ນະຄອນຫລວງສຳ​ເລັດການ​ຝຶກ​ອົບຮົມເຕັກນິກປຸງແຕ່ງຜະລິດຕະພັນກະສິກຳ

- advert banner 728 90 728x90 - ນະຄອນຫລວງສຳ​ເລັດການ​ຝຶກ​ອົບຮົມເຕັກນິກປຸງແຕ່ງຜະລິດຕະພັນກະສິກຳ

     ພິທີ​ປິດຊຸດ​ຝຶກ​ອົບຮົມ​ເຕັກນິກ​ປຸງ​ແຕ່ງຜະລິດ​ຕະພັນ​ກະສິກຳ ຄັ້ງ​ທີ 3, ​ໄດ້​ຈັດ​ຂຶ້ນ​​ໃນ​ວັນ​ທີ 31 ສິງຫາ​ນີ້, ທີ່ນະຄອນຫລວງ​ວຽງ​ຈັນ, ​ ​ໂດຍ​ການ​​ເປັນ​ປະທານ​ຂອງ​ທ່ານ ​ແຄນ​ທອງ ສີ​ສຸ​ວົງ ຮອງ​ປະທານ​ກຳມາ​ທິ ການ​ການ​ຮ່ວມ​ມື​ລາວ-ຈີນ, ມີ​ທ່ານ Nengbing Li ທີ່​ປຶກສາ​ດ້ານ​ເສດຖະກິດ-ການ​ຄ້າ, ສະຖານທູດ​ຈີນປະຈຳ​ລາວ, ທ່ານ Yutong HUANG ຮອງຫົວໜ້າ ສະຖາບັນຄົ້ນຄວ້າອຸດສາຫະກໍາການໝັກອາຫານຈີນ​ເຂົ້າ​ຮ່ວມນຳ​ດ້ວຍ.​

- new3 - ນະຄອນຫລວງສຳ​ເລັດການ​ຝຶກ​ອົບຮົມເຕັກນິກປຸງແຕ່ງຜະລິດຕະພັນກະສິກຳ

​    ຊຸດ​ຝຶກ​ອົບຮົມ​ດັ່ງກ່າວ ​ໄດ້​ດຳ​ເນີນ​ມາ​ເປັນເວລາ 30 ວັນ, ​​ໂດຍ​ການ​ສະໜັບສະໜູນ​ຈາກ​ສະ​ຖາ​ບັນ​ຄົ້ນຄວ້າ​ອຸດສາຫະກຳ​ຈີນ, ການ​ຝຶກ​ອົບຮົມ​ໄດ້​ເລັ່ງ​ໃສ່​​ເຕັກນິກ​ການ​ປຸງ​ແຕ່ງ​ຜະລິດ​ຕະພັນ​ກະສິກຳ​, ວິ​ສະ​ວະ​ກຳ​ຊິ​ວະສາ​ດກັບ​ເຄື່ອງ​ບໍລິ​ໂພ​ກຂອງ​ປະ​ເທດ​ຈີນ, ​ເຕັກນິກ​ການ​ຈັດການ​ລ່ວງ​ໜ້າ​ຕໍ່​ການ​ຜະລິດ​ວັດຖຸ​ດິບ, ​ເຕັກນິກ​ການ​ໝັກ​ເບົ່າ​ທາດ​ເຫລົ້າ, ການ​ອອກ​ແບບ​ໂຮງງານ​ເຫລົ້າ​ທີ່​ທັນ​ສະ​ໄໝ, ​ເຕັກນິກ ​ແລະ ​ເຄື່ອງ​ຈັກ​ໃນ​ການ​ແປ​ຮູບ​ໝາກ​ໝາກ​ໃມ້, ພືດ​ຜັກ, ການ​ອອກ​ແບບ​ໂຮງງານ​ສະບຽງ​ອາຫານ ​ແລະ ການ​ປຸງ​ແຕ່ງ​ຜະລິດ​ຕະພັນ​ໝາກ​ຖົ່ວ​ເຫລືອງ​ການ​ປຸງ​ແຕ່ງ​ເຕົ້າຮູ້, ​ນ້ຳ​ເຕົ້າຮູ້ ​ແລະ ນົມ​ຖົ່ວ​ເຫລືອງ, ​ເຕັກນິກ​ການ​ປູກ​ ​ແລະ ​ການ​ແປ​ຮູບ​ກາ​ເຟ, ​ເຕັກນິກ​ການ​ອອກ​ແບບ​ໂຮງງານ​ທີ່​ທັນ​ສະ​ໄໝ,​ ການຈັດ​ວາງ​ເຄື່ອງ​ຈັກ ​ແລະ ການ​ຮັກສາ​ເຄື່ອງ​ຈັກ, ຜະລິດ​ຕະພັນ​ກະສິກຳ​ທີ່​ເອົາ​ມາ​ຮັບ​ໃຊ້​ໃນ​ການ​ປຸງ​ແຕ່ງ​ມີ​ຄື: ​ເຂົ້າ, ມັນ​ຕົ້ນ, ສາລີ, ໝາກມ່ວງ, ໝາກ​ນັດ, ພືດ​ຜັກ, ໝາກ​ຖົ່ວ​ເຫລືອງ, ກາ​ເຟ ແລະ ອື່ນໆ.

- lattana 1 - ນະຄອນຫລວງສຳ​ເລັດການ​ຝຶກ​ອົບຮົມເຕັກນິກປຸງແຕ່ງຜະລິດຕະພັນກະສິກຳ
error: Content is protected !!