄວາມປອດໄພ 100%
error: Content is protected !!