ຢາຂ້າແມງໄມ້ ແລະ ຟອກໂມນເປັນອັນຕະລາຍທີ່ສຸດ

- advert banner 728 90 728x90 - ຢາຂ້າແມງໄມ້ ແລະ ຟອກໂມນເປັນອັນຕະລາຍທີ່ສຸດ

ແມ່ນແຕ່ຊາວປະມົງ ຫລື ຊາວກະສິກຳກໍຍັງແບ່ງປາທີ່ບໍ່ແຊ່ຟອກໂມນ ຫລື ແບ່ງໜານຜັກທີ່ບໍ່ສີດຢາຂ້າແມງໄມ້ໄວ້ກິນເອງໃນ ຄອບຄົວເລີຍ ສະແດງວ່າສານ 2 ຊະນິດນີ້ຕ້ອງເປັນອັນຕະລາຍທີ່ສຸດແນ່ນອນ.

- new3 - ຢາຂ້າແມງໄມ້ ແລະ ຟອກໂມນເປັນອັນຕະລາຍທີ່ສຸດ

ສານຟອກໂມນ ຫລື ນຳ້ຢາດອງສົບນັ້ນ ເປັນສານທີ່ໃຊ້ກັນໃນອຸດສາຫະກຳເຄມີ, ປລາສະຕິກ, ສິ່ງຖັກທໍ, ການແພດເປັນຢາຂ້າເຊື້ອພະຍາດ, ຂ້າເຊື້ອລາ ແລະ ໃຊ້ໃນການດອງສົບ, ແຕ່ໄດ້ມີການນຳເອົາມາແຊ່ສານຟອກໂມນເພື່ອໃຫ້ອາຫານຄົງຄວາມສົດ ບໍ່ເນົ່າງ່າຍ, ເກັບໄວ້ໄດ້ດົນ. ອາຫານທີ່ກວດພົບຟອກໂມນມັກຈະເປັນອາຫານທະເລຕ່າງໆ, ຜັກສົດ, ໝາກໄມ້ສົດ ຫລື ຊີ້ນສັດສົດໆ ສານນີ້ເຮັດໃຫ້ເກີດອັນຕະລາຍຄື : ເຈັບທ້ອງຮຸນແຮງ, ຖອກທ້ອງ, ໝົດສະຕິ ແລະ ເສຍຊີວິດໄດ້, ແຕ່ຫາກໄດ້ຮັບໃນປະລິມານໜ້ອຍຈະເຮັດໃຫ້ການເຮັດວຽກຂອງຕັບ, ໝາກໄຂ່ຫລັງ, ສະໝອງ, ຫົວໃຈເສື່ອມລົງ. ການສັງເກດເວລາຊື້ຈາກຕະ ຫລາດນັ້ນໃຫ້ດົມກິ່ນເບິ່ງຕ້ອງບໍ່ມີກິ່ນຂິວແສບດັງ. ສ່ວນຜັກທ່ີຂາຍໝົດມື້ກໍຍັງສົດ ບໍ່ຫ່ຽວ ໂດຍທີ່ຕາກແດດຕາກລົມ ລວມໄປເຖິງຊີ້ນສັດທີ່ມີສີເຂັ້ມ ແລະ ສົດຜິດປົກກະຕິ ໂດຍທີ່ບໍ່ໄດ້ແຊ່ເຢັນກໍໃຫ້ລະວັງວ່າອາດມີການສີດຟອກໂມນໃສ່ຄວນຫລີກເວັ້ນ, ສ່ວນຊີ້ນສັດຄວນລ້າງນຳ້ສະອາດຫລາຍໆເທື່ອ.

- lattana 1 - ຢາຂ້າແມງໄມ້ ແລະ ຟອກໂມນເປັນອັນຕະລາຍທີ່ສຸດ

ຢາຂ້າແມງໄມ້ ປະຈຸບັນພົບວ່າມີການໃຊ້ຫລາຍຂຶ້ນ ຈົນຕົກຄ້າງໃນພືດຜັກຕ່າງໆ ລວມໄປເຖິງອາຫານແຫ້ງ ເຊັ່ນ : ປາເຄັມ, ປາແຫ້ງ, ປາໝຶກແຫ້ງ, ກຸ້ງແຫ້ງ, ປາແດກ ແລະອື່ນໆ ເຮັດໃຫ້ເກີດອັນຕະລາຍຕໍ່ຮ່າງກາຍກໍຄື : ເຮັດໃຫ້ກ້າມຊີ້ນສັ່ນ, ໝົດສະຕິ, ຫາຍໃຈຕິດຂັດ ແລະ ຢຸດຫາຍໃຈໄດ້ ທີ່ພົບເລື້ອຍໆກໍແມ່ນອາການວິນຫົວປວດຮາກ, ຖ່າຍ, ຖອກທ້ອງ ຫາກໄດ້ຮັບສະສົມໄປດົນໆກໍຈະເຮັດໃຫ້ເກີດແຊນມະເຮັງໃນຮ່າງກາຍໄດ້. ດັ່ງນັ້ນ, ຄວນຫລີກເວັ້ນອາຫານທີ່ມີຢາຂ້າແມງໄມ້ ໂດຍການເລືອກຊື້ຜັກທີ່ມີຮອຍເຈາະຂອງແມງໄມ້, ກິນຜັກ – ໝາກໄມ້ຕາມລະດູ ຫລື ກິນຜັກພືດເມືອງ ແລະ ຄວນກິນຜັກໃບໃຫ້ຫລາຍກ່ວາຜັກຫົວ ເພາະຜັກຫົວຈະເກັບຢາຂ້າແມງໄມ້ໄວ້ຫລາຍກ່ວາ, ຊື້ຜັກ ແລະ ໝາກໄມ້ມາແລ້ວກໍຄວນລ້າງໃຫ້ສະອາດຫລາຍໆນຳ້ ຫລື ຖ້າເປັນໄປໄດ້ກໍຄວນລ້າງໂດຍໃສ່ເກືອ, ຄວນປອກເປືອກກ່ອນກິນທຸກເທື່ອ, ຫາກແມ່ນຊີ້ນ, ປາແຫ້ງ, ປາເຄັມ, ປາແດກ ຫາກພົບວ່າບໍ່ມີແມງວັນຕອມເລີຍກໍບໍ່ຄວນຊື້.

error: Content is protected !!