ຄລອບ ຍົກ ນູນເຢສ ສີຕີນທຽບຊັ້ນລະດັບດຽວກັບ ເລວານດອບສະກີ

ເຈີເກັນ ຄລອບ ຜູ້ຈັດການທີມລີເວີພູລ ຊີ້ວ່າ ດາວິນ ນູນເຢສ ດາວຍິງທີມຊາດອຸຣຸໄກວ ທຸກຢ່າງຄ້າຍຄືກັບ ໂຣເບີດ ເລວານດອບສະກີ ດາວຍິງທີມຊາດໂປແລນ ຂອງບາເຊໂລນາ ເຊ່ິງຄົງຕ້ອງໃຫ້ເວລາອີກໄລຍະຫນຶ່ງເພື່ອຄວາມສຽບຄົມ.

ນູນເຢສ ມັກພາດໂອກາດສຳຄັນໃນການຍິງໃຫ້ລີເວີພູລ ໂດຍດາວຍິງຄ່າຕົວ 64 ລ້ານປອນຍັງເປັນນັກເຕະທີ່ມີສະຖິຕິຕຳເສົາຫລາຍທີ່ສຸດ ແນວໃດກໍຕາມ ຄລອບ ຍັງໃຫ້ກຳລັງໃຈ ແລະ ບອກວ່າ ນູນເຢສ ມີລັກສະນະ ຄ້າຍຄືກັບ ເລວານດອບສະກີ ລູກນ້ອງເກ່ົາສະໄຫມຄຸມທີມໂບຣຸສເຊຍ ດອດມຸນ ຫລາຍ ເຖິງຈະຍິງໄປພຽງ 9 ປະຕູຈາກການລົງສະໜາມ 23 ນັດໃນທຸກລາຍການກໍຕາມ.

“  ລາວມີຄວາມຄ້າຍຄືກນັໃນໄລຍະທຳອິດກັບ ໂບຣຸສເຊຍ ດອດມຸນ ລາວກໍຍັງປິດປະຕູບໍ່ຄົມ ເຮົາພະນັກກັນວ່າຖ້າລາວຍິງຫລາຍກວ່າ 10 ປະຕູ ຂ້ອຍຈະຈ່າຍລາວ 10 ຢູໂຣ ແຕ່ຖ້າລາວເຮັດບໍ່ໄດ້ ກໍຈ່າຍມາ ແນ່ນອນຂ້ອຍໄດ້ເງິນເຕັມກະເປົາເລີຍ ເຊິ່ງຂ້ອຍຈະບອກວ່າເຮົາຕ້ອງໃຈເຢັນໆ ເຮົາເຫັນສັກກະຍາພາບຂອງ ດາວິນ ບໍ່ມີຫຍັງຕ້ອງກັງວົນ ”.