10 ວິທີງ່າຍໆຊ່ວຍຫລຸດບັນຫາໂລກຮ້ອນໄດ້

- advert banner 728 90 728x90 - 10 ວິທີງ່າຍໆຊ່ວຍຫລຸດບັນຫາໂລກຮ້ອນໄດ້

ບັນຫາໂລກຮ້ອນສົ່ງຜົນກະທົບຕໍ່ສະພາບແວດລ້ອມ, ສະພາບອາກາດ ແລະ ສົ່ງຜົນກະທົບຕໍ່ເນື່ອງມາເຖິງສຸຂະພາບຮ່າງກາຍ ຂອງຄົນເຮົານຳ, ການຊ່ວຍກັນຫລຸດບັນຫາໂລກຮ້ອນຈຶ່ງເປັນພາລະໜ້າທີ່ຂອງທຸກຄົນ ແລະ ຄວນເລີ່ມຕົ້ນຈາກໂຕເຮົາເອງກ່ອນ, ມື້ນີ້ພວກເຮົາກໍມີ 10 ວິທີງ່າຍໆໃນການຊ່ວຍຫລຸດບັນຫາໂລກຮ້ອນມາແນະນຳທ່ານດັ່ງນີ້ :

- new3 - 10 ວິທີງ່າຍໆຊ່ວຍຫລຸດບັນຫາໂລກຮ້ອນໄດ້
  1. ປັບພື້ນຫລັງຂອງ Wallpaper ໃຫ້ເປັນສີເຂັ້ມ ຫລື ສີດຳ ແລະ ຮູບພັກໜ້າຈໍ ຫລື Screen Saver ກໍຄວນຕັ້ງ Blank ເປັນສີດຳເມື່ອບໍ່ໄດ້ໃຊ້ງານ.
  2. ຝຶກແອບໃຊ້ຜ້າເຊັດໜ້າແທນເຈ້ຍອະນາໄມ ເພາະເຈ້ຍອະນາໄມນັ້ນເຮັດມາຈາກຕົ້ນໄມ້ ຍິ່ງໃຊ້ຫລາຍກໍເທົ່າກັບສົ່ງເສີມໃຫ້ຕັດໄມ້ຫລາຍຂຶ້ນ.
  3. ຖອດປັກສຽບໄຟອອກເມື່ອສາກໄຟແບັດເຕີຣີເຕັມແລ້ວ ຢ່າສຽບປະໄວ້.
  4. ປະຢັດນຳ້ ອາດເປັນການປ່ຽນມາໃຊ້ຫົວກັອກເພີ່ມຟອງອາກາດ ເຮັດໃຫ້ເບິ່ງຄືມີນຳ້ຫລາຍຂຶ້ນ, ແຕ່ປະຢັດກ່ວາກັອກທຳມະດາເຖິງ 50%.
  5. ປະຢັດໄຟຟ້າທຸກຊະນິດ ປິດທຸກຢ່າງທີ່ບໍ່ໃຊ້ ແລະ ຖອດປັກສຽບອອກນຳ, ປ່ຽນດອກໄຟມາເປັນດອກໄຟປະຢັດໄຟ ເຖິງຈະ ແພງກ່ວາ, ແຕ່ອາຍຸການໃຊ້ງານກໍຍາວນານກ່ວາ.
  6. ໄປຕະຫລາດໃຫ້ເອົາຖົງຜ້າໃຫຍ່ໆໄປນຳ ເພື່ອຫລຸດການໃຊ້ຖົງຢາງປລາສະຕິກ.
  7. ຫລຸດການກິນອາຫານແຊ່ແຂງ ເພາະຂະບວນການແຊ່ແຂງເຮັດໃຫ້ເປືອງພະລັງງານ, ກ່ອງກໍເປັນປລາສະຕິກ ທັງການຂົນສົ່ງ ແລະ ການເກັບມ້ຽນໃນຮ້ານກໍຕ້ອງອາໄສຄວາມເຢັນ ແມ່ນແຕ່ຕອນຈະກິນກໍຕ້ອງອຸ່ນໃຫ້ຮ້ອນສິ້ນເປືອງໄຟຟ້າຫລາຍ ແລະ ກໍບໍ່ແຊບສູ້ອາຫານສົດນຳອີກ.
  8. ຂີ່ລົດຖີບໃຫ້ຫລາຍຂຶ້ນເວລາໄປໃສມາໃສໃກ້ໆໄດ້ອອກກຳລັງກາຍ ແລະ ບໍ່ເປືອງນຳ້ມັນນຳອີກ.

9.​ ຫລຸດການໃຊ້ຈ່າຍ ຫລື ເລາະຫ້າງສັບພະສິນຄ້າ, ຫລຸດ ການຊື້ສິ່ງຂອງສິ້ນເປືອງລົງແດ່, ອັນໃດທີ່ບໍ່ຈຳເປັນກໍບໍ່ຕ້ອງຊື້.

  1. ຊ່ວຍກັນປູກຕົ້ນໄມ້ໃຫ້ຫລາຍຂຶ້ນເພື່ອຄວາມຮົ່ມເຢັນ ແລະ ຫລຸດແກ໊ສມີພິດໃນອາກາດໄດ້ນຳ.

ທັງ 10 ຂໍ້ຂ້າງເທິງນີ້ຂໍໃຫ້ຊ່ວຍກັນພະຍາຍາມເຮັດໃຫ້ໄດ້ຫລາຍທີ່ສຸດ ເຖິງວ່າຈະເຮັດບໍ່ໄດ້ທຸກຂໍ້ກໍຕາມ, ແຕ່ການເລີ່ມຕົ້ນ ເຮັດກໍດີຫລາຍແລ້ວ ການຊ່ວຍກັນຈະຊ່ວຍໃຫ້ຫລຸດບັນຫາໂລກຮ້ອນໄດ້ຫລາຍຂຶ້ນ ແລະ ໄວຂຶ້ນນຳອີກ.

- lattana 1 - 10 ວິທີງ່າຍໆຊ່ວຍຫລຸດບັນຫາໂລກຮ້ອນໄດ້
error: Content is protected !!