ທາດແທ້ ແລະ ມູນເຊື້ອຂອງກອງທັບປະຊາຊົນລາວ

ທາດແທ້ ແລະ ມູນເຊື້ອຂອງກອງທັບປະຊາຊົນລາວ -                    - ທາດແທ້ ແລະ ມູນເຊື້ອຂອງກອງທັບປະຊາຊົນລາວ
ທາດແທ້ ແລະ ມູນເຊື້ອຂອງກອງທັບປະຊາຊົນລາວ - kitchen vibe - ທາດແທ້ ແລະ ມູນເຊື້ອຂອງກອງທັບປະຊາຊົນລາວ

(ໂອກາດວັນສ້າງຕັ້ງກອງທັບປະຊາຊົນລາວຄົບຮອບ 74 ປີ 20 ມັງກອນ 1949-20 ມັງກອນ 2023)

ກອງທັບປະຊາຊົນລາວ ໂດຍພັກເປັນຜູ້ສ້າງຕັ້ງ, ສຶກສາອົບຮົມ ແລະ ຝຶກຝົນຫລໍ່ຫລອມ ແມ່ນກອງທັບປະຊາຊົນ ເກີດຈາກປະຊາຊົນ, ສູ້ຮົບເພື່ອຜົນປະໂຫຍດຂອງປະຊາຊົນຜູ້ອອກແຮງງານລາວບັນດາເຜົ່າແມ່ນພາຫະນະອັນແຫລມຄົມຂອງພັກ, ຂອງຊົນຊັ້ນກຳມະກອນລາວ. ດັ່ງນັ້ນ, ທາດແທ້ຂອງກອງທັບປະຊາຊົນລາວ ຈຶ່ງແມ່ນທາດແທ້ປະຕິວັດ, ມີທາດແທ້ຊົນຊັ້ນກຳມະກອນຢ່າງແທ້ຈິງ, ມີຄວາມສັດຊື່ບໍລິສຸດຈົງຮັກພັກດີຕໍ່ປະເທດຊາດ ແລະ ມີລະບຽບແບບແຜນທີ່ເຂັ້ມງວດ.

ທາດແທ້ ແລະ ມູນເຊື້ອຂອງກອງທັບປະຊາຊົນລາວ - Visit Laos Visit SALANA BOUTIQUE HOTEL - ທາດແທ້ ແລະ ມູນເຊື້ອຂອງກອງທັບປະຊາຊົນລາວ

ກອງທັບປະຊາຊົນລາວ ມີມູນເຊື້ອອັນສະຫງ່າອົງອາດ ສະແດງອອກມີຄວາມຈົງຮັກພັກດີຕໍ່ພັກ, ຕໍ່ຊາດ, ຕໍ່ປະຊາຊົນ ແລະ ຕໍ່ອຸດົມການສັງຄົມນິຍົມ. ມູນເຊື້ອດັ່ງກ່າວນີ້ ໄດ້ສະແດງອອກແຈ້ງໃນພຶດຕິກຳຕົວຈິງແຫ່ງການຕໍ່ສູ້ກູ້ຊາດອັນຍືດເຍື້ອຍາວນານ ຊຶ່ງໄດ້ຢັ້ງຢືນຢ່າງຈະແຈ້ງແລ້ວວ່າ: ກອງທັບປະຊາຊົນລາວ ມາຈາກປະຊາຊົນ ໂດຍປະຊາຊົນ ເພື່ອປະຊາຊົນພາຍໃຕ້ການນຳພາ ແລະ ໄດ້ຮັບການຝຶກຝົນຫລໍ່ຫລອມຈາກພັກ ຍາມໃດກໍຈົງຮັກພັກດີ, ບໍລິສຸດຜຸດຜ່ອງ, ເດັດດ່ຽວໜຽວແໜ້ນ, ມີລະບຽບແບບແຜນເຂັ້ມງວດ, ອົງອາດກ້າຫານ, ມີນ້ຳໃຈເສຍສະລະອັນສູງສົ່ງພ້ອມຈະເສຍສະລະເພື່ອຊາດເພື່ອປະຊາຊົນ. ສິ່ງເຫລົ່ານີ້ ໄດ້ກາຍເປັນມູນເຊື້ອອັນສະຫງ່າງາມຂອງກອງທັບ ແລະກຳລັງປະກອບອາວຸດປະຊາຊົນເຮົາຕະຫລອດມາ.

ກອງທັບເຮົາ ໄດ້ສືບທອດມູນເຊື້ອພິລະອາດຫານຂອງວິລະບຸລຸດຂອງຊາດອັນເປັນການສະແດງອອກເຖິງ ທາດແທ້ຂອງກອງທັບ. ນັບແຕ່ມື້ກໍ່ຕັ້ງມາທີ່ມີກຳລັງບໍ່ເທົ່າໃດຄົນ, ປະກອບອາວຸດປະຖົມປະຖານ, ແຕ່ພາຍໃຕ້ການນຳພາອັນສະຫລາດສ່ອງໃສຂອງພັກ, ກອງທັບ ນັບມື້ໄດ້ຮັບການປັບປຸງກໍ່ສ້າງເຕີບໃຫຍ່ຂະຫຍາຍຕົວທັງປະລິມານ ແລະ ຄຸນນະພາບຢ່າງບໍ່ຢຸດຢັ້ງ. ຂະນະດຽວກັນກໍອົງອາດກ້າຫານບໍ່ຫວັ່ນໄຫວຄອນແຄນຕໍ່ຄວາມຫຍຸ້ງຍາກ ແລະ ອຸປະສັກຕ່າງໆ, ຍິ່ງສູ້ຮົບ ຍິ່ງເຕີບໃຫຍ່ເຂັ້ມແຂງຜ່ານພຶດຕິກຳແຫ່ງການ ຕໍ່ສູ້ກູ້ຊາດຍືດເຍື້ອຍາວນານ ໄດ້ເກີດມີນັກຮົບທີ່ດີເດັ່ນ, ນັກຮົບແຂ່ງຂັນ ແລະ ນັກຮົບວິລະຊົນ ນັບທັງກຳລັງຫລວງ, ທະຫານທ້ອງຖິ່ນ, ກອງຫລອນ ຊຶ່ງມີກຳລັງເພດຍິງ ແລະ ເພດຊາຍຢ່າງຫລວງຫລາຍ.

ກອງທັບປະຊາຊົນລາວ ມີມູນເຊື້ອນ້ຳໃຈດຸໝັ່ນຂະຫຍັນພຽນອອກແຮງງານເພີ່ມພູນຜະລິດຜົນ ແລະ ປະຢັດມັດທະຍັດ; ຍາມໃດກໍມີຄວາມສາມັກຄີແໜ້ນແຟ້ນກັບປະຊາຊົນບັນດາເຜົ່າ, ສາມັກຄີກັບກອງທັບປະເທດສັງຄົມນິຍົມອ້າຍນ້ອງ ແລະ ບັນດາປະເທດເພື່ອນມິດທີ່ກ້າວໜ້າໃນໂລກ ໂດຍສະເພາະສາມັກຄີ ສຳພັນສູ້ຮົບແບບພິເສດກັບກອງທັບປະຊາຊົນຫວຽດນາມອ້າຍນ້ອງ; ເວລາໃດກໍ່ຮັກສາໄດ້ມູນເຊື້ອອັນດີງາມ, ມີປະຊາທິປະໄຕ ແລະ ມີລະບຽບວິໄນ.

ທາດແທ້ ແລະ ມູນເຊື້ອຂອງກອງທັບປະຊາຊົນລາວ - 3 - ທາດແທ້ ແລະ ມູນເຊື້ອຂອງກອງທັບປະຊາຊົນລາວ
ທາດແທ້ ແລະ ມູນເຊື້ອຂອງກອງທັບປະຊາຊົນລາວ - 4 - ທາດແທ້ ແລະ ມູນເຊື້ອຂອງກອງທັບປະຊາຊົນລາວ
ທາດແທ້ ແລະ ມູນເຊື້ອຂອງກອງທັບປະຊາຊົນລາວ - 5 - ທາດແທ້ ແລະ ມູນເຊື້ອຂອງກອງທັບປະຊາຊົນລາວ