ອີ.ຄິວ ກັບຄວາມຮັກຄວາມຜູກພັນໃນຄອບຄົວ

- advert banner 728 90 728x90 - ອີ.ຄິວ ກັບຄວາມຮັກຄວາມຜູກພັນໃນຄອບຄົວ

ຄອບຄົວໜຶ່ງຈະຢູ່ດ້ວຍກັນໄດ້ຢ່າງມີຄວາມສຸກນັ້ນ ຕ້ອງອາໄສຄວາມເຂົ້າໃຈ, ການຍອມຮັບ ແລະ ການປະນີປະນອມກັນ ຈຶ່ງ ຈະເຮັດໃຫ້ເກີດຄວາມສຸກຂຶ້ນພາຍໃນເຮືອນໄດ້, ຫາກຕ່າງຄົນຕ່າງເອົາແຕ່ຄວາມຄິດຂອງຕົນເອງເປັນໃຫຍ່, ເອົາແຕ່ເຫດຜົນສ່ວນ ໂຕມາອ້າງ, ບໍ່ພະຍາຍາມເຂົ້າໃຈກັນ ແລະ ກັນ ຫລື ຍອມຮັບຄວາມບົກພ່ອງຂອງແຕ່ລະຝ່າຍ ເມື່ອມີບັນຫາກໍມັກຈະຖົກຖຽງກັນ ເຮັດໃຫ້ບັນຫາບໍ່ໄກ່ເກ່ຍ ຮ້າຍຍັງທຳຮ້າຍກັນທັງວາຈາ ແລະ ຮ່າງກາຍ.

ການມີຄອບຄົວທີ່ມີຄວາມສຸກ ຈຶ່ງຕ້ອງອາໄສການຮຽນຮູ້ຄວາມຕ້ອງການ ແລະ ທຳມະຊາດຂອງຝ່າຍກົງຂ້າມ ເພາະຄົນເຮົາເມື່ອເຂົ້າໃຈກັນແລ້ວ ການຍອມຮັບກໍຕາມມາ ເຮັດໃຫ້ເຮົາສາມາດອ່ານອາລົມ ແລະ ເຂົ້າໃຈການຕັດສິນໃຈຂອງຄູ່ເຮົາໄດ້ ເຊິ່ງຫລັກໃນການພັດທະນາຄວາມສະຫລາດທາງອາລົມ ຫລື E.Q ເພື່ອການສ້າງຄອບຄົວໃຫ້ມີຄວາມສຸກມີຄື :

– ໃຫ້ຄວາມເອົາໃຈໃສ່ ແລະ ເຂົ້າໃຈຄວາມວິຕົກກັງວົນຂອງຜູ້ອື່ນໃນຄອບຄົວ.

– ຮັບຮູ້ ແລະ ຕອບສະໜອງຕໍ່ຄວາມຕ້ອງການຂອງສະມາຊິກໃນຄອບຄົວໄດ້.

- 1 1 - ອີ.ຄິວ ກັບຄວາມຮັກຄວາມຜູກພັນໃນຄອບຄົວ
- Tiger Head 728x90 - ອີ.ຄິວ ກັບຄວາມຮັກຄວາມຜູກພັນໃນຄອບຄົວ

– ເຂົ້າໃຈສັກກະຍະພາບຂອງຄົນໃນຄອບຄົວ ແລະ ສະໜັບສະໜູນໃຫ້ໃຊ້ຄວາມຮູ້ຄວາມສາມາດນັ້ນໄດ້ຢ່າງຖືກທາງ.

– ຈິງໃຈຕໍ່ກັນ ນີ້ເປັນພື້ນຖານຄວາມຜູກພັນທາງອາລົມທີ່ຈະເຮັດໃຫ້ຢູ່ຮ່ວມກັນໄດ້ດົນທີ່ສຸດ.

ສະໝອງທີ່ສະຫລາດຫລັກແຫລມ ຫລື ມີ I.Q  ສູງຫລາຍໆນັ້ນ ຍິ່ງຈະສ້າງບັນຫາໃຫ້ກັບຄອບຄົວຫລາຍກ່ວາ ເພາະວ່າຍິ່ງສະ ຫລາດເທົ່າໃດ, ຍິ່ງມີເຫດຜົນຫລາຍເທົ່າໃດ ກໍຍິ່ງບໍ່ຍອມກັນ, ຈະພະຍາຍາມເອົາຊະນະກັນຕະຫລອດ ຈະເຫັນໄດ້ວ່າຄົນເກັ່ງໆໃນສັງຄົມຈຳນວນບໍ່ໜ້ອຍບໍ່ສາມາດໃຊ້ຊີວິດຄູ່ໄດ້ຢ່າງມີຄວາມສຸກ. ການໃຊ້ຊີວິດຄູ່ໃຫ້ມີຄວາມສຸກນັ້ນບໍ່ມີສູດຕາຍໂຕ ເພາະທຸກຄູ່ກໍມີບັນຫາ ແລະ ອຸປະສັກທີ່ແຕກຕ່າງກັນໄປ ການຮັກສາຄວາມສຸກຂອງຄອບຄົວເອົາໄວ້ ຈຶ່ງເປັນເລື່ອງທີ່ຄົນພາຍໃນຄອບຄົວຕ້ອງ ຮຽນຮູ້ກັນເອງດ້ວຍຫົວໃຈ ແລະ ຄວາມຮັກຈຶ່ງຈະສາມາດປະຄັບປະຄອງຄອບຄົວເອົາໄວ້ໄດ້.

error: Content is protected !!