ວັນ​ທີ 1-3 ກັນຍາ​ນີ້​ຝົນ​ຈະ​ສືບ​ຕໍ່​ຕົກ​ຫລາຍ​ຂຶ້ນ

- advert banner 728 90 728x90 - ວັນ​ທີ 1-3 ກັນຍາ​ນີ້​ຝົນ​ຈະ​ສືບ​ຕໍ່​ຕົກ​ຫລາຍ​ຂຶ້ນ

     ກົມ​ອຸຕຸນິຍົມ ​ແລະ ອຸ​ທົກ​ກະສາ​ດ ​ໃຫ້​ຮູ້​ວ່າ: ນັບ​ແຕ່​ວັນ​ທີ 1-3 ກັນຍາ​ນີ້, ລົມມໍ​ລະ​ສຸມ​ຕາ​ເວັນ​ຕົກ​ສ່ຽງ​ໃຕ້​ຈະ​ມີ​ກຳລັງ​ແຮງ​ເພີ່ມ​ຂຶ້ນ​ພັດ​ປົກ​ຄຸມ ປ່ອງ​ເຂົ້າ​ໃສ່​ພາຍຸ​ໝູນ​ເຂດ​ຮ້ອນ ທີ່​ຈະ​ເຄື່ອນ​ທີ່ຢູ່​ເຂດ​ທະ​ເລ​ຈີນ​ໃຕ້​ຕອນ​ເໜືອ, ຊຶ່ງ​ຈະ​ເຮັດ​ໃຫ້​ມີ​ຝົນຕົກ​ຟ້າ​ຄະນອງ​ໃນ​ລະດັບ​ຄ່ອຍ​ຫາ​ປານ​ກາງ​ເປັນ​ບໍລິ​ເວນ​ກວ້າງ ​ແລະ ມີ​ລົມ​ພັດ​​ແຮງ​ຢູ່​ບາງ​ທ້ອງ​ຖິ່ນ​ໃນ​ແຕ່​ລະ​ພາກ. ພາກ​ເໜືອ​ດ້ານ​ຕາ​ເວັນ​ອອກ: ຝົນ​ຍັງ​ຈະ​ສືບ​ຕໍ່​ຕົກ​ໃນ​ລະດັບ​ຄ່ອຍ​ຫາ​ປານ​ກາງ ​ແລະ ມີ​ລົມ​ພັດ​ແຮງ​ຢູ່​ບາງ​ທ້ອງ​ຖິ່ນ​ແຂວງ​ຊຽງ​ຂວາງ, ອຸນຫະພູມ​ຕ່ຳ​ສຸດ 19-21 ອົງສາ ​ແລະ ສູງ​ສຸດ 30-32 ອົງສາ; ພາກ​ເໜືອ​ດ້ານ​ຕາ​ເວັນ​ຕົກ: ຝົນ​ຍັງ​ຈະ​ສືບ​ຕໍ່​ຕົກ​ໃນ​ລະດັບ​ຄ່ອຍ​ຫາ​ປານ​ກາງ ​ແລະ ມີ​ລົມ​ພັດ​ແຮງ​ເປັນ​ບາງ​ໂອກາດ​ຢູ່​ບາງ​ທ້ອງ​ຖິ່ນ, ອຸນຫະພູມ​ຕ່ຳ​ສຸດ 23-25 ອົງສາ ​ແລະ ສູງ​ສຸດ 32-34 ອົງສາ; ພາກ​ກາງ: ຍັງ​ຈະ​ມີ​ຝົນຕົກ​ໃນ​ລະດັບ​ຄ່ອຍ​ຫາ​ປານ​ກາງ​ເປັນ​ບໍລິ​ເວນ​ກວ້າງ ​ແລະ ມີ​ລົມ​ພັດ​ແຮງ​ເປັນ​ບາງ​ໂອກາດ​ຢູ່​ບາງ​ທ້ອງ​ຖິ່ນ, ອຸນຫະພູມ​ຕໍ່າ​ສຸດ 22-24 ອົງສາ ​ແລະ ສູງ​ສຸດ 32-34 ອົງສາ; ພາກ​ໃຕ້: ຝົນ​ຍັງ​ຈະ​ສືບ​ຕໍ່​ຕົກ​ໃນ​ລະດັບ​ຄ່ອຍ​ຫາ​ປານ​ກາງ ​ແລະ ຕົກ​ໜັກ, ພ້ອມ​ມີ​ລົມ​ພັດ​ແຮງ​​ເປັນ​ບາງ​ໂອກາດ​ຢູ່​ບາງ​ທ້ອງ​ຖິ່ນ, ອຸນຫະພູມ​ຕ່ຳ​ສຸດ 21-23 ອົງສາ ​ແລ ສູງ​ສຸດ 31-33 ອົງສາ; ນະຄອນຫລວງ​ວຽງ​ຈັນ: ຝົນ​ຍັງ​ຈະ​ສືບ​ຕໍ່​ຕົກ​ໃນ​ລະດັບ​ຄ່ອຍ​ ຫາ ຕົກ​ປານ​ກາງ, ອຸນຫະພູມ​ຕ່ຳ​ສຸດ 23-25 ອົງສາ ​ແລະ ສູງ​ສຸດ 32-34 ອົງສາ. ຂະນະ​ດຽວ​ກັນ ລະຫວ່າງ​ວັນ​ທີ 1-3 ກັນຍາ​ນີ້, ລະດັບ​ນ້ຳ​ຕາມ​ສາຂາ​ອາດ​ຈະ​ສູງ​ຂຶ້ນ​ໄວ, ​ໂດຍ​ສະ​ເພາະ​ຢູ່​ເຂດ​ພາກ​ກາງ ​ແລະ ພາກ​ໃຕ້.

- new3 - ວັນ​ທີ 1-3 ກັນຍາ​ນີ້​ຝົນ​ຈະ​ສືບ​ຕໍ່​ຕົກ​ຫລາຍ​ຂຶ້ນ

 

- lattana 1 - ວັນ​ທີ 1-3 ກັນຍາ​ນີ້​ຝົນ​ຈະ​ສືບ​ຕໍ່​ຕົກ​ຫລາຍ​ຂຶ້ນ
error: Content is protected !!